The Whole Ten Yards (2004)

The whole ten yards er furðuleg mynd. Á köflum ætlaði ég að gefa henni tvær stjörnur en þar sem að ég skemmti mér yfir henni og er í góðu skapi fær hún tvær og hálfa stjörnu. Fjörug og lífleg gamanmynd en það er aðallega Matthew Perry sem heldur henni uppi með sinni prýðisgóðu frammistöðu þó svo að hann minni alltof mikið á Chandler karakterinn sinn úr Friends þáttunum. Bruce Willis er hins vegar ekki að meika nokkuð í sínu hlutverki, maðurinn má muna sinn fífil fegurri(er máltækið ekki annars þannig?)og allir hinir leikararnir standa sig eiginlega hvorki vel né illa en eins og áður sagði þá stendur Perry kallinn alveg upp úr. Myndin er hálf ruglningsleg en ekki það mikið að það spilli eitthvað fyrir. Semsagt, fín afþreying sem má kíkja á en ekkert meistaraverk.

Árið 2000 kom út grínmynd með þeim Bruce Willis (Die Hard, 6th Sense) og Mattew Perry (Three to Tango, Friends) sem nefndist The Whole Nine Yards. Mér leist ekkert svo vel á þá mynd, enda Matthew Perry ekki tekist nógu vel að skapa eins góðan karakter á hvíta tjaldinu og honum hefur tekist í Friends. Bruce Willis hafði verið að gera myndir eins og Armageddon og Story of Us rétt áður, þannig að ég batt ekki heldur miklar vonir við hann. Útkoman var hins vegar hin fínasta mynd, ekkert einstök, en þó ágæt grínmynd. Það sama má eiginlega segja um framhaldið. Tannlæknirinn Oz (Perry)lifir í stöðugum ótta yfir að Gogolak-liðið, sem hann átti þátt í að myrða í fyrri myndinni, muni hefna sín. Skyndilega er konunni hans, Cynthiu, rænt og Lazlo Gogolak heimsækir Oz og biður hann um að vísa sér á Jimmy The Tulip (Willis). Oz fer þá og leitar hjálpar hjá Jimmy og leiðir þannig Lazlo og menn hans til Jimmys og upphefst þá ruglingsleg atburðarás sem leysist þó að lokum. Myndin var yfir heildina ágætismynd og Lazlo Gogolak afbragðsvel skrifuð persóna sem fær mann oftar en ekki til að brosa. Stemningin í bíósalnum þegar ég sá hana var ekkert geðveik og gæti það hafa haft áhrif á álit mitt. Mæli ekkert endilega með henni í bíó en endilega takið hana á spólu og myndið ykkar eigin álit.