Anonymous (2011)

Hér er þeirri spurningu varpað fram hvort William Shakespeare hafi í raun skrifað sjálfur stakt orð af öllu því efni sem við hann er kennt. Grunsemdir um þetta eru svo sem ekki nýjar af nálinni enda þykir mörgum með ólíkindum að sonur ólæsra foreldra með nákvæmlega engin tengsl inn í hástéttina, maður sem hafði ekkert ferðast og litla menntun hlotið, hafi getað skrifað öll þessi meistaraverk. Kenningin er að einhver hafi skrifað þetta allt í nafni hans, en vandamálið er að sé það satt þá er erfitt að koma auga á tilganginn. Um hann fjallar þessi mynd.