"What if you discovered the most dangerous man in the universe was you."
1 klst 27 mín2001
Átt þú þér dökka hlið? Myndin fjallar um ægilegar afleiðingar þess þegar tveir hliðstæðir heimar skerast, og aðalpersónan þarf að berjast við kraftmikla útgáfu af...
Átt þú þér dökka hlið? Myndin fjallar um ægilegar afleiðingar þess þegar tveir hliðstæðir heimar skerast, og aðalpersónan þarf að berjast við kraftmikla útgáfu af sjálfum sér úr þessum hliðstæða heimi. Gabriel Yulaw er fyrrum MVA fulltrúi sem drap aðra útgáfu af sjálfum sér í sjálfsvörn. En það styrkti hinar útgáfurnar af honum enn meira. Þegar Yolaw kemst að þessu, þá verður hann sjúkur í völd og drepur á tveimur árum 122 útgáfur af sjálfum sér. Hann er fangelsaður en sleppur út og vill drepa Gabe Law að lokum, sem er lögregluþjónn.
Bróðir minn þurfti endilega að taka mig á þessa mynd og ég vissi að hún yrði slæm. Og Jet Li stóð sig verst. Hvernig hann t.d. hreyfði hálsinn og brosti í leiðinni. Það voru glatað…
Bróðir minn þurfti endilega að taka mig á þessa mynd og ég vissi að hún yrði slæm. Og Jet Li stóð sig verst. Hvernig hann t.d. hreyfði hálsinn og brosti í leiðinni. Það voru glataðar tæknibrellur og ástæðan að ég gefi myndinni hálfa stjörnu var vegna þess að brúni kallinn lék vel. Jackie Chan myndirnar eru miklu betri.
Mér fannst þetta góð mynd, góð bardagaatriði þó að það var stundum sýnt hægt. Alla vegna sat ég spennt allan tíman sem ég var bíó og beið eftir hvað séði næst. En ég mæli sam…
Mér fannst þetta góð mynd, góð bardagaatriði þó að það var stundum sýnt hægt. Alla vegna sat ég spennt allan tíman sem ég var bíó og beið eftir hvað séði næst. En ég mæli samt ekki með því að fólk sem hefur ekki gaman af Kong Fú ekki horfa á hana því það mun bara hneyksla það fólk. Sjálfu sér er söguþráðurinn ekki góður en það er nánast í hvaða mynd sem hann Jet Li leikur í þá virðist eins og hann geti allaf bæt söguráðin á einhvern hátt. En ég mæli þessari mynd fyrir þá sem vilja sjá spennumynd með honum Jet Li
The One er bara enn önnur eftirherma af snilldarmyndinni
The Matrix. Ég verð nú samt að segja að bardaga atriðin eru fín
en allt of mikil Matrix herma eins og flestar myndir sem Jet Li…
The One er bara enn önnur eftirherma af snilldarmyndinni
The Matrix. Ég verð nú samt að segja að bardaga atriðin eru fín
en allt of mikil Matrix herma eins og flestar myndir sem Jet Li leikur í t.d. Romeo Must Die og fleiri. Söguþráðurinn er ágætur samt ekki nógu góður.Þetta er típísk mynd þar sem tveir eða fleiri eru eins og alltaf er sama aðferðin notuð til að finna út hver er góði kallinn og hver er vondi, þau spyrja um eitthvað sem vondi ætti ekki að vita. Jet Li er góður bardagalistamaður en ekki nógu góður leikari og ekki bæta aukahlutverkin það upp.
Það eru takmörk fyrir því hvaða bévítans vitleysu maður lætur hella yfir sig meðan maður horfir á menn lumbra hver á öðrum.
Gef samt eina og hálfa vegna þess að Jet Li er lipur o…
Það eru takmörk fyrir því hvaða bévítans vitleysu maður lætur hella yfir sig meðan maður horfir á menn lumbra hver á öðrum.
