Vefsíðan ComingSoon ræddi nýlega við leikarann Jim Carrey um væntanlega mynd hans, Mr. Popper’s Penguins. Carrey, sem hefur hingað til að mestu forðast framhaldsmyndir, lét hinsvegar hafa það eftir sér að vinna væri hafin á myndum sem ættu að kæta aðdáendur hans.
„Við erum að tala um að endurvekja nokkrar persónur sem margir hafa viljað sjá aftur.“ sagði Carrey. „Til dæmis Bruce Almighty, við erum spenntir fyrir henni. Sömuleiðis erum við að íhuga aðra Dumb & Dumber mynd.“
Bæði Bruce Almighty og Dumb & Dumber hlutu framhaldsmyndir sem Jim Carrey kom ekki nálægt, en hvorugar þóttu þær vel heppnaðar.