Blade: Trinity (2004)

Ég gef þriðju Blade myndinni 2 og hálfar stjörnur. Hún kom mér svakalega á óvart og allt það, en þessi mynd var frekar ótrúleg satt að segja. En hún byrjar vel. Eins og í hinum myndunum, gerist eikkvað sem losnar úr læðingi, og byrjunin byrjaði þannig. Svo er audda kemur title á myndinni þegar Blade er að sinna starfinu sínu og svo heldur þetta áfram, en eitt furðaði ég mig ekki á. Hví var löggan ekkert að gera í Blade í fyrstu eða annari myndinni? Hví er hann svo efturlýstur í þessari mynd? En annars eru þetta bara smáatriði sem koma fyrir. Fínar tæknibrellur, alveg eins og í seinni myndinni. Svo eru sumir leikarar sem komu mér frekar á óvart. T.d. Ryan Reynolds ( Van Wilder, Harold and Kumar goes to the White castle ) lék eitt af atriðunum. Og mér fannst hann frekar góður í hlutverkið. En samt frekar lítið í hann spunnið fyrir spennumyndir. En annars kom þessi mynd mér vel á óvart, var nr. 1 í kvikmyndahúsunum, samt gaf ég henni 2 og hálfa stjörnur. Samt sem áður er þessi skárri en seinni myndin og kom mér sannarlega á óvart.

Ætlar þessi rigning af lélegum myndum frá Hollywood aldrei að enda.

Ég verð að segja að þessi mynd er með þeim slakari sem ég hef séð í langan tíma þvíllík hörmung, leikurinn er ömurlegur og handritið ennþá verra. Það er greinilegt að þeir sem stóðu á bak við þessa mynd höfðu næga fjármuni til að gera skemmtilega mynd en samt sem áður fer meira en helmingur myndarinnar í svonna óþarfa atriði til að lengja myndina vegna skorts á söguþráð eins og t.d atriðið þegar Blade hittir þennan Drakúla í fyrsta sinn þá hleypur Drakúla í burtu eins og hrædd skóla stelpa í svonna kortér og þegar Blade kemur að honum hótar hann að henda litlu barni fram af byggingu og talar á sama tíma um heiður bardagamanna !!!!!!!!!

Í Blade 1 var talað um mannfólk eins og sauðfé það gat ekkert barist við vampírur en nú eru komnar tvær manneskjur sem rota vampýrur í einu höggi jafnvel þó vampýrurnar sé í þykkum sérsveitarbúningum og með þykkar sérsveitargrímur og eiga að vera mörgum sinnum sterkari og harðgerðari en mannfólkið. Myndinn verður svo einhver asnalegur hnefabardagi allan tíman Blade og vampírubanarnir tveir labba um og lemja alla, sem verður alveg rosalega þreytt eftir svonna hálftíma og þessi Drakúla er gjörsamlega misheppnaður vondi kall.

Semsagt algjör hörmung mæli ekki með henni :).

