Spider-Man (2002)

Mögnuð mynd til áhorfs þar sem saga Peter Parkers og Kóngulóarmannsins er rakinn nokkuð ítarlega og næstum nákvæmlega eins og upprunalega sagan er höfð í teiknimyndablöðum. Þeir sem að nenna ekki að lesa hasarblöðin hafa haft kost á því að horfa á teiknimyndir á stöð 2 (sem eru reyndar ekki sýndar núna) en þar er saga Spiderman rakin all nákvæmlega og skemmtilegir þættir þar á ferð. Það er þessari mynd semsagt til lukku hversu vel hún fylgir nákvæmlega hugmyndum Stan Lee um sköpun og þróun Spiderman. Sam Raimi er að leikstýra þessari mjög vel og virðist vita fyllilega hvað hann vill frá fram hjá leikurum og öðrum samstarfsmönnum sínum sem að myndinni koma. Það var víst voða mikið mál að fá Tobey Maguire til að safna á sig öllum þessum massa sem Kóngurlóarmannin príðir eftir bitið góða. Maguire er víst grænmetisæta en flestallir próteinkúrarnir eru búnir til úr dýraafurðum, en þar sýndi maðurinn einstakann vilja á verkefninu og púlaði og svitnaði sem aldrei áður (með því að neita bara grænmetis) og varð útkoman hreint út sagt mögnuð og vel heppnuð. Einnig er líka hægt að hæla góðu vali á Maguire í hlutverk Peters Parkers þar sem hans rólega fas og glaðlyndi passar vel saman við''nerðings''-legan karakter Parkers. Þessi rólega framkoma Maguire kom fram þar sem hann lék í Cider House Rules, og hefur það hlutverk vafalaust hjálpað honum að komast á lista sem hugsanlegur Peter Parker. Kirsten Dunst passar líka einstaklega vel í hlutver MJ og er það sérstaklega vegna rauða hársins (sem getur vel ein hafa verið litað) og kynþokkafulls útlits sem á víst að einkenna MJ. Samt nær hún ekki að toppa í þessari magnaðan leik sem hún sýndi ung í Interview with the Wampire. Besta leik á vonda kallinum í nokkurri kvikmynd sér maður hjá snillingnum Williem Dafoe þar sem maður sér hann leika tvíklofinn persónuleika sem að tekur tæknina sér í nyt og gerir almennilegan usla út um allan bæ, svona eins og alvöru illmenni eiga að gera, ekki eiða tímanum í spjall og vitleysu. Reyndar hefur mér aldrei fundist þessi Goblin-náungi vera neitt sérstaklega skemmtilegur en framkoma Dafoe sem hann er það góð þannig að það sleppur. En besta leik á án efa frænka Peters Parkers sem er víst leikin af Rosemary Harris. Einnig er gamana fyrir glögga menn að sjá Stan Lee bregða aðeins fyrir í einni senu þar sem hann verður næstum því undir grjóthnullungi. Allar tæknibrellur eru til fyrirmyndar og ef einhverjir eru að eyða tíma sínum í að góna á galla á því sviði þá eru þeir sömu að missa að sjálfri myndinni. Einnig eru búningar vel gerðir og á ég þá sérstaklega við búniga tveggja höfuðandstæðinga myndarinnar. Sam Reimi er nokkuð marktækur leikstjóri sem er vel eftirtektarverður og hefur gert flestallar myndir sínar nokkuð vel. En þessi er ein sú besta sem frá honum hefur komið og tekst honum að skjóta fram einlægri framsögn leikara á skemmtilegum karakterum, sem styðja sig við gott handrit og sögu sem er trú uppruna sínum. Semsagt þá er þetta mynd sem er vel áhorfandi og mæli ég eindregið með henni handa þeim sem hafa gaman af Comicbook-myndum, eða/og þá vel gerðum myndum yfir höfuð.

Nokkuð góð mynd eftir snillinginn Sam Raimi sem gerði Evil Dead myndirnar sem eru náttúrulega snilld! Peter parker (Tobey Maguire,Seabiscuit) er svokallaður loser í skólanum sínum. En hann verður bitinn af sjaldgæfri könguló og fær yfirnáttúrulega hæfileika. Hann getur skotið vef og klifrað lárétt á byggingum. En vondi gaurinn sem kallar sig The Green Goblin ógnar borginni og hann þarf að finna út hver hann er. Sam Raimi ætti að halda sig áfram við hryllingsmyndir því Evil Dead myndirnar eru meistaraverk.

