Impy's Wonderland (2008)

Teiknimynd um litla risaeðlu sem kemur sér í mikinn vanda og þarf ásamt fjölskyldu sinni og vinum að taka á honum stóra sínum til að leysa málið. Impi er ung og lítil risaeðla sem unir sér vel ásamt fjölskyldu sinni og óteljandi vinum á hinni sólríku eyju Tikiwu. Þegar ung og falleg, en dálítið klaufsk pandabirna kemur til eyjarinnar verður hún umsviflaust uppáhald allra. Við þetta á Impi erfitt með að sætta sig því hingað til hefur hann fengið alla athyglina og því eru viðbrigðin mikil fyrir hann. Í skjóli nætur ákveður Impi því að láta sig hverfa frá Tikiwu og halda sjálfur á vit ævintýranna uppi á meginlandinu. Þar kemst hann fljótlega í kynni við fremur dularfullan skemmtigarðseiganda sem telur Impa á að koma með sér í garðinn. En skemmtigarðseigandinn hefur ekkert gott í huga fyrir Impa því hann setur hann í hlekki til að geta haft hann til sýnis fyrir gestina. Sem betur fer fyrir Impa fer fjölskylda hans af stað að leita hans og því er hjálpin nærri ...