Undanfarið hefur leikarinn Charlie Sheen verið að hitta framleiðendur til að sjá um nýja þáttinn hans: Anger Management. Í dag var tilkynnt að höfundur The Drew Carey Show og George Lopez þáttanna, Bruce Helford, hefur verið fenginn til að framleiða og skrifa þættina.
Þættirnir eru byggðir á samnefndri mynd frá árinu 2003 en í henni fór Adam Sandler ásamt Jack Nicholson með aðalhlutverki. Sandler lék rólegan og kurteisan mann sem var, eftir röð af óheppilegum atvikum, skipað af dómstóli að sækja reiðistjórnunarfundi og þar hittir hann léttgeggjaðan leiðbeinanda, leikinn af Nicholson.
Sheen mun leika uppfærða útgáfu af karakter Nicholsons og verða þættirnir framleiddir af Lionsgate TV en fyrirtækið mun fara með þáttinn til hugsanlegra kaupenda í næstu viku.