Fáðu Ryan Gosling á allar myndir á vefsíðu

ryan_gosling_a_lFyrir þá og þær sem aldrei fá nóg af leikaranum Ryan Gosling, er komin ný vafraviðbót sem kallast „Hey Girl“. Þessi viðbót skiptir öllum ljósmyndum á vefsíðu út fyrir myndir af Ryan Gosling. Það eina sem þú þarft að gera er að fara á vefsíðuna http://heygirl.io og draga hnappinn á miðri síðunni yfir á bókamerkja stikuna í vafranum, eða að setja inn sérstaka viðbót í Chrome vafrann, og þegar þú smellir á hnappinn þá ertu komin/n með Ryan Gosling í stað allra annarra mynda á hvaða vefsíðu sem er.

Þetta er sáraeinfalt og ætti að kæta lesendur kvikmyndir.is sem eru aðdáendur leikarans.

gosling

„Það sem þessi viðbót gerir er að hún prófar hverja einustu mynd [til að finna út] hvort hún er lárétt, lóðrétt eða ferningur, og skiptir svo myndunum út,“ segir Katherine Champagne, 25 ára gömul, höfundur viðbótarinnar í samtali við ABC News vefsíðuna. 

Þá er bara að byrja!

Stikk: