The Ladykillers (2004)

Ljómandi vel heppnuð endurgerð af eldgamalli samnefndri mynd. Í þeirri mynd fóru Peter Sellers og Alec Guiness með aðalhlutverkin og leikur Tom Hanks persónu Guiness alveg snilldarlega vel. Hvað sem því líður þá hefur myndin sína galla. T.a.m. þá er tónlistin alveg glötuð og myndin er svona...ekkert alltof fyndin(kannski er það bara ég)og svo á hún sennilega ekki eftir að þykja mjög eftirminnileg. En góð er hún samt, manni leiðist ekkert og endirinn kemur á óvart. Ladykillers fær tvær og hálfa stjörnu fyrir sína fjörugu atburðarás og afbragðsgóða frammistöðu hjá Tom Hanks. En ég vona að næsta mynd Coen bræðra verði allavega þriggja stjörnu virði.

Ég held ég hafi aldrei, hvorki fyrr né síðar, séð jafnleiðinlega myndi. Meira að segja Barb Wire með Pamelu Anderson var skárri og þá er nú fokið í flest skjól. Þar gekk ég út í hléi, en í þessari bíóferð gat ég ekki gengið út þar sem ég sofnaði af leiðindum. Fórum við fjögur saman á myndina og tókst einum að halda sér vakandi. Persónurnar voru alveg afspyrnuleiðinlegar og myndin sömuleiðis. Gef þessari mynd algera falleinkunn.

Það er alltaf gaman að sjá nýjustu tilraunir Coen-bræðra, og The Ladykillers er bara ágætis viðauki á feril þeirra. Frekar ómerkilegur, en ágætur engu að síður. Ég er samt ekki frá því að hér sé á ferðinni versta mynd þeirra, sem segir aðeins hversu góðan feril þeir hafa átt. Hins vegar er meðalgóð Coen-gamanmynd talsvert ánægjulegri en standard klisju gamanmynd. Vandamálið er þannig að hún skilur hvorki mikið eftir sig né býður upp á neitt voðalega frumlegt (er ekki annars endurgerð um að ræða?). En góðu fréttirnar eru að henni tekst að halda uppi skemmtilegu plotti, þótt hún sé meginlega drifin af leikaravali sínu. Tom Hanks er þar fremstur í flokki í hlutverki herramannsins G.H. Dorr, sem virðist ekki geta meint flugu á yfirborðinu en er ofurklár - og vægast sagt, hálf geðveikur - glæpamaður á annarri hlið. Hanks gerir þennan karakter ansi eftirminnilegan og sýnir líka bara allt aðra hlið að sér og stelur eflaust allri myndinni. En þótt það sé tilfellið er restin af leikaraliðinu virkilega fín; J.K. Simmons, Irma P. Hall, Marlon Wayans og Tzi Ma (sem er óborganlegur sem klikkaður, asískur hershöfðingi) standa öll rækilega fyrir sínu. Handrit bræðranna er líka býsna skemmtilegt. Húmorinn er - eins og vanalega - stilltur á dekkra stig og kremur sér vel inn fyrir undir skondinni atburðarás. Ef þú gast hlegið að Barton Fink, The Big Lebowski og Intolerable Cruelty þá ættirðu að hafa góða hugmynd um hvernig húmor er að ræða. En ef eitthvað var sem virkilega heillaði mig ekki með myndina, þá var það líklega tónlistin. Gospell kirkjutónlist og hip-hop hafa aldrei verið í neinu uppáhaldi hjá mér (sérstaklega ekki það fyrrnefnda), og þar sem þetta er spilað út nánast alla myndina er lítið við því að segja. Það má samt gera verra en að eyða ca. tveimur tímum í þessa glæparæmu, ef ekki þá bara vegna Tom Hanks. Án hans væri hér á ferðinni frekar auðgleymanleg kómedía. Hún hefur sína góðu spretti, en allt í allt er best að geyma hana þar til vídeóið kemur.6/10

The Ladykillers, það litla sem ég vissi áður en ég sá hana var að þetta er endurgerð af eldri mynd sem bar þetta sama nafn. Þetta er mynd eftir Coen bræðurna og ber myndin greinilega þess merki. Í grófum dráttum þá er þessi mynd um hin vellesna Professor G.H. Dorr (Tom Hanks) sem er ekkert annað en pirrandi þjófur og svindlari. Hann hefur sett saman fríðan hóp og hefur skipulagt rán. Gerist í litlum bæ þar sem aldrei neitt gerist nema þegar Marva Munson (Irma P. Hall) þarf að láta bjarga kettinum sínum. Meðal annara leikara eru Marlon Wayans, J.K. Simmons og Tzi Ma. Þetta er svörtkomedía og byrjar ágætlega en mér finnst hún ekki stefna neitt.

Endurgerðin af Ladykillers frá 1955 er loksins komin út. Ég man nú ekki eftir gömlu myndinni fullvel en ég held að þessi sé nú allt öðruvísi. Tom Hanks leikur Goldthwait Higgenson Dorr prófessor í gömlum tungumálum o.fl sem er einungis reyndur glæpamaður. Hann er fullkominn herramaður og kann að smjaðra sig inn og út undan aðstæðum. Hann reddar sér fjóra aðstoðarmenn. Allir mismunandi, einn svertingi, einn heiladauður, einn Asískur hershöfðingi og sérhæfðann mann í verkmálum. Myndin er vel skrifuð og er það Tom Hanks sem heldur myndinni uppi með að leika Goldthwait snilldarlega. Cohen bræðurnir koma með aðra fína mynd, allar myndir þeirra eru afar sérstakar í stíl og þessi er ekkert öðruvísi. Ladykillers er skemmtileg mynd með skemmtilegum persónum. Svartur húmor og einkennilegur orðaforði er nóg af.

Tom Hanks, leikur Dr D. H. Gorr gamaldags bókmennta prófessor sem langar mest af öllu að skipuleggja stórþjófnað í þessari frábæru gamanmynd frá Joel og Ethan Coen. Hann skjallar gamla blökkukonu til að leigja sér herbergi og leyfa honum og félögum hans til að æfa sígilda tónlist í kjallaranum. Þaðan ætlar Prófessorinn og gengið hans að grafa göng til að ræna peningageymslu. En gamla konan fer að sjá í gegnum prófessorinn og félaga hans svo að þeir verða að ganga frá henni en gamla konan lætur ekki vaða yfir sig. Plottið í sögunni er orðið svolítið þreytt svo Coen bræðurnir setja megináhersluna á mörg drepfyndin atriði á milli Tom Hanks og Irmu P Hall í hlutverkum prófessorins og gömlu ekkjunnar, einnig eiga þeir Marlon Wayans og J K Simmons fína spretti. Gaman er að sjá í þessari þriðju útgáfu af myndinni hvernig Coen bræðurnir ná að færa gamla stílinn yfir á nýjan tíma með því að hafa karekterana gamla í nútíma umhverfi. En allt í allt er þessi mynd en eitt meistaraverkið frá Coen bræðrunum.