Wolverine staðfestur í X-Men: Days Of Future Past

Bryan Singer leikstjóri næstu X-Men myndar, X-Men: Days Of Future Past, sem er framhald X-Men: First Class, hefur staðfest opinberlega að ofurhetjan Wolverine muni verða með í myndinni.

Singer tísti um þetta á Twitter síðu sinni: „Ég býð hér með @RealHughJackman opinberlega velkominn í leikarahóp X-Men Days of Future Past. Mjög spenntur! Meira á leiðinni….“

Áður höfðu borist fregnir af viðræðum við Hugh Jackman, sem hefur greinilega lokið farsællega.

Nú er spurning hvort að von sé á fleiri svona tilkynningum frá leikstjóranum. Snýr Halle Berry aftur sem Storm? Alan Cummings sem Nightcrawler? eða Anna Paquin sem Rogue?

X-Men Days Of Future Past verður frumsýnd 18. júlí, 2014.

Menn þurfa þó ekki að bíða svo lengi eftir að sjá Wolverine á hvíta tjaldinu, því nýja myndin hans er væntanleg næsta sumar, þann 25. júní.