Predator 2 (1990)

Predator 2 gerist í Los Angeles borg árið 1997 þegar eiturlyfjabarónar frá Kólumbíu og Jamaíku eru í stöðugu stríði og borgarlögreglan á í vök að verjast. Annar Predator byrjar að skilja eftir sig slóð af líkum og nú býður löggan Mike Harrigan(Danny Glover) honum byrginn. Á sama tíma sér háttsetti alríkislögreglumaðurinn Peter Keys(Gary Busey) sér til ágætis að rannsaka geimveruna og hagnast á henni. Ég er víst í minnihlutahóp með að fíla þessa mynd. Persónulega finnst mér hún gallalaust framhald og gefur fyrri myndinni ekkert eftir hvað varðar hnyttin samtöl og hasar. Glover stendur sig prýðisvel og Busey hefur sjaldan verið eins góður og hér. Bill Paxton sem er líka í stóru hlutverki kemur með nokkra skemmtilega frasa. Líkt og í fyrri myndinni endurtekur Predatorinn ýmislegt sem fólk segir en hér er það meira áberandi. Mörg atriði í þessari mynd Predator 2 eru eftirminnileg og hún bara verðskuldar að vera framhald af hinni. Fullkomin mynd í alla staði og fær fullt hús, fjórar stjörnur.

Æi hvað þetta er dæmigert. Fín fyrsta mynd en svo kemur framhaldsmynd og eyðileggur allt. Leikararnir ofleika alltof mikið og svo virðist eins og allir sem komið hafi að gerð þessarar myndar hafi bara horft á fyrri myndina og fegið söguþráðinn þar bara á öðrum stað. Ekki nógu gott hjá Danny Glover.