23 Jump Street staðfest

Sony Pictures og Original Film hafa staðfest að 23 Jump Street verði gerð. Rodney Rothman mun skrifa handritið að myndinni, en hann skrifaði einnig 22 Jump Street.

Fyrsta myndin, 21 Jump Street, sló rækilega í gegn og þénaði meira en 200 milljónir Bandaríkjadala í miðasölunni. Framhaldsmyndin 22 Jump Street var frumsýnd á þessu ári og gekk vonum framar.

22-jump-street

Í framhaldsmyndinni fóru Jonah Hill og Channing Tatum með hlutverk félagana Jenko og Schmidt á ný. Að þessu sinni var þeim skipað að dulbúast sem nemendur inn í annan skóla og fletta þar ofan af öðrum glæpasamtökum og eiturlyfjasölu þeirra. Í lok 22 Jump Street var gert stólpagrín að næstu framhaldsmyndum og m.a. sagt að í þriðju myndinni myndu þeir fara í læknaskóla.

Stóra spurningin er samt sú hvort leikararnir Tatum og Hill munu fara með hlutverk lögreglumannanna í þriðja sinn, en engar fréttir hafa borist af þeim málum.