Sagan byrjar hjá óvinsælum strák. Hann er að taka myndir á köngulóarransóknarstofu þegar baneitruð könguló bítur hann. hann tekur ekki eftir því og heldur bara áfram. Seinna þegar hann lendir í slagsmálum verður hinn barinn og hann veit ekki af hverju. Hann tekur eftir að seinna að hann getur klifrað á veggjum og hoppað hátt og allt. Þegar allt gengur vel deyr frændi hanns og þá er bara fænka hanns eftir. Hann vill fá hefnd og gerist þá köngulóarmaðurinn han nfinnur ræningjan og sá að þeir höfðu hisst áður og hann hefði getað komið í veg fyrir dauða fænda síins. Frændi hanns hafði sagt honum að við góða hæfilega fylgir einn hlutur, það er að vera hulinn. Hann á nefninlega kærustu sem er kölluð MJ Hann verður að taka þá ákvörðun að þau verða bara vinir og hann alltaf köngulóamaðurinn.

Þessi mynd er frábær og heldur sögunni ótrúlega vel.

Tobey Maguire er frábær sem Peter Parker og og það er vel valið í öll hlutverkin finnst mér, tæknibrellurnar eru líka frábærar og gætu varla verið betri. Green Goblin finnst mér líka vera ótrúlega flottur og vel leikinn. Sam Raimi er líka frábær leikstjóri. Ég get ekki beðið eftir framhaldsmyndinni.

Ég ætla ekki að eyða mikilli orku í að skrifa um þessa mynd því hún að það ekki skilið.

Þegar ég byrjaði að horfa á myndina þá hafði ég ekki miklar væntingar en bjóst samt við miklum hasar, eins og er oftast í kringum spiderman, en þvílík vonbrigði.

Ástarvella útí gegn og lítið af hasar.

Það sem lyftir myndini pínu upp eru tæknibrellurnar en það er líka það eina við myndina.

Sá þessa mynd einhvern tíman í sumar eðaþegar hún kom út, mjög skemmtileg mynd sem hélt spennu allan tíma, en það var samt eitthvað við þessa mynd sem gerði hana ekki alveg nógu góða, ég er ennþá ekki búinn að komast að því hvað það var, í stuttu máli sagt er þetta dæmigerð bandarísk mynd um aumingjan sem verður allt í einu flotti gæjinn og þarf ekki lengur að nota gleraugu sem einkennir lúðan í honum og er allt í einu orðin að ofurhetju og svaka sterkur og flottur. Samt skemmtileg ævintýramynd sem maður hefur gaman af, mjög góð afþreying.

Ég fór á þessa mynd í bíó, með vini mínum Köllum hann DeVil, en það þekkja mig margir undir nafninu Zack (dulnafn) bara til ganns. Ok myndin er alveg frábær maðurinn (Tobey) er líkur Hafliða Vilhelms allaveganna brosið, Ég fór á myndinna 2. Þið þarna úti sem fýlið spennumyndir og hetjumyndir og hetjudáðir farið á þessa mynd, ekkert Batman rugl eða Superman rugl. Ég mæli með henni. Ætla sjálfur að kaupa hana á DvD í bestu gæðum.

Spider-man er frábær skemmtun, spenna,hasar,rómantík og drama. Góður leikur hjá Tobbey Maguire sem Spiderman, willem Dafoe sem green goblin og svona ágætis frammistaða hjá Kirsten Dunst sem Mary Jane. Flott hasaratriði gera myndina að frábærri skemmtun.

ég varð fyrir vonbrigðum með tónlist Danny Elfmans en hefur samið tónlist í myndum eins og men in black og batman.Tæknibrellurnar eru mjög góðar og það er ótrúlega raunverulegt þegar spiderman svífur um himininn blán. Þetta er hin besta ofurhetju mynd en ekki eims góð og batman.

