Þáttaröð um Vigdísi Finnbogadóttur í bígerð

Leikstjórinn Baldvin Z vinnur nú að gerð fjögurra þátta sjónvarpsseríu um ævi Vigdísar Finnbogadóttur fyrrverandi forseta Íslands.

Verkefnið verður betur kynnt á kvikmyndahátíðinni í Gautaborg snemma í febrúar. Á vef Variety er greint frá því að í þáttaröðinni verði fylgst með Vig­dísi frá æsku­ár­um henn­ar og þar til hún var kjör­in fyrsti kvenforsetinn í heiminum árið 1980.

Verkefnið hefur verið lengi í bígerð en fréttavefurinn Klapptré sagði fyrst frá þessum fyrirætlunum 2014.

Nína Dögg Filippusdóttir leikur Vigdísi á fullorðinsárum en Baldvin segir ekki enn ákveðið hver túlki hana á menntaskólaárunum.

Ágústa Ólafs­dótt­ir og Rakel Garðars­dótt­ir hjá Vest­urporti fram­leiða þætt­ina í sam­starfi við Hörð Rún­ars­son hjá Glassri­ver og Arn­björgu Hafliðadótt­ur. Fjöl­miðlakon­an og hand­rits­höf­und­ur­inn Björg Magnús­dótt­ir, Ágústa og Jana María Guðmunds­dótt­ir munu skrifa hand­ritið að þátt­un­um.
Ráðgert er að þætt­irn­ir fari í fram­leiðslu á síðari hluta 2021 eða fyrri hluta 2022.