Hörkumynd eins og hinar fyrri. Ég fíla þær allavega í botn... Þessi er óneitanlega öðruvísi en hinar og einblínir kannski meira á alvarleikann að baki tilvist vampíranna innan um blessað mannkynið, enda er FBI (og sálgreinarnir) og co komin í málið. Sagan í þessari mynd vekur athygli á því hvaða hlutverk Blade hefur í framtíðinni og þar af leiðandi hvernig honum tekst að vinna með unglingunum eins og hann kallaði hina tvo hluta vampírubanaþrenningarinnar. Nýju tvær aðalpersónurnar eru mjög athyglisverðar og ég vissi satt best að segja ekki að Ryan Reynolds gæti verið svona mikill töffari -og það flottur töffari... Hann kom með nýja og frábæra takta og stal oft senunni. Jessica Biel fór vel með sinn karakter, og gerði eiginlega eins mikið úr honum og hægt var, miðað við hve óáhugaverður hann var oft. Það hefði mátt gera hann aðeins kröftugri. Wesley Snipes er alltaf góður og hér koma fram nýjir taktar í Blade-kallinum... stoltið þar efst á baugi -hann getur ekki látið einhverja unglinga hjálpa sér að losna við vonda liðið... hann hljómaði stundum eins og reynsluríkt en þrjóskt gamalmenni... en það var bara gaman að því. Dracula eða Drake skil ég ekki af hverju var settur í hendur Dominic Purcell, þessi fíni og flotti leikari er alltof góðlegur til að geta náð fram grimmdinni og dýrseðlinu sem á að einkenna höfuðblóðsuguna (enda þekkir maður hann best sem hinn dularfulla öðlingsdreng John Doe úr samnefndum þáttum). Hefði verið sniðugra að fá einhvern eins og Goran Visnjic í hlutverkið, eins og einn vinur benti mér á. Það voru því kannski helstu mistökin. Og ég veit ekki alveg hvort maður getur sætt sig við hvernig skilið er við Drake í lokin. Kvenyfirmaður vampíranna (Parker Posey) var vægast sagt vélrænn karakter og hefði kannski mátt setja aðeins meiri tilfinningu í hana. En allt í allt fannst mér myndin vel heppnuð og nánast eins flott og mögulegt var. Ég fékk allavega sögu sem ég var sátt við. Endalaus hasar og passlegur hryllingur til að halda athyglinni. Tæknibrellurnar eru að sjálfsögðu til fyrirmyndar og tónlistin mjög góð (og hávær) og mikið leikið sér með myndavélina, hljóðið og litina, til að fá fram svona listrænt og allt að því ljóðrænt yfirbragð og tekst það mjög vel. Húmorinn toppaði þó algjörlega myndina -ef maður ætlaði að geta meðtekið allar ljóðrænu blótræðurnar í myndinni þyrfti maður að sjá hana oft og mörgum sinnum... Mér finnst því Blade: Trinity bæði flott mynd og fyrirtaks afþreying fyrir aðdáendur fjörugra vampírumynda og skil sátt við hana.

Ég varð satt eð segja fyrir mjög miklum vonbrigðum með þessa mynd.

Hún er nánast um sama efni og mynd númer 2 þ.e baráttu Blade gegn ofurvampýru nú sjálfan Dracula sem vakinn hefur verið upp.

Drakúla kallinn er ósköp meinleysilegur og gerir ekki mikinn óskunda í myndinni, óvenju slappur að mínu mati.

Léleg mynd endurteknar klisjur færi betur í poopptívi sem langt tónlistarmyndband

Ég fór að sjá Blade: Trinity og bjóst við þokkalegri hasarmynd og það var einmitt það sem ég fékk. Ég hafði gaman af fyrri myndunum tveimur og mynd númer tvö leynist í spólusafninu mínu. Það er algreinilegt að Blade myndirnar eru ekki allar eftir sama leikstjóra því að útlitslega og efnislega eru þær allar frábrugðnar hver annarri en skemmtanagildi trílógíunnar í heild er til staðar eins og venjan er hjá svona myndum. Wesley Snipes er svalur sem titilpersónan en því miður finnur maður ekki fyrir nógu sterkri persónusköpun hjá honum sem er synd og skömm því að Blade karakterinn verðskuldar að vera gæddur meira lífi og þó að Wesley sé sniðinn fyrir þetta hlutverk þá finnst mér að hann mætti láta Blade ganga í gegnum persónuboga eins og Tómas hér fyrir ofan orðaði það. Blade þarf hér að kljást við hina 'ultimate' vampýru þ.e.a.s. Drakúla og finnst mér það gefa góðan endi á trílógíuna. Ef að þú ert að leita að heilalausri hasarmynd og ágætri skemmtun þá er þetta rétta myndin en ef að þú ert að sækjast eftir meistaraverki þá skaltu leita annað. Þriðja Blade myndin fær tvær og hálfa stjörnu frá mér.

Blade: Trinity er meira af því sama. En þarf það nokkuð að vera svo slæmt ef maður hafði gaman af fyrstu tveimur myndunum? Í alvöru talað, ég get örugglega hugsað um tugi galla og athugasemda sem ég get notað til að setja út á myndina, en frekar kýs ég að fara ekki þá leið. Myndin hefur hvort eð er einungis eitt ákveðið markmið, og það kemur hvergi dýpt eða úthugsuð saga málinu við. Ef þið sækist eftir alvöru söguþræði eða almennilegri persónusköpun, leitið þá eitthvert annað. Blade-myndirnar snúast bara um gamanið og töffarastæla, þar sem brjálaður hasar, flottar tæknibrellur, hávær tónlist og smellinn húmor spilar stóran þátt. Reyndar gerir þessi mynd fáeinar tilraunir til þess að auka persónudýpt og víkka söguþráðinn, en þar klikkar hún einmitt, og þar af leiðandi tapar hún stigum fyrir vikið. Myndin er samt ekkert að reyna að fela það hversu kjánalegur og hallærislegur söguþráðurinn er. En samt, hversu oft þurfum við að þola slíkar nauðganir á Drakúla-persónunni? Þetta er önnur myndin á þessu ári (hin er að sjálfsögðu Van Helsing) sem reynir að gera eitthvað nýtt við þessa fígúru en sumt fólk áttar sig greinilega ekki á því að hún er bara of íkonísk og alltof sígild til að vera séð úr einhverju öðru ljósi. Baksagan hérna er líka algjör brandari, og byrjunarsenan óborganleg. Er ég kannski sá eini sem tel það vera virkilega fyndið að Drakúla hafi falið sig í holu í Írak öll þessi ár??Sem betur fer keyrir leikstjórinn (og handritshöfundurinn) David Goyer myndina á miklum hraða. Ég var samt ekki alveg eins hrifinn af útlitinu hér og þegar Guillermo del Toro var við stjórnvölinn, en þetta sleppur. Tríóið sjálft gerir líka margt gott fyrir heildarmyndina. Wesley Snipes hefur lítið breyst reyndar, en hann kemst upp með það að vera svalur. Ég myndi samt alveg vilja að karakterinn Blade myndi EINU SINNI ganga í gegnum einhvern persónuboga (character arc, svo maður sletti aðeins), semsagt að hann þróist eitthvað eða breytist. Jessica Biel er líka einhver sem manni er nákvæmlega sama um hvort að geti leikið eða ekki, hún er bara flott gella og það er nóg. Ryan Reynolds er hins vegar fæddur senuþjófur. Hann er svo gífurlega fyndinn og líflegur í hlutverki vampírubanans Hannibal King að manni langar að klappa fyrir manninum eftir hverja fyndna línu sem hann fleygir frá sér. Persónulega hefði ég ekkert á móti því ef aðstandendur gæfu honum sína eigin kvikmynd með þessum karakter. Það er bara einn aðili sem ég get sett út á varðandi leikaranna, og það er Parker Posey. Ég hef ALDREI kunnað vel við hana. Þessi kona er svo viðurstyggilega pirrandi þegar hún ofleikur að maður beið bara eftir að Blade, Hannibal eða einhver kæmi og rifi af henni hausinn (afsakið dónaskapinn...). Út frá hliðum hasaratriða er fátt til að kvarta um. Jújú, það fylgir svosem þessi týpíski MTV-stíll oft á tíðum; hraðar klippingar o.s.frv. En aðalatriðið er að hasarinn standi fyrir sínu, sem hann gerir í þetta sinn. Mikið testósterón flæðir gegnum þessar þrjár myndir, og jafnvel með nærveru Jessicu fá áhorfendur að upplifa smá girl-power í þessu líka, sem er alls ekki óvelkomið. Það verður ekki mikið sagt um Blade: Trinity á endanum, og sjálfum finnst mér ótrúlegt að umfjöllun mín sé strax orðin þetta löng. Þeir sem eru áhugasamir, skellið ykkur á myndina. Ef maður fer með rétt hugarfar ætti skemmtunin að vera peninganna virði. En þeir sem eru lítt gefnir fyrir þetta fyrirbæri, verið bara áfram heima og horfið kannski á aðeins ''gáfaðri'' túlkun á Drakúla greifa.6/10

Blade Trinity er glæsilegur endir á Blade trilogíuna. Að mínu mati er þessi jafn góð og 1 ef ekki betri. Ryan Reynolds er mjög skemmtilegur í þessari mynd, og myndi ég vilja sjá hann í fleiri myndum. Drake eða Dracula sem er hinn upprunalega vampýra hefur verið vakinn og býr hann yfir miklum mætti. Ryan Reynolds og hans mennsku félagar hafa hannað efnavopn sem mun drepa allar vampýrunar en þau þurfa blóð úr Drake til að láta það virka. Æsispennandi og skemmtileg mynd, og Wesley Snipes er að vana óendanlega svalur.