Scrooged (1988)

Útgáfa leikstjórans Richard Donner á jólaævintýri Charles Dickens er bara fín skemmtun. Scrooged fjallar um yfirmann sjónvarpsstöðvar(Bill Murray) sem sökum rangs jólaviðhorfs fær heimsóknir frá þremur draugum á aðfangadagskvöld og öll vitum við hvernig þetta endar. Myndin breytir ýmsu úr ævintýrinu og færir það í eighties búning(myndin er jú frá 1988) en í heild er myndin svona 90% kópía af ævinýrinu. Bill Murray er alveg kjörinn í hlutverkið en einhvern veginn þá nær hann ekki alveg að sannfæra mann. Scrooged er fyndin á köflum og draugarnir þrír eru ánægjulegir að horfa á en eftir á að hyggja þá finnst mér eins og það hafi verið hægt að gera þessa mynd ennþá betur. Ágætis jólamynd sem fær þrjár stjörnur. 

Eina gamanmyndin sem að hinn stórgóði leikstjóri Richard Donner hefur gert á sínum ferli, þó Lethal Weapon myndirnar teljist vera grín/spennumyndir. Scrooged er alveg einstaklega fyndin mynd þar sem Bill Murray er í fantaformi, og kemur með eina skemmtilegustu frammistöðu sem ég hef séð frá honum, að frátöldu Groundhog Day. Það kemur mér á óvart af hverju Richard Donner gerði ekki fl. gamanmyndir á sínum ferli, miðað við hvað Scrooged er frábær mynd. Ef þið fílið Bill Murray yfir höfuð, verðið þið að sjá Scrooged. Ég ábyrgist það að þið eigið eftir að skemmta ykkur konunglega yfir myndinni.