Sean Patrick Flanery mun leika í áttundu þáttaröðinni af Dexter. Samkvæmt Deadline leikur hann fyrrverandi lögguna Jacob Elroy, eiganda einkaspæjarastofu á Miami.
Áður hafði breska leikkonan Charlotte Rampling bæst í leikarahópinn.
Sean Patrick Flanery er þekktur fyrir hlutverk sín í The Boondock Saints, The Young Indiana Jones Chronicles, Saw 3D og The Young and the Helpless.
Sýningar á Dexter hefjast í Bandaríkjunum 30. júní en þeim var flýtt eins og við sögðum frá um daginn.
Flestir telja að þetta verði síðasta þáttaröðin um fjöldamorðingjann. Yfirmaður framleiðandans Showtime hefur samt ekki viljað útiloka að níunda þáttaröðin verði gerð.