Evolution (2001)

Mjög fyndin og skemmtileg mynd. Myndin er um loftstein sem hrapar í Arizona fylki í Bandaríkjunum. Tveir jarðfræðingar fatta að í steininum er vökvi sem inniheldur einfrumunga utan úr geimnum. Einfrumungar þessir þróast óvenju hratt og fyrr en varir er bærinn undirlagður af ógeðslegum flatormun og pöddum, skrýtnum blómum, fljúgandi monsterum sem ráðast inn í verslunarmiðstöð og einhverju álíka skemmtilegu. Sundlaugargutti sem dreymir um að verða slökkviliðsmaður og leiðinlegan hervísindamann.Þetta vægast sagt skondna lið reynir að finna leið til að útrýma geimveruskrímslunum áður en skrímslunum útrýma okkur jarðarbúum.

Ég fór á þessa mynd með dálitlar eftirvæntingar, sérstaklega eftir að hafa lesið þriggja stjörnu dómana hér á þessari síðu og var að búast við svona eftirminnilegri afþreyingu .. því miður fann ég bara afþreyingu. Þessi mynd skilur nákvæmlega ekkert eftir sig og virðist vera frekar ódýr í hönnum. Hún er uppfull af fimmaura bröndurum, sumir eru þokkalegir en flestir láta mann bara brosa í mesta lagi. Hún er fyndin á parti og hefði verið alveg brilljant video mynd, og það er það sem ég mæli með við flesta, takið hana á video.

Æðislega fyndin og skemmtileg mynd. Myndin (í stuttu máli sagt) er um loftstein sem hrapar á jörðina. Tveir jarðfræðilúðar fatta að í steininum er vökvi sem inniheldur einfrumunga utan úr geimnum. Einfrumungar þessir þróast óhemju hratt og fyrr en varir er bærinn undirlagður af ógeðslegum flatormun og pöddum, skrýtnum blómum, fljúgandi monsterum sem ráðast inn í Kringluna og einhverju álíka skemmtilegu. Jarðfræðirkallarnir (Davið X-Files kall Duchovni og svarti maðurinn sem ég man aldrei hvað heitir), sundlaugargutti sem dreymir um að verða slökkviliðsmaður (Stifler í American Pie og annar dúdanna í dúd wheres my car, einmitt, seann william scott) og leiðinlegan hervísindamann (juliana Moore). Þetta vægast sagt skondna lið reynir að finna leið til að útrýma geimverukrípunum áður en krípin útrýma okkur jarðarbúum. Brandararnir eru óteljandi og allir jafn fyndnir, leikararnir æðislegir (Duchovny alltaf jafn sætur en samt ekki beint gamanleikari, Scott var bestur). Bardagarnir eru fyndnir (og head and shoulders sjampóið virðist vera til einhvers nýtt:) )

Þessi mynd verður örugglega sú fyndnasta sem ég fór á árið 2001. Þessi mynd er svo fyndin að það er ekkert ófyndið atriði í þessu listaveki. Orlando Jones segir bara fyndna hluti og David Dushovny er líka frábær en Sean William Scott er ekki í S-inu sínu í þessari mynd að mínu skapi, hann er í of lítlu og aulalegu hlutverki. En þessi mynd fær það besta sem hægt er að fá eða 4 stjörnur og ég mun ekki gleyma þessari mynd á næstunni.

Hún er í rauninni alveg prýðileg þessi mynd. Svona eins langt og sumarskemmtun nær. Ivan Reitman er gríðarlega mistækur leikstjóri, en mér hafa alltaf fundist myndirnar hans áhugaverðar, ef ekki alltaf góðar. Söguþráður í svona mynd er ekki það sem skiptir máli, enda þunnur þrettándi. Aftur á móti er ágætis keyrsla, fínn hasar og flottar brellur að mestu leyti. Það sem lyfti myndinni upp yfir margar myndir af sömu gerð eru samtölin. Maður fær nefnilega á tilfinninguna að fólkið í myndinni sé í raun að tala saman, ekki bara segja nóg til þess að koma söguþræðinum frá A til B. Í Hollywood í dag, er það sjaldgæfur eiginleiki. Bæði Duchovny og Moore eru afskaplega fín, en Orlando Jones er alls ekki góður leikari þó hann sé nokkuð skemmtileg týpa. Allt í allt myndi ég segja að maður fengi það sem maður byggist við af þessari mynd, hvorki meira né minna (eftir Tomb Raider hryllinginn er allt hreinasta snilld hvort sem er).

