Eldri maður snýr aftur til heimabæjar síns eftir að besti vinur hans deyr. Minningarnar lifna við í huga hans, frá því hann var 11 ára, þegar þrjú 11 ára börn léku sér saman, þau Bobby, Carol og Sully. Carol og Bobby eru skotin í hvort öðru. Bobby býr með móður sinni, biturri og sjálfumglaðri konu sem hugsar meira um sjálfa sig en soninn. Nýr og dularfullur leigjandi kemur inn í líf hans, og þeir ná vel saman, en móðir hans vantreystir honum.
Virkilega fín mynd. Hún er nokkuð trú upprunalegu sögunni. Anthony Hopkins er góður að venju, en mér finnst strákurinn ekki nógu góður(hann er líka leiðinlegur í Along Came a spider) h…
Virkilega fín mynd. Hún er nokkuð trú upprunalegu sögunni. Anthony Hopkins er góður að venju, en mér finnst strákurinn ekki nógu góður(hann er líka leiðinlegur í Along Came a spider) hann er með svo volandi rödd. Frábær mynd sem lýsir miðilsgáfu á skemmtilegan og raunsæan en þó dramatískan hátt.
Ágætis mynd sem gerð er eftir bók með Stephen King.
Fjallar um mann sem kemur til síns gamla heimabæjar og fer að ryfja upp æskuárin sín í litlum bæ í Connecticut, en þegar hann var …
Ágætis mynd sem gerð er eftir bók með Stephen King.
Fjallar um mann sem kemur til síns gamla heimabæjar og fer að ryfja upp æskuárin sín í litlum bæ í Connecticut, en þegar hann var yngri kynntist hann undarlegum manni að nafni Ted Brautigan (Anthony Hopkins) sem hann eyðir miklum tíma með, einnig sem hann er í lítilli vinnu fyrir hann við það að lesa blaðagreinar fyrir hann þar sem sjónin hjá Ted er ekki eins og hún var áður.
Söguþráðurinn er frekar lítill í þessari mynd, og það gerist ekki mikið í henni en samt er þetta ágætis mynd sem maður verður að klára ef maður byrjar á henni.
Hinsvegar fannst mér leikurinn hjá nánast öllum leikurunum vera mjög góður og þar ber hæst að nefna Anthony Hopkins.
Fín mynd til að glápa á á sunnudagskvöldi, en hún skilur samt mjög lítið eftir sig.
Góð mynd sem fjallar um mann sem kemur aftur til heimabæjar síns og fer að rifja upp gamla atburði þegar hann var lítill og hitti gamlan dularfullan mann sem kenndi honum sitt hvað um lífið…
Góð mynd sem fjallar um mann sem kemur aftur til heimabæjar síns og fer að rifja upp gamla atburði þegar hann var lítill og hitti gamlan dularfullan mann sem kenndi honum sitt hvað um lífið. Hopkins stendur sig vel og strákurinn sem leikur á móti honum stendur sig einnig mjjög vel. Góð mynd fyrir þá sem vilja hvíla sig á hasar og drápum.
Sterk og áhrifamikil mynd úr smiðju Stephen Kings. Kannski ekki allra besta mynd eftir hann í þessum dúr (Stand By Me ber af) en er góð mynd engu að síður. Anthony Hopkins finnur sig virkil…
Sterk og áhrifamikil mynd úr smiðju Stephen Kings. Kannski ekki allra besta mynd eftir hann í þessum dúr (Stand By Me ber af) en er góð mynd engu að síður. Anthony Hopkins finnur sig virkilega vel, og í fyrsta sinn í langan tíma reynir hann verulega á sig og er frábær. Drengurinn sem leikur á móti honum stendur sig einnig ótrúlega vel. Hann er ekki þessi týpíski sæti Hollywood krakki sem kann ekki að fara með línurnar sínar. Einnig má sérstaklega hrósa stelpunni, sem fer með tvö hlutverk í myndinni og stendur sig afskaplega vel. Hlutverk mömmunnar er vanþakklátt, hún er flatasta persóna myndarinnar og fær enga dýpt, og leikkonan sem leikur hana nær ekki að skapa neina samúð. Þrátt fyrir að myndin sleppi sér stundum út í of mikla væmni, þá eru mörg afar sterk atriði inn á milli sem hreyfa við manni og á heildina er hér um gæðakvikmynd að ræða. Hún er kannski ekki meistaraverkið í ár, en vel þess virði að sjá í bíó.