Ég hef alltaf haft mjög gaman af Spider-Man eða Köngulóarmanninum, eins og hann heitir á íslenskri tungu. Fyrstu kynni mín af honum voru í gegnum Stöð 2 en á laugardagsmorgnum voru gömlu teiknuðu þættirnir sýndir þar, þessir með ‘Spider-man, Spider-man, does what ever a spider can..’ laginu. Eftir það voru það allar myndasögurnar og svo aftur á Stöð 2, nýrri þættir sem sýndir voru á föstudögum. Ég held að ég eigi næstum alla þættina, bæði gömlu og nýrri seríurnar, á spólu og ég hef enn gaman að þeim. Ég man samt alltaf eftir því þegar ég tók Spider-Man kvikmynd á spólu, hún hét Spider-Man Strikes Back (1978), hún var byggð á sjónvarpsþáttunum og var vægast sagt léleg. Það sást í böndin sem héldu Spider-Man uppi og sagan sem var strekkt yfir 90 mínútna kvikmynd var minni en í venjulegum 25 mínútna þætti. En ég var samt mjög spenntur fyrir því að kannski mundi koma ný og betri Spider-Man mynd út!


Árið 1998 var ég að skoða síðuna IMDb.com, þar var listi yfir myndir sem ættu að koma út árið 1999, þar voru myndir einsog “Freddy vs Jason”, “Leisure Suit Larry”, “Planet of the Apes” og Spider-Man! Ég varð spenntur að sjá nafnið en mun meira spenntur þegar ég sá hver átti að gera hana, James Cameron! Ekki grunaði mig að ég mundi þurfa að bíða í 4 ár eftir myndinni og að James Cameron mundi hætta við og að Sam Raimi kæmi í staðinn. En biðin var þess virði.


Spider-Man serían(númer 2 kemur eftir tvö ár) mun fylgja hefðinni sem Superman (1978) og Batman (1989) sköpuðu. Fyrsta myndin eyðir miklum tíma í að kynna ofurhetjuna og hefur bara eitt illmenni sem tekur ekki of mikinn tíma. Mynd númer tvö kemur svo með meiri hasar og tvö illmenni.


Peter Parker (Tobey Maguire) er nördalegur gagnfræðiskólanemi sem lendir í því að verða bitinn af erfðabreyttri könguló, hún hefur allt það besta úr þremur öðrum köngulóm og er kölluð ‘super spider’. Eftir það fær hann allt það sem köngulóin hafði, hann getur gengið á veggjum, hann hefur skyggnigáfu, hann er ofursterkur, getur hoppað margfalda hæð sína og getur spunnið vef. Hann er, ‘The Human Spider’! Eða þangað til að Bruce Campbell skýrir hann ‘the Amazing Spider-Man’.


Vondi karlinn sem fær þann heiður að berjast við Spider-Man fyrst er The Green Goblin sem að er vísindamaðurinn Norman Osborn (Willem Dafoe) og faðir besta vinars Parkers, Harry Osborn (James Franco). Norman og fyrirtækið hans Oscorp, hefur verið að vinna að því að gera vopn fyrir herinn en þegar að hann virðist vera að missa samninginn ákveður hann að prófa varninginn á sjálfum sér. Hann endar sem ofursterkur og með tvíklofinn persónuleika.


Ég held að það sé alger óþarfi að fara meira útí söguþráðinn, flestir hafa þegar heyrt allt um Mary Jane Watson (Kirsten Dunst), Ben og May (Cliff Robertson og Rosemary Harris)


Ég er mjög ánægður með myndina, svo ánægður að ég hef séð hana tvisvar í bíó og mun án efa kaupa hana strax á DVD. Aðalleikararnir eru mjög góðir. Tobey Maguire (The Cider House Rules) er frábær sem Peter Parker. Hann er mjög góður leikari og sýnir hlutverkinu mikla virðingu, sem það á skilið. Willem Dafoe (Shadow of the Vampire) er líka mjög góður leikari, hann ofleikur auðvitað pínu en ekki eins mikið og Jack Nicholson í Batman, þó að Green Goblin er augljóslega svolítið stæling á Jókernum. Kirsten Dunst hefur ekki mikið að gera í myndinni, hlutverk hennar mun verða stærra í næstu mynd skillst mér samt, aðalhlutverk hennar er að verða bjargað af Spider-Man. En hún skilar samt sínu vel. Aukaleikararnir eru flestir fínir, þá sérstaklega J.K. Simmons sem J. Jonah Jameson og auðvitað er Bruce Campbell alltaf góður.


Sam Raimi, sem er þekktastur fyrir Evil Dead trílógíuna, leikstýrir vel, hann notar samt venjulega stílinn sinn eins mikið og hann gerði í t.d. Darkman. En mörg af ‘brögðunum’ hans eru þarna samt. Þemað eftir Danny Elfman er ekki eins minnisstætt og hann gerði fyrir Batman, eða eins og John Williams gerði fyrir Superman og Indiana Jones, en það er samt mjög gott. Tæknibrellurnar hafa verið gagnrýndar fyrir að vera óraunverulegar en mér finnst þær samt mjög flottar og skyggja ekki yfir persónurnar.


Með myndir einsog X-Men 2, The Hulk, Ghost Rider, The Fantastic Four, Daredevil og Spider-Man 2 í framleiðslu er augljóst að Marvel hefur tekið yfir kvikmyndaheim ofurhetjanna, DC comics hafði yfirhöndina fyrst um sinn með Batman og Superman en Stan Lee og félagar hafa hana núna. Spurning er hvort að þær myndir sem eru að koma verði jafn góðar og þessi, hver veit? Ég get allaveganna ekki beðið eftir Spider-Man 2 (2002) með Dr. Octopus og Lizard!

- www.sbs.is

Spiderman er mynd sem ég hafði beðið mikið eftir að sjá. Ég horfði alltaf á teiknimyndirnar þegar maður var krakki. Nú er hún loksins komin á hvíta tjaldið og ekki get ég kvartað mikið yfir þessari snilldarmynd. Hún segir frá Peter Parker sem býr með frændfólki sínu. Hann er ekki mjög vinsæll meðal nemenda í skólanum. Hann hefur alltaf verið hrifinn af Mary Jane Watson en aldrei þorað að segja henni það. Síðan gerist það þegar hann er að taka myndir fyrir skólablaðið í kynningarferð að hann er bitinn af könguló sem kallast Super Spiders. Eftir það fer líf hans að breytast. Hann er farinn að sjá án þess að hafa gleraugun á sér, orðinn sterkari og kemst að því að hann getur klifrað upp veggi. Síðan þegar frændi hans deyr, ákveður hann að nota þessa hæfileika sína til að stoppa glæpamennina og verður Spiderman. Norman Osborne er vísindamaður sem gerir tilraun á sjálfum sér sem fer út í þúfur og hann klikkast og verður Green Goblin sem að ætlar sér að taka Spiderman úr umferð. Og þá byrjar ballið. Þetta er án efa besta mynd ársins hingað til. Tobey Maguire er alveg frábær sem Peter Parker/Spiderman. Willem Dafoe, ég hef alltaf dýrkað þennan leikara og ekki bregst hann hérna. Kirsten Dunst er líka fín sem Mary Jane. Og svo megum við ekki gleyma snillingnum á bakvið myndina, Sam Raimi sem er snillingur. Tæknibrellurnar, spennan og hasaratriðin eru alveg meiriháttar flott. Ég myndi gefa henni 5 stjörnur en það er ekki hægt svo ég læt 4 duga.

Mér finnst þetta mjög góð mynd. Eitthvað fyrir alla. Mér fannst líka Willem Dafoe leika mjög vel í myndinni. Hann passaði allveg fullkomlega sem vondi kallinn.

Tobey Maguire var líka mjög flottur sem Spiderman. Kirsten Dunst var líka flott og mér finnst hún eiginlega sætari svona rauðhærð en ljóshærð.

Topp mynd. Ég lofa að hún bregst ykkur ekki.

Fínasta ræma! Það sem mér fannst vanta voru áframhaldandi upplýsingar um sambandið hans Harrys og Normans. Annars var þetta bara með betri Hollywood myndum árins.

Sam Raimi og David Koepp eru greinilega færir sögusmiðir og kunna svo sannarlega til verka.