Eftir allt sem ég hef heyrt um Evolution, öll viðtölin sem ég hef lesið, alla trailerana sem ég hef séð o. s. frv., þá veit ég varla hvað ég á að halda um myndina sjálfa, annað en það að hún er alvarlega misheppnuð. Ég man eftir því að hafa heyrt um þessa mynd fyrir meira en ári síðan (mun lengra síðan, ef ég man rétt) og var þá verið að tala um sviðsmyndirnar fyrir þessa nýjustu mynd Ivan Reitmans sem sumir lýstu sem Ghostbusters með geimverum. Hljómaði vel. Ég hafði ekkert sérstakan áhuga á myndinni fyrr en ég sá trailer sem mér fannst mjög fyndinn (kynningin á Julianne Moore er frábær!) og mér fannst það áhugavert að Evolution byrjaði sem alvarleg geimhrollvekja en endaði sem grínmynd. Í kláruðu myndinni má ennþá sjá leifar hrollvekjunnar - margar línur og nokkur atriði hefðu passað vel inn í svoleiðis mynd - en skrítið er að lítið sem ekkert er af húmor í myndinni, a. m. k. ekki góðum húmor. Brandararnir eru flestir mjög ómerkilegir og hitta ekki í mark, þrátt fyrir ítrekaðar tilraunir Reitmans og aðalleikaranna. Talandi um leikarana, þá fannst mér sorglegt að sjá Julianne Moore í þessari mynd. Þessi yndislega leikkona er, á einhvern óskiljanlegan hátt, farin að taka að sér hlutverk í ótrúlega mörgum glossy-Hollywood myndum og er greinilega hætt að lesa handrit - ávísanir eru líklegast mun skemmtilegri, og styttri, aflestrar. Ég hef ekkert á móti góðum leikurum í Hollywood myndum, en hver sem er myndi sjá það að þessi mynd er langt fyrir neðan standarda Frk. Moore - það helsta sem hún gerir í myndinni er að hrasa við hvert einasta tækifæri. David Duchovny, ólíkt samleikkonu sinni Gillian Anderson úr X-Files, er svo gjörsamlega fastur í Mulder-rullunni að hann er algjörlega ófær um að skapa nýja persónuleika og Seann William Scott fær nákvæmlega sama persónuleikann og hann hefur verið að leika síðan hann byrjaði feril sinn. Orlando Jones fær hið ofsalega þreytta hlutverk svarta brandarakallsins og tekst það ekkert ofsalega vel, en á þó fyndnustu línu myndarinnar. Samt sem áður er ekki hægt að setja bara út á ófyndni leikaranna því að það er handritið sem er eiginlega diet-fyndið, það vantar allan kraft í húmorinn. Reitman gerir lítið til að lífga upp á myndina sem er ofsalega litlaus eða hressa upp á stemninguna - myndin er hægvirk og langdregin - og virðist vera á algjörum auto-pilot. Hann leggst jafnvel svo lágt að troða inn í bláendan skoti sem minnti einum of mikið á lokaskotið í Ghostbusters - þ. E. þegar Slimer kemur fljúgandi að myndavélinni. Það sem kemur fljúgandi að myndavélinni hérna (það kemur reyndar ekki fljúgandi, skotið er augljóslega tekið úr atriði sem var fyrr í myndinni og var líklegast skotið inn af Reitman í örvæntingarfullri tilraun til að gera eitthvað við myndina eftirminnilegt) á engan möguleika á því að verða eins ódauðlegt og Slimer, því miður. Myndin er samt ekki alveg dauð: Það koma nokkrir góðir brandarar og ekki er hægt að kalla Evolution leiðinlega mynd, en hún er oft á tíð svo heimskuleg (og í lokin ömurlega aumkunarverð) að ekki er annað hægt en að hugsa um það hversu góð hún hefði getað orðið ef einhverju hefði verið breytt. Evolution er ekki versta sumarmyndin í ár (Pearl Harbor á þann vafasama heiður), en ég held að hægt sé að kalla hana vonbrigði sumarsins - þetta fólk á að geta unnið betur úr svona góðum efnivið.

Hér er á ferðinni hreinasta snilld. Nú hefur Ivan Reitman tekist það. Þessi mynd heillaði allavega mig upp úr skónum. Aðal hlutverkin í þessari léttgeggjuðu gamanmynd fara David Duchovny, Julianne Moore, Orlando Jones og Sean William Scott með. Myndin er (í stuttu máli) um að loftsteinn rekst á jörðina. Allt í lagi með það. En í þessum steini er líf, líf sem fjölgar sér óvenju hratt. Koma þá léttruglaðir jarðfræðiprófessorar (David Duchovy og Orlando Jones) fyrstir á staðinn en svo fer herinn að skipta sér af þessu. En ekki láta prófessorarnir vaða yfir sig. Myndin átti að höfða til allra aldurshópa. Hún er fyndin, spennandi og rómantísk. Ég gef þessari mynd 3 og hálfa stjörnu.

