Zift (2008)

Zift er búlgörsk glæpamynd í anda gömlu rökkurmyndanna en færð í nýstárlegan búning. Eins konar ný-rökkurmynd. Myndin segir þó ekki frá átökum einkaspæjara við glæpamenn heldur er söguhetjan sjálfur glæpamaður. Hann er kallaður Mölurinn og er nýsloppinn úr fangelsi eftir tuttugu ára vist. Við honum blasir Búlgaría kommúnismans með sínu kalda andrúmslofti. Myndin gerist á einum sólarhring og á þessum skamma tíma reynir Mölurinn að gera upp fortíð sína.