Ghosts of Mars (2001)

Alveg rólegur ég veit bara ekki alveg hvar ég á að byrja sko... en ok, byrjum bara á því að segja að þessi mynd er gjörsamlega ÞROSKAHEFT!!! ójá, en færum okkur yfir í staðreyndir varðandi þessa mynd.. tónlistin er gjörsamlega út úr samhengi, svo sem þegar að það hefði verið töff að hafa svona rólega fiðlutónlist eða eitthvað álíka til að byggja upp spennu fram að blóðuga atriðinu, þá var í staðinn eitthvað brjálað trans allan tímann, sem að mínu mati var alveg bara fáranlegt... en annað líka sem að böggaði mig ekkert eðlilega, en það var þetta tungumál sem að þessir óvinir áttu að tala??? hvað rugl var það??? ég hélt hreinlega að ég yrði ekki eldri þegar að ég heyrði þennan svokallaða leader yfir þessu fólki röfla eitthvað bull út í loftið??? það var engu líkara en að hann væri eitthvað aumur í hálsinum eftir slæman dag í flöfferbransanum... og annað, ég þykist vera nokkuð viss um það að Magnús Ver getur ekki tekið upp hjólsagarblað eitt og sér og hreinlega hent því í áttina að gaur og að hann muni bara hreinlega missa útlimi líkt og að blaðið sé í söginni og hún í gangi þegar að hún rekst í t.d lærið á gæanum... algjört rugl... þessi mynd er bara pjúra rugl frá upphafi og til enda þannig að ef að þið eruð ekki að fá borgað frá videoleigunni fyrir að horfa á hana....sleppið því þá!!!

Skelfilega leiðinleg geimhrollvekja sem gerist í framtíðinni á Mars eftir að menn eru farnir að búa þar í töluverðum mæli. Þrátt fyrir að hafa lesið fjölmarga hörmulega dóma um myndina ákvað ég að leigja hana eitt kvöldið þar sem mér fannst grunnhugmyndin frekar svöl. Það voru stór mistök. Mér er óskiljanlegt hvernig myndin gat komið svona illa út, John Carpenter hefur verið mistækur í gegnum tíðina en ekkert í líkingu við þetta samt. Ég fann engan jákvæðan flöt á þessari hörmung og því er stjörnugjöfin í samræmi við það. Forðist þessa eins og skæða salmonellusýkingu.

Hvað var John Carpenter að hugsa?! Með nokkrar klassískar myndir (The Thing, Halloween, Escape from NY) að baki færir hann okkur þetta rusl sem á að kallast hryllingsmynd. Ghosts of Mars hefði samt alveg getað orðið mikið betri, en hún þjáist af götóttu handriti og hræðilegum leik. Þeir Jason Statham og Ice Cube standa þó uppúr, þó að hvorugur þeirra geti leikið, en þeir eru samt bara nokkuð svalir og lífga upp atburðarásina með skemmtilegum bröndurum. En annars er varla hægt að finna eitthvað jákvætt við myndina. Söguþráðurinn er ófrumlegur, brellurnar eru lélegar og spennan er í lágmarki. Hasarinn hefur líka ekki margt upp á að bjóða. Ghosts of Mars er bara í heild óáhorfanlegt kjaftæði sem á ekki skilið meira en tvistinn (sem er nú bara fyrir örfáa brandara). Það jákvæðasta sem ég get sagt er að hún er ekki alversta mynd Carpenters, það er Vampires sem á enn þann heiður. En ég vona þó að hann eigi eftir að bæta upp fyrir þessi mistök í framtíðinni.2/10

Mynd frá meistara hrollvekjanna, John Carpenter, þetta er nú meiri hrollvekjan.

Ég bjóst nú við lélegri mynd en þetta er ein af allra lélegustu myndum sem að ég hef séð hún nær aldrei upp spennu, þó á hún einn eða tvo góða punkta, þó svo að flestir verði búnir að slökkva á henni þegar að þeim kemur.

Myndin fjallar um það þegar að lögreglumenn á Mars eru sendir til þess að sækja þekktan glæpamann sem er í fangelsi annarstaðar á plánetunni, þegar að þeir mæta svo á staðinn komast þeir að því að hann er mannlaus en fanginn er þó ennþá á sínum stað.

Þegar líður á fara þau svo að verða vitni að ýmsum skelfilegum atriðum og fyrr en varir koma fyrr um bæjarbúar staðarins til sögunnar en eru orðnir heldur betur brenglaðir.

Nokkrir frægir leikarar eru í henni Natasha Henstridge (Species) Ice Cube (Three Kings, Friday 1 og 2) og Jason Staham (Snatch og Mean Machine).

Það sem að prýðir þessa mynd er alveg afgerandi lélegt handrit fyrir leikara þó svo að það sé einn og einn góður punktur, ömurlegar tæknibrellur, glataðar sprengingar, léleg saga, glötuð myndataka, klipping o.f.l. o.f.l.

Það er góð og gild ástæði fyrir því að þessi mynd komst ekki á hvíta tjaldið hún er bara engan veginn þess virði að eyða tíma á að horfa á hana.

