Evolution
Bönnuð innan Ekki við hæfi mjög ungra barnaÍ myndinni er ljótt orðbragð
GamanmyndVísindaskáldskapur

Evolution 2001

Frumsýnd: 6. júlí 2001

Have a nice end of the world.

6.1 112,043 atkv.Rotten tomatoes einkunn 43% Critics 6/10
101 MÍN

Þegar loftsteinn fellur á Jörðina, þá fá tveir háskólaprófessorar, Dr. Ira Kane og Harry Phineas Block, það verkefni að rannsaka staðinn sem steinninn féll á. Þar uppgötva þau lífverur sem eru ekki af þessum heimi. Fljótlega koma yfirvöld og taka stjórnina á staðnum, og ýta þeim Ira og Harry til hliðar. Eftir því sem lífverurnar þróast meira og... Lesa meira

Þegar loftsteinn fellur á Jörðina, þá fá tveir háskólaprófessorar, Dr. Ira Kane og Harry Phineas Block, það verkefni að rannsaka staðinn sem steinninn féll á. Þar uppgötva þau lífverur sem eru ekki af þessum heimi. Fljótlega koma yfirvöld og taka stjórnina á staðnum, og ýta þeim Ira og Harry til hliðar. Eftir því sem lífverurnar þróast meira og þroskast og verða hættulegri, þá þurfa prófessorarnir tveir að leita leiða til að bjarga heiminum.... minna

Aðalleikarar

David Duchovny

Dr. Ira Kane

Julianne Moore

Dr. Allison Reed, CDC

Orlando Jones

Prof. Harry Phineas Block

Ted Levine

General Russell Woodman

Dan Aykroyd

Governor Lewis

UMFJALLANIR AF ÖÐRUM MIÐLUM


Svipaðar myndir


Gagnrýni (15)


Fór á þessa mynd á 400 kr. sýningu sem voru alltaf á þriðjudögum fyrir löngu síðan. Það er spurning hvort einhver sé sammála, en er Ivan Reitman að verða verri með hverri mynd? Það er eins og hann hafi varla áhuga til að gera eitthvað athyglisvert eftir að Ghostbusters var upp á sitt besta. Mér finnst myndir hans vera verri hver á fætur annarri. Og Evolution fannst mér engin undantekning þar. Hún fellur í sömu gryfju eins og nánast öll hin verk hans, kannski fyrir utan Ghostbusters og Stripes. Vonandi að í framtíðinni fari hann að koma með eitthvað sniðugt. Mæli ekki með Evolution fyrir neinn að sjá.
Fannst þér gagnrýnin hjálpleg? Nei

SNILLD!!!!! Bara eiginlega besta gamanmynd sem ég hef séð. Ég hefði aldrei trúað því hve góð mynd þetta var, þegar ég sá kápuna og hafði lesið um hana. Meginþráðurinn er að loftsteinn hrapar og honum fylgir fremur ógeðslegt lífrænt slím sem að sjálfsögðu fer að myndast líf út frá og ekkert virðist fá stöðvað hina hröðu þróun þess... eða hvað? Þvílík tækni, yndislegur húmor, dásamleg persónusköpun og frábær leikur! Duchovny og Moore eru einstök og sama má segja um félaga þeirra, Akroyd og alla hina. Þessi mynd er vönduð í alla staði og þarna hafa fagmenn verið í öllum hlutverkum. Spenna, gaman, vísindaskáldskapur og þvílíkt hugmyndarflug í einu og sama handritinu. Hélt þetta væri bara kjánalegt kjaftæði en það vantar hreint ekki mikið upp á fullt hús. Það verða allir að sjá þessa mynd!
Fannst þér gagnrýnin hjálpleg? Nei

Þessari hafði ég beðið eftir, með þónokkurri eftirvæntingu. Ekki vegna þess að ég héldi að um eitthvert meistarverk væri að ræða, heldur er ég mikill aðdáandi Davids (frá X-files). Hann var góður í Kalifornia, og alltaf hefur hann staðið sig vel í X-files. Svo ég skellti mér út í búð og keypti mér bara DVD diskinn, áður en ég sá myndina (sem gerist ekki oft, þar sem ég vill einungis eiga myndir sem maður getur horft á aftur og aftur). Og það skrítna gerðist, að mér fannst þó nokkuð gaman að henni við fyrstu áhorfun, en leiddist hún við aðra áhorfun. Það eru fáir brandarar í myndinni, og enginn atriði þar sem maður skellir upp úr, nema kannski þegar feitu strákarnir tveir voru að fíflast. Það er góður andi á milli leikaranna og fannst mér það svona bjarga myndinni. Ég hreinlega held að myndin hefði átt að vera aðeins lengri, með minni skrímslum og meira af gamansömum atriðum. Evolution reynir of mikið að vera alvörugefinn gamanmynd, en á sama tíma er með fíflalæti og óraunveruleika. Bæði mundi virka eitt sér, en ekki saman í einni mynd. Þetta er meðalskemmtun, sem hefði getað verið svo miklu meira.
Fannst þér gagnrýnin hjálpleg? Nei

Mjög fyndin og skemmtileg mynd. Myndin er um loftstein sem hrapar í Arizona fylki í Bandaríkjunum. Tveir jarðfræðingar fatta að í steininum er vökvi sem inniheldur einfrumunga utan úr geimnum. Einfrumungar þessir þróast óvenju hratt og fyrr en varir er bærinn undirlagður af ógeðslegum flatormun og pöddum, skrýtnum blómum, fljúgandi monsterum sem ráðast inn í verslunarmiðstöð og einhverju álíka skemmtilegu. Sundlaugargutti sem dreymir um að verða slökkviliðsmaður og leiðinlegan hervísindamann.Þetta vægast sagt skondna lið reynir að finna leið til að útrýma geimveruskrímslunum áður en skrímslunum útrýma okkur jarðarbúum.
Fannst þér gagnrýnin hjálpleg? Nei

Ég fór á þessa mynd með dálitlar eftirvæntingar, sérstaklega eftir að hafa lesið þriggja stjörnu dómana hér á þessari síðu og var að búast við svona eftirminnilegri afþreyingu .. því miður fann ég bara afþreyingu. Þessi mynd skilur nákvæmlega ekkert eftir sig og virðist vera frekar ódýr í hönnum. Hún er uppfull af fimmaura bröndurum, sumir eru þokkalegir en flestir láta mann bara brosa í mesta lagi. Hún er fyndin á parti og hefði verið alveg brilljant video mynd, og það er það sem ég mæli með við flesta, takið hana á video.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn