Ghostbusters (1984)

Þessi mynd er bara klassík. Kom út árið 1984, sem er sama ár sem gullmolarnir Indiana Jones and the Temple of Doom og Police Academy komu út.
Snillingurinn Bill Murray (Lost in Translation, Tootsie) er bestur hér sem einn af bestu kvikmyndapersónum kvikmyndasögunnar Dr. Peter Venkman, hinn ávallt fyndni Dan Aykroyd (The Blues Brothers myndirnar, 50 First Dates) leikur Dr. Raymond Stantz ,Harold Ramis (Love Affair, Baby Boom) leikur Dr. Egon Spengler og Ernie Hudson (Shark Attack, Mr. Magoo) leika Ghostbusterana og gera það snilldarlega. Sigourney Weaver (Alien, Working Girl) leikur aðalkonuna Dana Barrett og Rick Moranis (Spaceballs, Little Shop of Horrors) leikur hinn pirrandi Louis Tully.
Ivan Reitman (Junior, My Super Ex-Girlfriend) leikstýrir þessari mynd og er þetta besta myndin hans. Aykroyd og Ramis skrifiðu handritið af þessari mynd sem er rosalegt miðað við hinar sem þeir hafa skrifað.
Þetta er frábær Sci-Fi grín mynd sem allir ætta að sjá.

Quote:
Dr. Peter Venkman: We came, we saw, we kicked its ass!

Ghostbusters fjallar um nokkra ,,vísindamenn" sem hafa áhuga á draugum og að rannsaka þá og eftir að hafa verið reknir úr gömlu vinnunum í háskólum ákveða þeir að stofna sitt eigið fyrirtæki sem finnur og eyðir draugum. Það gengur ofboðslega vel hjá þeim að ná litlu pirrandi draugunum og fá mennirnir á sig gott orð og takast á við marga drauga. Ein þeirra sem er leikin af Bill Murray verður hrifin af fyrsta kúnnanum leikin af Sigourney Weaver og fylgjist áhorfandi við eltingaleik þeirra á milli. Allt gengur vel þar til rosalegur draugur fer að taka yfir New York borg og þurfa þá Ghostbusters að sameina krafta sína og bjarga deginum. Þetta er bráðfyndin gamanmynd og fer Bill Murray á kostum í hlutverki sínu, einnig er mjög gaman að sjá tæknibrellurnar frá 1984 og hlæja af þeim í leiðinni. Góð mynd fyrir unga sem aldra sem hægt er að horfa á aftur og aftur.

Ágætis mynd frá Ivan Reitman um vinina Peter(Bill Murray), Ray(Dan Aykroyd) og Egon(Harold Ramis)sem starfa sem vísindamenn í dulspeki þegar þeim er hent út af háskólanum sem þeir starfa hjá. Þeir stofna eigið fyrirtæki og titillinn útskýrir starf þeirra. Hið forna goð Gozer(veit ekki hvað leikkonan heitir en make up-ið hennar er geðveikt) kemur síðan eins og þruma úr heiðskíru lofti til að útrýma heiminum og inn í þetta blandast Dana Barrett(Sigourney Weaver) sem á þann heiður að vera fyrsti(en ekki síðasti) viðskiptavinur okkar manna. Skemmtileg mynd á margan hátt en því miður er hún talsvert gölluð. Hún er ekki eins ýkt og hún hefði getað orðið og alltof sjaldan fyndin. Einnig eru atriðin þar sem er sýndur ástarneisti á milli Peter og Dana formúlukennd, þreytt og jafnvel draga myndina niður. En að jákvæðu punktunum; tónlistin er þvílíkt góð, titillagið er að vísu alveg óbærilega leiðinlegt en annars er soundtrackið mjög gott. Murray og Weaver eru bæði fín þegar þau eru ekki að leika hvort á móti öðru og Aykroyd og Ramis eru báði þéttir og halda myndinni uppi. Ernie Hudson og Rick Moranis eru þarna líka en hlutverkin eru ekkert spes. Nú tel ég mig vera búinn að skrifa nóg um Ghostbusters en ég smelli á hana tveimur og hálfri stjörnu. Ekki frábær mynd en vel þess virði að sjá.