Evolution er mynd um tvo prófessora þá Harry og Ira. Þeir verða með þeim fyrstu látnir vita að loftsteinn hefur lent á jörðinni. Þeir skoða hann daglega og komast að því að það er líf í honum frá öðrum hnetti og ekki bara það heldur lífverurnar þróast á nokkrum dögum í það sem tók mennina marga milljarði ára. Myndin hefur þá galla að vera illa leikin og þetta er enn ein bjarga heiminum mynd, en hún er engu að síður mjög fyndin og skemmtileg!

Þokkaleg gamanmynd þar sem loftsteinn lendir í Arizona fylki og tveir háskólakennarar sem rannsaka hann fyrstir komast að því að hann býr yfir furðulegum lífrænum eiginleikum. Eins og formúlan segir til um blandast bandaríski herinn síðan í málið og innan skamms er þetta allt farið að ógna framtíð mannkynsins á jörðinni. David Duchovny (betur þekktur sem Mulder úr X-Files) og Orlando Jones fara með aðalhlutverkin ásamt Julianne Moore og Sean William Scott. Það er á köflum skemmtileg kemistría milli þessara leikara en ójafnt handrit hamlar myndinni mikið. Tæknibrellurnar eru flestar fínar og vissulega er fyndna punkta að finna (there's ALWAYS time for lubricant!!!) en það er samt of margt hérna sem gengur ekki upp. Þrátt fyrir þetta fannst mér Evolution talsvert betri en helstu gagnrýnendur hafa haldið fram og varð ég því ekki fyrir vonbrigðum. Ágætis sumarskemmtun fyrir þá sem eru tilbúnir til að slá aðeins af gæðakröfum sínum.

Evolution. Þessi mynd er svo sem ekki upp á marga fiska. Hann herra x-files er ekkert að gera stóra hluti þarna en myndin hefur svo sem ágætis punkta inn á milli. Ég hefði viljað sjá meira af honum Dan, en ekki er á allt kosið. Mér finnst einhvernvegin eins og leikstjórinn hafi ekki verið að gefa sig allan í þetta. Þessi mynd er engin stórmynd en hún er ágætis afþreying og ég mæli hiklaust með henni þegar hún kemur á VHS. Ég gef henni tvær stjörnur, svolítið áhugaverð með örlitlum húmor.

Ég var búinn að bíða talsvert lengi eftir henni þessari, enda ekkert slorlið sem stendur að baki Evolution. Trailerinn var líka alveg stórvel heppnaður og gerði augljóst að aðstandendur voru síst af öllu að taka sig alvarlega. Evolution er sennilega ein besta gamanmynd sumarsins (ég bíð samt eftir American Pie 2 - trailerinn er snilld!). Það er nettur Ghostbusters-andi yfir henni, enda ekki skrýtið þar sem leikstjórinn er sá sami (Ivan Reitman, sá gamli refur) og Dan Aykroyd skýtur upp kollinum. Sagan er í stuttu máli sú að loftsteinn neglir sér niður í eyðimörk í miðju Arizona-fylki, og tveir léttruglaðir jarðfræðiprófessorar úr nálægum háskóla eru fyrstir á staðinn. Þeir David Duchovny og Orlando Jones eru hreint út sagt frábærir sem þessir tveir rugludallar; samspilið á milli þeirra er hrein unun. Það er greinilegt að þeir höfðu gaman að samstarfinu. Á milli X-Files og þessarar myndar held ég að Duchovny sé sjálfkjörinn sendiboði ef svo fer að geimverur láta sjá sig hér. En sem sagt, þeir uppgötva að verur utan úr geimnum eru að þróast á margföldum hraða út úr steininum og verði ekkert að gert munu þær taka allt yfir á tveimur mánuðum. Auðvitað mætir herinn og klúðrar málunum, og proffarnir tveir taka saman höndum við lúða sem þráir að verða slökkviliðsmaður (Seann William Scott, líka stórfyndinn) og vísindamann frá heilbrigðiseftirlitinu (Julianne Moore í fríi frá Óskarsmyndum í bili). Evolution er mjög vel heppnuð gamanmynd, og brandararnir velta upp úr stjörnunum á færibandi. Moore kemur á óvart sem gamanleikkona og ég skora á fólk að brjálast ekki úr hlátri yfir atriðinu þar sem Jones lendir illa í því á sjúkrahúsi. Aukakarakterarnir eru bráðfyndnir, og það ættu flestir að geta hlegið sig máttlausa að lokabardaganum... þvílíkt og annað eins. Fyrsta flokks sumarskemmtun.