The League of Extraordinary Gentlemen (2003)

Þetta er ein af þessum myndum sem hægt er að hafa gaman af án þess að grafa of djúpt í söguþráðinn. Myndin er byggt á myndasögum en myndin virkar næstum eins og teiknimynd hún er svo ótrúlega ótrúverð. Það er engin skilgreining á raunveruleika hér, gæti alveg eins að þau væru í The Matrix. Annars er þetta fín mynd. Sean Connery er góður og allir hinir. Góðar persónur, tæknibrellurnar góðar á mismunandi stigum og bara miðjumoðsmynd. Ég kvarta ekki, ég hafði engar væntingar.

Myndin er ekkert léleg eins og sumir segja en hún er með mjög góðum tæknibrellum og með léttan undirtón. Maður sem kallar sig Phantom eða drauginn er búinn að koma af stað heimsstyrjöld og hópur af fólki er kallað saman. Það er ævintýramaðurinn Allan Quartermain (Sean Connery,The Untouchables), bandaríski njósnarinn Sawyer (Stuart Townsnefnd,Queen Of The Damned),ódauðlegur maður,vampíra,Dr,Jekyll og Mr.Hyde, indverski skipstjórinn Nemo og ósýnilegi maðurinn. Þau þurfa öll að yfirbuga Phantom en tveir menn úr sjálfum hópnum svíkja þau öll en ég segi ekki hver því ég vil ekki vera spoiler. Flestar persónurnar eru úr gömlum hryllingsmyndum eins og vampíran,ósýnilegi maðurinn,Dr,Jekyll ofl. en þeir eru alveg eins og í gömlu myndunum,alveg eins í útliti og persónuleika. Myndin er byggð á myndasögum Alans Parkers.

Sennilega er þessi mynd vonbrigði ársins 2003, því miður því Sean Connery á nú betra skilið. Myndin gerist í lok 19. aldar og segir frá nýrri ógn sem steðjar að heiminum. Brjálæðingur sem gengur undir nafninu The Fantom ætlar að ná heimsyfirráðum með því að etja þjóðum saman í stríð. Á meðan þjóðir heims berjast við hvor aðra er hann að koma sér upp ósigrandi her. Til að hafa hendur í hári hans þarf að kalla til úrvalssveit einstaklinga sem búa yfir eiginleikum sem eru í senn blssun og bölvun. Allir eiga þessir einstaklingar það sameiginlegt að koma úr ævintýrabókum. Til eru kallaðir menn eins og Captein Nemo, Dr.Henry Jekyll/Edward Hyde, Dorian Gray, Tom Sawyer, Rodney Skinner (Ósýnilegi maðurinn), Mina Harker og að lokum sá sem fer fyrir hópnum, Allan Quatermain (Sean Connery). Saman leggja þessari einstaklingar af stað og eftirförin ber þá víða um heim. LXG hefði getað orðið mun betri ef handritið hefði verið heilsteyptara. Myndin líður stefnulaust áfram. Persónusköpunin er afleit fyrir utan Dr.Jekyll. Áhorfandinn kennir til með honum hans persóna er hvað skýrust. Tæknibrellurnar ná ekki að bjarga því sem bjargað verður. LXG er slöpp ævintýramynd sem ég get engan vegin mælt með, nema kannski þegar maður hefur nákvæmlega ekkert að gera.

Ok...ég verð hreinskilinn. Mér fannst þetta ekki besta mynd sem ég hef séð en mér fannst hún nokkuð flott og vel skrifuð. Allan Quatermain (Sean Connery) er besta skytta í heimi. Hann er mjög frægur og það er ekki barn í Bretlandi sem hefur ekki heyrt hans getið. Hann er ráðinn ásamt Captain Nemo,Rodney Skinner,Minu Harker af manni sem kallar sig Mister M. Hann er að biðja þau um að finna og drepa mann sem kallar sig The Fantom. Á leiðinni kemur liðsauki þeirra til hjálpar. Þ.e.a.s. Dr.Jekyll, Dorian Gray og Tom Sawyer. Saman ætla þau að berjast við hina illu krafta Fantoms. Tæknibrellurnar í þessari mynd halda í henni lífi en það er bara sum atriði sem eyðileggja myndina.

Það er nú óhætt að segja að LXG sé algjört kjaftæði en það er líka óhætt að segja að hún sé svakalega flott gerð, frumleg og nokkuð skemmtileg áhorfs. Ég held að það versta sem er við þessa mynd séu öll stóru viðmið þessa sumars, hún á einfaldlega ekkert inn á þennan markað að gera núna því hún hverfur algerlega í skuggann af hreynlega öllum hinum hetjumyndum sumarsins.

Það sem er jákvætt við myndina er það að myndin er flott gerð, allar tæknibrellur eru vel unnar, Sean Connery leikur í henni og yfirbragðið er allt mjög flott.

Mæli með henni hún er hin fínasta afþreying.

