Hulk
Bönnuð innan 12 áraÍ myndinni er ofbeldi
SpennumyndVísindaskáldskapur

Hulk 2003

(The Hulk)

Frumsýnd: 11. júlí 2003

Unleash the fury!

5.6 239,361 atkv.Rotten tomatoes einkunn 62% Critics 5/10
138 MÍN

Bruce Banner, bráðsnjall vísindamaður, með þokukenndar minningar um fjölskyldu sína, lendir í slysi í rannsóknarstofunni, sem verður til þess að hann fær á sig gammageisla. Banner verður ráðvilltur eftir slysið og forvitinn um hvernig hann fór að því að lifa þetta af, og kemst að því að alltaf þegar hann reiðist þá breytist hann í risastórt grænt... Lesa meira

Bruce Banner, bráðsnjall vísindamaður, með þokukenndar minningar um fjölskyldu sína, lendir í slysi í rannsóknarstofunni, sem verður til þess að hann fær á sig gammageisla. Banner verður ráðvilltur eftir slysið og forvitinn um hvernig hann fór að því að lifa þetta af, og kemst að því að alltaf þegar hann reiðist þá breytist hann í risastórt grænt skrímsli, sem eyðileggur allt sem á vegi hans verður. Dularfull fortíð Bruce og svarið við því afhverju geislunin breytir honum með þessum hætti, skýrist þegar blóðfaðir hans, David Banner, kemur til sögunnar og vill halda áfram að rannsaka hann.... minna

Aðalleikarar

Eric Bana

Bruce Banner / Hulk

Sam Elliott

Thaddeus E. "Thunderbolt" Ross

Josh Lucas

Glenn Talbot

Nick Nolte

The Father

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (33)


Hulk var á RÚV í gær, býst við að flestir með einhvern áhuga séu búnir að sjá hana. Ég man þegar ég sá hana í bíó með systur minni og bróður, hún fór vel fram úr væntingum þá en hefur afstaða mín breyst þar sem það er komin önnur útgáfa af Hulk mynd? Í rauninni ekki. Ég er hættur að bera þessar myndir saman. Í mínum huga eru þær báðar góðar útgáfur af Hulk mynd sem geta báðar verið frábærar á sinn hátt. Í comic heiminum eru ótal útgáfur af hetjum og alltaf nýjir skrifara og teiknarar að spreyta sig á þeim. Það sama er að gerast með þessar myndir og það er bara hið besta mál.

Myndin var gagnrýnd talsvert fyrir ofnotkuna á skiptum skjá og römmum. Mér fannst þetta alltaf flott og finnst ennþá. Þetta er bókstaflega eins og lifandi comic og þar er pínu kúl fyrir gamlan comic nördara. Það er frábært samansafn leikara í þessari mynd eins og flestum Marvel myndum. Ég elska Nick Nolte og fannst hann frábær í hlutverki föður Bruce Banner (Hulk). Nolte er líka einn af fáum kvikmyndastjörnum sem ég hef séð í eigin persónu og það skemmir ekki. Eric Bana skilar sínu hlutverki vel frá sér, hann er kannski ekki eins puny og í blöðunum (Ed Norton var nærri lagi) en það skiptir ekki máli. Jennifer Connelly er alltaf janf sæt og hún er líka alvöru leikona. Sam Elliot er líka frábær sem Thunderbolt Ross. Mér finnst hann betri en William Hurt í nýju útgáfunni.

Myndin er nokkuð kaflaskipt. Það er reynt að grafa upp fortíð Banner og útskýra uppruna Hulk. Talandi um uppruna. Í blöðunum lenti hann í gamma sprengingu en í þessari gerði pabbi hans tilraunir á sjálfum sér og flutti gamma geisla yfir í son sinn (super sperm). Það eru nokkur góð hasar atriði, sérstaklega í eyðimörkinni. Mér fannst hulk hundarnir ekki alveg nógu góðir og endirinn með pabba hans hefði mátt vera aðeins öflugri. Annars fannst mér Hulk sjálfur vel gerður og myndin almennt eðal skemmtun.

