Gagnrýni eftir:
The Sentinel0 af 0 fannst gagnrýnin hjálpleg
Myndin the Sentinel er um starf leyniþjónustu bandaríkjanna. Kiefer Sutherland leikur yfirmann í leyniþjónustunni sem kemst á snoðir um plott um að myrða valdamestu manneskju veraldar sjálfan forseta Bandaríkjanna. Samstarfsmaður Kiefer, Pete Garrington (Michael Douglas) er grunaður um að vera aðilinn sem sveik upplýsingar innan úr sjálfri leyniþjónustunni og er hann leystur frá störfum og sætir rannsókn. Hann er ekki par sáttur með það og hleypur um allt með Kiefer og hina bráðfallegu Evu Longoriu á eftir sér. Pete er viss um að það var komið sök á sig og rannsakar málið sjálfur og kemst að sláandi niðurstöðu. Meira segi ég ekki um söguþráðinn til að skemma ekki fyrir.
Myndin eins og hún leggur sig er mjög góð, lýsingin er góð og allt sem fer fram sést vel og skilmerkilega. Leikaravalið er heldur ekki af verri endanum en myndin skartar 24 dverginum Kiefer Sutherland, Michael Douglas og fallegustu leikkonu Hollywood (að mínu mati) Evu Longoriu. Kiefer er mjög sannfærandi í hlutvekri sínu sem bráðgáfaði yfirmaðurinn í leyniþjónustunni og Michael Douglas er mjög góður í hlutverki mannsins sem maður veit aldrei hvort er sekur að saklaus meðan Eva Longoria eltir Kiefer alla myndina sem er í lagi mín vegna þar sem mörgum atriðum var bjargað með því einu að horfa á hana í jakkadressinu að hlaupa um allt og elta töffarann Kiefer. Myndatakan er ekki slæm en samt ekkert sem maður tekur eftir þar sem myndin skartar aðallega hasar og álíka skemmtun en ekki víðáttumiklu landslagi eins og margar myndir þar sem myndataka skiptir máli.
Niðurstaða: Spennumyndin The Sentinel er um dáldið þurrmjólkað efni (morð á forseta bandaríkjanna) en það sem bjargar henni er að allt þetta er sýnt frá sjónarhorni leyniþjónustunnar sem hefur það hlutvekr að vernda forsetann. Myndin er fín skemmtun en í mínum augum veðrur hún sjaldan meira en mynd sem maður verður ánægður með að fá í jólagjöf og gæti horft á á miðvikudagskvöldum þegar ekkert er í sjónvarpinu nema oprah og félagar. Myndin fær því rétt yfir helming eða 2 og hálfa stjörnu af 4 mögulegum.
Miami Vice0 af 0 fannst gagnrýnin hjálpleg
Já nú er ég nýr hér og ef ég segi of mikið þá endilega kommenta.
Myndin er um þá Crockett og Tubbs félaga sem eru saman í lögreglunni í Miami og vinna við að leysa upp hasshringi og komast undercover inn í hættulegustu klíkur á svæðinu og vilja gera það með stæl. En eins og öllum mannverum er eðlislægt lenda þeir félagar í klóm ástarinnar sem gerir þetta fulldramantískt fyrir minn smekk. En Crockett og Tubbs koma sér í innsta hring dópsmyglara og framleiðenda með að bjóða uppá flutninga á dópi fyrir þennan dópsmyglara. Crockett kynnist þar hinni heillandi Isabelle sem einmitt vinnur náið með höfuðstjóra dópsamtkanna. Þar með hefst heljarinnar hasar og meira segi ég ekki um söguþráðinn.
Myndin er flott gerð með góðri lýsingu, myndatöku og leikararnir í sjálfu sér ekki slæmir þó Colin Farell eigi frekar að vera í hlutverkinu að handtaka fólk, skjóta úr byssum og buffa mann og annann í spað. Jamie Foxx stendur sig vel í hlutverki Ricardo Tubbs og sama er hægt að segja um alla aðra leikara í þessari mynd.
Öll myndin er flott gerð með góðum leikurum og maður spyr sig, hvað þarf til að klúðra þessu? Handritið að mínu mati er slakasti parturinn í þessari veislu en eins og allir vita er það mikilvægt og get ég því ekki gefið þesari mynd meira en falleinkun og hálf stjarna verður niðurstaða.
Niðurstaða: 0,5/5 stjörnum