Ágæt en hrikalega melódramatísk mynd sem segir frá samskiptum stráks nokkurs og manns sem býr yfir einstökum hæfileikum. Frammistaðan hjá Anthony Hopkins er framúrskarandi (skal maður bú…
Ágæt en hrikalega melódramatísk mynd sem segir frá samskiptum stráks nokkurs og manns sem býr yfir einstökum hæfileikum. Frammistaðan hjá Anthony Hopkins er framúrskarandi (skal maður búast við öðru??), og þótt ég hafi ekki lesið bókina eftir Stephen King fannst mér sagan vera mjög athyglisverð. Anton Yelchin sýnir fremur ójafna frammistöðu, sem þýðir að hann getur verið góður sem og pirrandi, eins og fylgir flestöllum barnaleikurum. Persónulega hefði ég þó viljað sjá einhvern annann í þessu hlutverki, enda lykilhlutverk myndarinnar. Mika Boorem (sem lék einmitt í Along Came a Spider, á móti Yelchin) var hins vegar aðeins skárri. Hope Davis (úr Wonderland og Mumford) er samt einnig alveg óvenju frábær sem eigingjarna móðirin. David Morse var heldur ekki mjög slæmur í þessu örsmáa hlutverki sem eldri útgáfa sögupersónunnar. Myndin sjálf er mjög hæg, og einhverra hluta vegna fannst mér lítið varið í persónurnar (persóna Hopkins var aftur á móti mátulega dularfull, og kannski var ekki áhorfandanum ætlað að kynnast honum það mikið - þess vegna var svona lítið farið út í hann). Í útliti og kvikmyndatöku er myndin stórfengleg, en í lokin slakar hún aðeins á og fer út í dálítinn sjónvarpsmyndabrag. Myndin hefði líka fengið aukaplús hefði ekki orðið fyrir seinustu 5 mínúturnar, og sjálfum fannst mér þær vera algerlega ónauðsynlegar. Því nær hún ekki mikið meira en rétt fyrir ofan meðallag hjá mér.6/10
Hearts in Atlantis er gerð eftir sögu Stephen King og fjallar um fullorðinn mann sem fer einn daginn að rifja upp sumar í æsku sinni sem reyndist vera vendipunktur í lífi hans. Með stórleika…
Hearts in Atlantis er gerð eftir sögu Stephen King og fjallar um fullorðinn mann sem fer einn daginn að rifja upp sumar í æsku sinni sem reyndist vera vendipunktur í lífi hans. Með stórleikara eins og Anthony Hopkins um borð var full ástæða til að vænta hérna frábærrar myndar en því miður stenst Hearts in Atlantis ekki alveg væntingar. Hún er alls ekki slæm mynd, en hún þjáist fyrir það að sagan (a.m.k. handritið - ég hef ekki enn lesið bókina) er ekkert sérstök. Stephen King er mikið fyrir að nota þennan frásagnarhátt þar sem söguhetjan er komin til ára sinna og fer að rifja upp merkilega atburði, gott dæmi um þetta er The Green Mile. Þetta heppnast ekkert rosalega vel hérna og ef maður spáir í því eru þessir minnistæðu atburðir ekkert það sérstakir til að byrja með, a.m.k. ekki nógu spennandi til að halda heilli kvikmynd á floti. Anthony Hopkins er góður í sínu hlutverki en maður fær aldrei að kynnast persónu hans nægilega vel. Aðal barnaleikarinn er aftur á móti ekki alveg að standa sig hérna, einhver eins og Elijah Wood (þegar hann var yngri) hefði verið betri í þessu hlutverki. Hearts in Atlantis er alveg ágætis afþreying sem slík, en með það í huga að stór nöfn á borð við Anthony Hopkins og Stephen King eru að baki henni skilur hún ótrúlega lítið eftir sig.
Skemmtilega sögð saga manns sem kemur aftur eftir margra ára fjarveru til síns gamla heimabæjar. Minningarnar hellast yfir hann og hann rifjar upp vinskap sinn við eldri mann og þann tíma sem…
Skemmtilega sögð saga manns sem kemur aftur eftir margra ára fjarveru til síns gamla heimabæjar. Minningarnar hellast yfir hann og hann rifjar upp vinskap sinn við eldri mann og þann tíma sem þeir eyddu saman. Hopkins er fínn að vanda og aðrir leikarar skila sínu ágætlega. Fín mynd í alla staði fyrir þá sem vilja fína afþreyingu sem ekki inniheldur sprengingar og dráp heldur er á mannlegum nótum.
Bönnuð innan 12 ára
Ofbeldi
