Vegna óvæntrar velgegni kvikmyndarinnar Legally Blonde, hefur aðalleikona myndarinnar, Reese Witherspoon, aukið vægi til þess að heimta hærri fjárhæðir fyrir þær myndir sem hún leikur í. Fyrir Blonde fékk hún um eina milljón dollara, en fyrir sína næstu mynd sem verður líklega Sweet Home Alabama og verður forgangsverkefni fyrir Disney, fær hún líklega 5 milljónir dollara. Myndin, sem verður leikstýrt af Andy Tennant ( Ever After ) fjallar um unga stúlku frá suðurríkjum Bandaríkjanna sem á í megnustu erfiðleikum með að venjast lífinu í New York. Ef af þessari mynd verður, koma öll önnur verkefni stjörnunnar til með að þurfa að bíða, þar á meðal myndin hennar um tennisstjörnuna og væntanlegri kvikmynd um Honey West byggðri á gömlu sjónvarpsþáttunum.