Gef samt eina og hálfa vegna þess að Jet Li er lipur og skemmtilegur slagsmálakall og Jason Statham er flottur í sínu hlutverki sem endranær.
Ég hélt að þessi mynd væri betri. En hún er yfirborðskennd, alltaf það sama að gerast og ekki nógu góðir leikarar. Jet Li kann ekki ensku en bardagaatriðin eru ágæt, þó mætti slep…
Ég hélt að þessi mynd væri betri. En hún er yfirborðskennd, alltaf það sama að gerast og ekki nógu góðir leikarar. Jet Li kann ekki ensku en bardagaatriðin eru ágæt, þó mætti sleppa tónlistinni, ekki að hún sé ekki góð, hún passar bara ekki inn í atriðin. Ef þið nauðsynlega viljið sjá The One, takið hana þá á video.
Það ætlar ekki ganga fyrir hann jet li. Fyrir tveimur árum lék hann í hinni afar slöppu Romeo must die og síðan í þessari slappa klóni af Matrix, The One.Það verður seint tekið af Jet …
Það ætlar ekki ganga fyrir hann jet li. Fyrir tveimur árum lék hann í hinni afar slöppu Romeo must die og síðan í þessari slappa klóni af Matrix, The One.Það verður seint tekið af Jet LI að hann getur gert allan djö... á sviði sjálfsvarnar íþóttarinnar en heldur sökkar feitt sem illt vélmenni sem getur allt.Í stuttu máli fær The One stórt rautt handafar á rasskinnina.
Ég verð nú bara að segja að þessi mynd svipar ótrúlega mikið til Matrix. Öll bardagaatriði og myndataka eru mjög keimlík, þó eru bardaga atriðin mun ýktari og slo-móið stillt á hæ…
Ég verð nú bara að segja að þessi mynd svipar ótrúlega mikið til Matrix. Öll bardagaatriði og myndataka eru mjög keimlík, þó eru bardaga atriðin mun ýktari og slo-móið stillt á hæsta kraft. En öllum fannst The Matrix góð og það er The One líka. Ekki skemmir fyrir að hafa ein besta hasarmyndaleikara heims í aðalhlutverki, það er hreint ótrúlegt hvað Jet Li getur hreyft sig, það er sem hann er liðalaus og óháður þyngdarlögmálinu. Einnig er hugmyndin á bakvið myndina afbragðsgóð. The One skipar sér ekki í hóp bestu mynda sögunnar en engu að síður mjög góð. Því hvet ég alla unnendur góðra mynda að skella sér í bíó og sjá THE ONE
Ég varð fyrir svolitlum vonbrigðum, ég er mikill aðdáðandi Jet Li, þótt að það geti farið í taugarnar á mér þegar hann notar þassa víra og tæknibrellur. En mér finnst samt flottar…
Ég varð fyrir svolitlum vonbrigðum, ég er mikill aðdáðandi Jet Li, þótt að það geti farið í taugarnar á mér þegar hann notar þassa víra og tæknibrellur. En mér finnst samt flottara að sjá Jet Li gera þetta heldur en Keanu Reeves sem kann ekki rassagat að slást. Handritið í þessari mynd er mjög þunnt, bardagaatriðin eru ágætlega cool. En tónlistinn í þessari mynd er aftur á móti snilld, almennilegt þungarokk og mikil læti. Og það hífir hana ágætlega mikið upp, það er ekki oft sem maður heiri mikið af þungarokki í bío. Svo er nátturulega Jet Li alltaf flottur.
Ég varð fyrir svolitlum vonbrigðum með The One, kannski vegna þess að ég hafði gert mér of miklar vonir. Kiss of the Dragon á sennilega sök á því að eftirvæntingarnar voru svona miklar…
Ég varð fyrir svolitlum vonbrigðum með The One, kannski vegna þess að ég hafði gert mér of miklar vonir. Kiss of the Dragon á sennilega sök á því að eftirvæntingarnar voru svona miklar og hugsanlega trailerinn sem var ekki af verri endanum. Í myndina vantar einhvern neista til að koma myndinni á flug en hún fær tvær stjörnur fyrir flott atriði, sem við reyndar höfum séð áður í Matrix og Romeo must die.
