BASEketball (1998)

Ótrúlega fyndin mynd full af frægum og góðum leikurum. Joe Cooper dreymir um að vera stór íþróttastjarna þegar hann verður stór en ekki varð allt eins og hann dreymdi um. Íþróttir í Bandaríkjunum voru að deyja út þegar Joe Cooper og Doug Remer eru bestu vinir á botninum á þjóðfélaginu þegar þeir finna upp á nýjum leik upp úr þurru kallaðan Baseketball n og innan 6 ára verður einn mesta íþróttagrein í Bandaríkjunum. Mjög gaman er að sjá Matt Stone og Trey Parker í almennilegri mynd sem bregst manni ekki í 100 mínútur. Dian Bachar sem leikur Squek Scolari eða Little Bitch lék með gaurunum í Orgazmo þar sem Trey Parker lék aukahlutverk sem myndatökumann. Þau sem koma við í myndinni eru Ernest Borgnine, Robert Vaughn, Yasmine Bleeth, Jenny McCarthy og talar Charlton Heston inn á fyrstu 2 mínúturnar. Leikstjórinn er enginn anar en David Zucker einn Arplaine kallinn. Ekki missa af þessari.

Enda þótt ádeilur á íþróttafárið séu fyrir löngu orðnar tímabærar, ristir þessi tæpast djúpt. Engu að síður má hafa gaman af nokkrum ágætum bröndurum í myndinni, sem gerir það að verkum, að hún er vel þess virði að sjá, hafi maður ekkert þarfara með tímann að gera. Frammistaða leikaranna er ennfremur eins og búast má við af aulahúmorsmyndum, en Victoria Silvstedt stelur þó óneitanlega senunni.

Ansi góð grínmynd þar sem höfundar South Park, Matt Stone og Trey Parker, fara með aðalhlutverkin. Þeir félagar finna upp nýja íþrótt, BASEketball, sem er blanda af hafnarbolta og körfubolta. Vinsældir þessarar nýju íþróttar verða gríðarlegar og áður en varir eru félagarnir orðnir íþróttastjörnur. Það þarf ekki að hafa frekari orð um söguþráðinn, í svona grínmynd skiptir hann frekar litlu máli. Það eru nokkur ótrúlega fyndin atriði í þessari mynd sem komast mjög nálægt bestu atriðunum í There's Something About Mary. Svarti húmorinn úr South Park læðist sterkt inn í myndina gegnum aðalleikarana. Semsagt mjög fín skemmtun þó að kímnin sé ekki mjög fáguð.