Tracers (2015)

Taylor Lautner leikur hér hjólasendilinn Cam sem fallið hefur í þá freistni að fá okurlán hjá kínversku mafíunni í New York og getur ekki borgað það til baka. Dag einn lendir hann í smávægilegum árekstri sem leiðir til þess að hann kynnist hinni hæfileikaríku Nikki, en hún er hluti af þrautþjálfuðu parkour-gengi sem notað hefur hæfileika sína til að efnast á ránum. Cam ákveður að sækja um inngöngu í hópinn en þarf áður en hann getur talist fullgildur meðlimur að ganga í gegnum stranga þjálfun sem á heldur betur eftir að reyna á hann ...