Ég sem hélt að hér yrði um að ræða skemmtilega testósterónmynd sem maður gæti verulega haft gaman af, þó maður vissi fyrirfram að myndin yrði slöpp. Það sem gerðist hins vegar, er…
Ég sem hélt að hér yrði um að ræða skemmtilega testósterónmynd sem maður gæti verulega haft gaman af, þó maður vissi fyrirfram að myndin yrði slöpp. Það sem gerðist hins vegar, er að myndin er ekki bara slöpp heldur frekar leiðinleg og jafnvel dálítið langdregin þrátt fyrir að vera aðeins um 80 mínútur að lengd. Jet Li fellur í þá ormagryfju einu sinni enn, að nota tæknibrellur í bardagaatriðum sínum. Þetta eru gríðarleg mistök, vegna þess að maðurinn er ótrúlegur bardagasnillingur og með því að nota brellur þá er hann að gera lítið úr eigin hæfileikum. Það gæti hver sem er verið að gera það sem hann gerir í þessari mynd, þessvegna þú. Ekki það að bardagarnir séu illa gerðir, alls ekki, heldur dáist maður að þeim sem geta gert þessar listir í alvöru, eins og Jackie Chan. Maður sér ekki mynd með Jackie Chan þar sem hann notar tölvubrellur til þess að hlaupa upp vegg, hann finnur einfaldlega leið til þess að hlaupa upp vegginn upp á eigin spýtur (ég hef oft séð hann gera það, það er ótrúlegt). Þar fyrir utan er handrit myndarinnar í molum og lítið vit er í framvindunni. Hún er hins vegar ágætlega gerð, tæknilega séð, og gaman er að sjá loksins einhvern nota Bullet-Time slow-motion eins og maður sá í Matrix og bæta einhverju við. Myndinni í heild sinni er ekki hægt að mæla með fyrir neinn nema hörðustu Jet Li aðdáendur, aðrir ættu að halda sig fjarri.
The One byggir á þeirri hugmynd að það sé ekki bara til einn alheimur, eða Multiverse, og að til séu óendanlegur fjöldi annarra alheima. Í sumum af þessum alheimum er maður til og í öðrum ekki. Þetta hljómar allt voða sniðugt, en þetta er ekki ný hugmynd heldur hugmynd sem hefur orðið til upp úr skammtaeðlisfræði og telja þó nokkrir virtir vísindamenn á því sviði að hún sé rétt. Til gamans má geta þess að skammtatölvur byggja meira eða minna á þessari hugmynd. Það væri vissulega hægt að gera áhugaverð mynd úr þessum efnivið ef sá vilji væri fyrir hendi, en það er því miður ekki tilfellið hér. Við fáum í staðinn þriðja flokks hasarmynd þar sem Jet Li er enn og aftur að gera þau mistök að ofnota tæknibrellur í bardagaatriðum sínum. Handritið er hörmulegt og allt sem kemur á milli bardaganna ber þess keim að vera algert uppfyllingarefni. Jákvæðasti punkturinn við myndina er tæknibrellurnar sem líta vel út en geta samt lítið gert til að halda þessu sökkvandi skipi á floti. Þegar öllu er á botninn hvolft er það jákvæðasta sem ég get sagt um þessa mynd það að ég labbaði ekki út í hlénu.