"Stop your bawling, you weak little speck of human trash."
Fannst þér gagnrýnin hjálpleg? Nei

Fólk,Fólk slappiði af.Hulk er ekki svona slæm en hún er ekki frábær.Hulk er byggð á samnefndum og rosalega vinsælum myndasögum frá Marvel.Ang Lee leikstýrir vel og Eric Bana var góður í aðalhlutverkinu sem Bruce Banner sem breytist í Hulk.Jennfer Connelly sem er mín uppáhaldsleikkona og er að mínu mati eins besta og fallegasta leikkona allra tíma fer mjög vel með hlutverk sitt sem vinkona Bruce,Betty.Nick Nolte er líka fínn sem skrítinn vísindamaður sem er faðir Bruce.Tónlistin er góð og myndatakan líka og útlit myndarinnar er gott og mjög flott hvernig Lee gerir þessa eins og að láta hana vera eins og myndasögu.Ég mundi gefa Hulk 4 stjörnur en því miður er aðalgallinn of stór og það er að Hulk er rosalega langdregin og stundum leiðinleg en hér verið að ræða um góða kvikmynd en ekki frábæra skemmtun eins og Spider man 2 og nær allar Marvel myndrinar(nema DareDevil og Punisher,þær voru ekki góðar).Í dag bárust óskars tilnefningar og mér finnst Jennifer Connelly hafa verið rænd.Ég hef aldrei séð leikkonu leika eins vel og hún í vanmetna meistaraverkinu Dark Water(víst er hún meistaraverk).Tæknibrellurnar er góðar og myndin er bara flott.Það er verið að fókusera meira á persónurnar en hasarinn og gengur það bara mjög vel upp.Ég er bara svo rosalega sammála Tómasi en vill ekki stela öllu frá honum en ég þarf þó að nefna eins og hann að myndin skapar mjög flottan myndasögu fíling og þessi hefur andrúmsloft.Bruce Banner er vísindamaður og er vinafár og er ættleiddur.Þegar hann var lítill þá gerði faðir hans sem einnig er vísindamaður tilraunir á sjálfum sér en svo varð konan hans ólétt og Bruce erfði þessi DNA.Bruce lendir núna 25 til 35 árum seinna í kjarnorku slysi í vinnunni og hann fer að breytast og þegar hann verður reiður breytist hann alveg.Útaf blönduninni af þessu DNA og kjarnorkunni þá verður hann risastór og grænn(ekki hlæja þetta er góð mynd).Mæli með þessari en held að 14 ára og eldri eigi eftir að skilja þessa betur en þeir sem eru yngri(ég sá þessa fyrst þegar ég var 11 ára)en bara ekki búast við bara hasar og geðvekium tæknibrellum því þessi mynd er meira en það og ef þú vilt bara þetta sem ég nefndi þá er Hulk ekki mynd fyrir þig en mæli samt með henni.
Fannst þér gagnrýnin hjálpleg? Nei

Ég var í vafa hvort ég nennti að horfa á myndina en ákvað að kýla á það! en allavega þá er myndin betri en ég bjóst við Eric Bana er flottur í myndinni og ég mæli með myndinni þ.e.a.s þá sem eru mikið fyrir teiknimyndasögur. En þetta þessi fínasta mynd á ferðinni.
Fannst þér gagnrýnin hjálpleg? Nei

Svona eiga Marvel myndirnar að vera.Eric Bana er frábær sem Bruce Banner ég mæli með þessari.Ef þið eruð á leið á vídeóleigu takið þá þessa.
Fannst þér gagnrýnin hjálpleg? Nei

What the...? Þetta er ein versta mynd sem ég hef séð! (Freddy got fingered og House of 1000 corpses eru sterkir keppinautar)


Ég skal gefa ykkur dæmi hvað ég á við:

Risastór grænn gúmmíkarl hoppar 300 metra upp í loftið til að flýja undan skriðdrekum og þyrlum!

Ég meina, KRÆST, þetta er án efa versta ofurhetjumynd sem ég hef séð!

Ef þið viljið eina slíka sem er góð horfið á Hellboy og ekki líta á þetta KRAPP!
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)