Þetta nýja afkvæmi meistara John Carpenter olli mér hrikalegum vonbrigðum. Flott slagsmálaatriði en spennan í lágmarki þar sem ekkert getur komið á óvart. Handritið er ekki uppá marga fiska og ótrúlegt að hér skuli vera sjálfur Carpenter á ferð. Maðurinn sem gerði ódauðlega meistaraverkið Escape from L.A. sem hefur heillað mig upp úr skónum síðan ég var í níunda bekk. Ghosts of mars er því frekar misheppnuð og beinlínis gleymanleg. John Carpenter þú ættir að skammast þín! Ég veit að þú getur gert miklu betur en þetta.

Jæja góðir hálsar ég sá Ghosts of Mars nú fyrir stuttu og ætla ég að fjalla örlítið um hana hér að neðan. ---Ghosts of Mars fjallar um sérstakan lögreglu hóp á plánetuni Mars sem Melanie (Natasha Henstridge) leiðir. Þau fara á littla fanganýlendu til þess að flytja hættulegan fanga að nafni Williams (Ice cube) milli fangelsa. Í ljós kemur að stór hópur starfsmanna á stöðini hefur drepin á hryllilegan hátt og ekki er allt sem sýnist. Komast Melianie og vinir hennar að því að þeir sem eru en lifandi á stöðini eru andsettnir af einhvers konar afli sem vill einungis drepa aðra menn (kannast eitthvað við þetta :)Melanie fær þá Williams og hina fangana til þess að aðstoða sig við að drepa þessu óvelkomnu gesti og komast burt af stöðini lifandi---. Ghosts of Mars er nokkurn vegin samblanda af myndini The Thing og Assult on Precinct 13 sem báðar eru gerðar John Carpenter. En ég verð að segja að Ghosts of Mars er en ein sönnun á því að þó mér þykir erfitt að segja þetta en að John Carpenter sé búinn að vera. Myndin spannar B. mynda leikara hóp sem sýnir hæfileika á C. Mynda leikara hóp og spennan er sama sem engin. Handritið og músíkin er eftir John Carpenter og líkist handritið eins og byrjunar uppkast kvikmyndanema og músíkin er svo langt frá því að vera í takt við spennuna ?sem ég var að nefna að væri nákvæmlega engin?. Ghosts of Mars er svo langt frá því að vera eitthvað nýtt fyrir utan það að hún gerist á Mars og vona ég svo innilega að John Carpenter komi með alla vega eitt comeback áður en hann hættir. Ég held að það sé alveg óhætt að segja að þessi mynd er alveg örgglega ekki þess virði að sjá í bíó og ef ég myndi ráða þá væri best að bíða eftir henni á videoi eða nei frekar að sjá hana bara í sjónvarpinu.

Ég var nú að vona að þessi mynd væri með einhverju viti, þarsem nafn John Carpenter's er nú bendlað við hana.. ég hafði víst rangt fyrir mér. Leikara úrvalið er eitthvað það daprasta sem ég hef séð lengi í kvikmynd jafnvel Ísmolinn er alveg glataður þótt hann geti verið fyndinn þótt hann sé ekki að reyna það. Myndin fjallar í stuttu um það að dularfullir hlutir hafa verið að gerast á Mars og Desalation eitthvað(Ice cube) á að vera stórhættulegur fangi sem lögreglu lið er sent til að ná í og flytja aftur til jarðar, en þeir vita ekkert hvað þeir eru að fara útí.. Allt í kringum þessa mynd er ódýrara en tævönsk mella, mest af settinu er inní einhverjum industrial klefum og er frekar dapurt, þegar úti við er komið sést ekki neitt því það er alltaf nótt. Handritið er með því þynnsta sem ég hef lent í, minnir mig á lélegan Baywatch Nights þátt(man einhver eftir því..) allar samræður og bara allt sem gerist passar einhvern veginn aldrei saman. Tæknibrellur/búningar er hörmung frá byrjun til enda, Þessar geimlöggur árið 2100 og eitthvað ganga um í leðurjökkum með hagglabyssur einhvernveginn alltof retró, minnir mann á 1960's mynd. Óvættirnir eru líka hræðilegir, einskonar skopstæling á Marilyn Manson eða bara hreint hugmyndaleysi. Hræðileg mynd í alla staði og ekki áhorfanleg nema fyrir ýmsa með furðulegt skopskyn.

Hér kemur enn ein John Carpenter ræman. Miðað við þá leikara sem í myndinni var kannski ekki við miklu að búast s. s. Natasha Henstridge (Species, Bounce,The Whole nine yards) Pam Grier (Jackie Brown) og svo rapparinn Ice Cube (Friday, Anaconda, Three kings). Svo virðist sem að Carpenter ætli ekki að takast að endurtaka snilldina sem hann náði fram í The Thing, kannski hefur hann einfaldlega gleymt því sem hann gerði þá enda komin rúm 20 ár síðan. Myndin eins og titillinn gefur til kynna gerist á mars, hún byrjar á því að nokkrir verðir laganna eru sendir í námaþorp til að flytja þaðan hættulegan fanga (leikinn af Ice Cube). Eitthvað er svo öðruvísi en það á að vera þegar þangað kemur, götur auðar og ekki sála á ferli. Svo fer ýmislegt að koma í ljós sem skýrir þetta............... Ekki meira um það en myndin sjálf er ALVEG VOND það er hreinlega ekkert gott við þessa mynd, brellurnar lélegar o. s. frv. Ef þú ert ekki hard core Carpenter fan sittu þá frekar heima og horfðu á endursýningar á skjá einum. Stjörnuna fær Carpenter fyrir viðleitni að halda áfram að reyna.