The one var skemmtileg hasar bardagamynd með geðveikum tæknibrellum... mæli með að þið sjáið hana í bíó frekar en video.. Það eru semsagt til margar víddir og margir heimar og ekki að…
The one var skemmtileg hasar bardagamynd með geðveikum tæknibrellum... mæli með að þið sjáið hana í bíó frekar en video.. Það eru semsagt til margar víddir og margir heimar og ekki aðeins einn þú heldur margir! Og myndin fjallar um glæpamann sem ferðast á milli vídda (sem er bannað!)til að drepa hina sig og öðlast þeirra kraft! þetta er mjög grófur söguþráður hjá mér.. EN hún var betri en ég bjóst við og Ýkt svalar tæknibrellur.. MÆLI MEÐ HENNI!
Frá leikstjóra Final Destination kemur bæði illa skrifuð og óspennandi mynd með stórmeistaranum Jet Li í aðalhlutverki. Ég varð fyrir vonbrigðum þegar ég sá hann í þessari mynd, þv…
Frá leikstjóra Final Destination kemur bæði illa skrifuð og óspennandi mynd með stórmeistaranum Jet Li í aðalhlutverki. Ég varð fyrir vonbrigðum þegar ég sá hann í þessari mynd, því að þetta er bara ein fáránlegasta sci-fi spennumynd sem sést hefur lengi, og ég tel mig hafa séð þær margar.Ég sé þessa mynd sem einhvers konar þriðja flokks Matrix-kópíu. Í fyrstu virðist söguþráðurinn ruglingslegur en svo fer þetta út í fyrirsjáanlegan og óvenju þunnan eltingarleik. Li, sem var mjög fínn í Kiss of the Dragon, sem kom út fyrr á árinu, er alveg úti á þekju hérna. Hann var meira að segja verri hérna en í Romeo Must Die, og þar voru flestar bardagasenurnar gerðar í tölvu og Li sveiflaðist bara í vírum inn á milli, sem er vægast sagt gríðarleg sóun á hans hæfileikum. Í The One eru allar bardagasenurnar gerðar í tölvu. Fáein atriði eru flott en mörg reyna að apa eftir Matrix, meðal annars þetta Bullet-time sem notað er í myndinni. Jason Statham (Snatch) stóð sig ágætlega og var sá eini sem fékk mann til að brosa. Delroy Lindo (sem lék á móti Li í Romeo Must Die) var hins vegar leiðinlegur enda misduglegur að velja góð handrit. Ég mæli alls ekki með The One. Hún var bara enn ein ómerkilega 80 mínútna klisjan. Jet Li á að geta gert betur en þetta, og ég vona að við förum ekkert að sjá The One 2 (eða The Second One!) á næstunni eða eitthvað álíka.2/10
Æ, æ. Ég fór á þessa mynd með miklar vonir, enda gáfu sýnishorn og auglýsingar til kynna að hér væri á ferðinni nokkuð frumleg og flott gerð mynd um þá þreyttu hugmynd, góður tvífari gegn vondum tvífara. Þar að auki leikur Jet Li aðalhlutverkið, og ég hef alltaf gaman að því að sjá hann leika listir sínar í bardagaatriðunum. Því miður er lítið annað en einmitt þau atriði sem hægt er að horfa á í þessari mynd, en samt er ekki jafn mikið um þau og ég hefði kosið. Söguþráðurinn skiptir minnstu máli, hann er bara til staðar til þess að leyfa tæknibrellumeisturum og Li sjálfum að búa til flott slagsmál þar sem Kínverjinn knái berst við sjálfan sig. Það er gaman að þessum atriðum, það er ekki spursmál. En því miður eru öll atriði án slagsmála alveg hreint grútleiðinleg, og í hvert skipti sem einhver opnar munninn veltur út eldgömul og margtuggin klisja sem veldur því að maður ranghvolfir augunum hvað eftir annað. Eftir stendur það sem einhver gagnrýnandinn hér kallaði Matrix fátæka mannsins. Það er ekki beint hrós og ekki beint hörð gagnrýni heldur. The One hefði getað orðið hörkumynd, en svo fór sem fór. Sem betur fer bætti Not Another Teen Movie trailerinn skapið.
Bönnuð innan 16 ára
Ofbeldi
Blótsyrði