Ég sá þess mynd fyrir nokkru og að mínu mati er þessi mynd bara ágæt til þess að sjá. Það er sagt að þessi mynd sé í raun bara brellu mynd að mörgu leyti er það satt en hún er líka með góðan sögu þráð. Sögu þráðurinn er þannig að safnað er saman mörgum frægum persónum úr bókum eftir fræga rithöfunda sem gerir söguþráðinn nokkuð spennandi en annars er sagan um það að það er brjálaðingur að nafni Phathom sem ætlar að stofna heimstyrjöld á milli land þannig að það verður einhver að stöðva hann þannig að þá er stofnað the league of the ex. og þannig hefst sagan. Eins og ég sagði fyrr þá er þessi mynd bara ágæt og ég mæli með því að allir þeir sem eru Sean connery aðdáendur ættu að sjá þessa mynd þar sem hann nær sínum gamla stíl aftur (James Bond).

Annars er þetta góð mynd.

The League of Extraordinary Gentlemen er flott en hrikalega fljótgleymd bíómynd sem hverfur einnig umsvifalaust í skugga ofurhetjumynda af mun betri gæðum, semsagt Hulk, X-Men 2 og jafnvel Daredevil. Myndin er kannski stílísk og glæsilega útfærð frá vissum hliðum (þ.e. búningum, tæknibrellum (þó, að vísu, einungis takmörkuðum sviðum) og sviðsmyndum) en hvað varðar handrit og innihald nær hún ekki slíkum jákvæðum hæðum. Hún væri samt mun verr stödd hefði ekki orðið fyrir gamla brýnið Sean Connery, sem stendur sig ansi vel í toppformi miðað við að vera rúma sjötugur að aldri. Aðrir leikarar standa sig prýðilega án þess þó að þeir verðskuldi að vera nefndir sérstaklega hver fyrir sig. LXG þjáist samt meginlega vegna handrits; það nær hvorki góðri spennuuppbyggingu né almennilegri persónusköpun. Að persónu Connery's utanskildri, er varla nokkuð farið út í restina af liðinu, og sumar persónur koma þannig út eins og þær hafa verið klipptar út af blaði (kannski hasarblaði?), því þær fá ekki frekari víddir. Annar galli fylgir söguþræðinum. Vandamálið er að sagan er bara alltof andskoti þunn, og væri ekki fyrir fáeinar fléttur væri þetta hvorki fugl né fiskur. Hún missir líka töluvert mikinn damp í seinni hálfleik, ásamt mikilli þörf fyrir loka-climax. Myndir sem og þessi eiga einfaldlega EKKI að enda á rólegru nótunum, það er bara nánast eins og brot á reglum sumarhasarmyndanna. Og, það sem verra er, hasarinn sjálfur bætir ekki mjög mikið upp fyrir söguna, og tæknibrellurnar eru voða misgóðar. Svo ég tali nú ekki endalaust um neikvæðu hliðarnar þá má taka það fram að LXG hafi skítsæmilegt afþreyingargildi. Ekkert brjálað neitt, en hún er samt aldrei leiðinleg heldur. Gallarnir koma kannski í heldur mikilli fleirtölu, en þannig gengur það bara fyrir sig og ég reyni að halda mér frá því að lýsa yfir hversu mikil nauðgun þessi mynd er á upprunalegu sögu Alans Moore. Yfirhöfuð, þolanleg vídeómynd, en Connery (sem og öll umgjörðin) á betur skilið.5/10

Þessi mynd var nú ægilega slöpp, ég sá trailer af henni og þótti þetta frekar athyglisvert og gæti varla verið léleg mynd, Ég bjóst við því að Sean Connery myndi standa fyrir sýnu en hann getur það nú varla í svona lélegri mynd. Þessi mynd er bara beint út sagt leiðinleg. Það er farið mjög vægt í allar persónurnar fyrir utan persónu Sean Connery ( The Hunter ) enn það er farið aðeins dýpra í hann. Söguþráðurinn er vægast sagt alger þvæla og rugl, Kapteinn Nemo kemur þarna á kafbátnum sínum með vélbyssurnar sýnar og bílana og rugl. Dr.Jekyll er þarna einnig sem mjög fáránleg persóna sem er ekkert vandaður í útliti, það eru slappar tæknibrellur í þessari mynd og þær gefa henni engan plús ... Þeir hafa meira að segja nasista sem aðal óvinina, semsagt alger hörmung. Þeir tala ekki einu sinni þýsku. Aðal óvinurin er einhver alger aumingi sem getur það eitt að hlaupa frá góðu köllunum og reyna að sleppa. Það eru nokkrar aðrar persónur sem ég man ekki einu sinni eftir lengur og eru já ... ömurlegar. Sean Connery kom sjálfur í Jay Leno og sagði að það hefði átt að læsa leikstjóran inn á geðveikrarhúsi og ég er alveg sammála honum ... Gerið ykkur greiða og látið ekki blekkja ykkur, þetta er alger óþveri.