WALL·E (2008)

 Wall-E er á meðal bestu teiknimynda allra tíma held ég að sé óhætt að segja. Sagan og teiknararnir maður BRAVÓ. Það er samt frekar erfitt að kalla Wall-E barnamynd boðskapurinn er frekar í svartsýnari kanntinum t.d. um það að allir jarðarbúar hafi tekið sig til og yfir gefið jörðina, í vægast sagt ömurlegu ástandi, og látið stórfyrirtæki(buy large minnir mig að það hafi heitið) sjá um að taka til fyrir sig. Á meðan lifir mannfólkið vægast sagt einföldu lífi þar sem allt er rafrænt, sem gerir það að verkum að það er ekki í léttari kanntinum.... Aftur á móti er boðskapurinn að lokum góður og fallegur. Samband Wall-E og EVE er mjög fallegt og koma nokkrum sinnum svona aaaaaa moment. Sem sagt að hver sá sem fer á Wall-E verður EKKI fyrir vonbrigðum. 10/10

 Já, hvað getur maður sagt um þessa mögnuðu mynd sem Wall-E er? 1. Handritið og sagan er mjög vel skrifuð. Vel uppbyggð og bara skemmtileg. 2. Húmorinn er frábær. Hló mjög mikið á myndinni, og það er það sem Pixar eru þekktir fyrir. 3. Virkilega flott teiknuð. Allt frá rústunum á Jörðinni, sprengingarnar og alveg til geimskipsins og umhverfinu þar í kring. Segi bara húrra fyrir teiknurunum því þeir skila mögnuðu starfi frá sér. 4. Persónurnar. Mjög mikið af verulega skemmtilegum karakterum sem hægt er að hafa gaman að. 5. Ástarsagan. Persónutengslin milli Wall-E og EVA eru svakalega sterk, og hefur undirritaður ekki verið jafn mikið hrærður yfir teiknimynd síðan Lion King og Beauty and the beast voru upp á sitt besta. Held að maður þurfi ekki að útskýra mál mitt meira. Þessi fær 10 af 10 hjá mér, og alveg finnst mér hún eiga það skilið. Eins og Tommi minnist á: Þessi verður algjör klassík.

Ég man þegar það þótti mjög sjaldséð að sjá tölvugerða teiknimynd. Maður sá eina, kannski tvær - mesta lagi þrjár, á ári. En þegar þessar ræmur sáust í svona litlu magni voru þær oftar en ekki góðar, jafnvel frábærar. Þetta var á tímum fyrstu Toy Story-myndanna, fyrstu Shrek-myndarinnar og einu fyrirtækin sem að börðust um aðsóknartölur voru Dreamworks og Pixar. Smám saman fóru hefðbundnu teiknimyndirnar að deyja út og sömuleiðis fóru pixlarnir að fjölga sér, og rétt eins og 2-D teiknimyndir, þá fór eitthvað deyjandi, en það voru gæðin (sbr. ræmur á borð við Hoodwinked, Ice Age 2, The Ant Bully o.fl.). Ég er kannski að tala um fullbreiðan hóp en hér í denn snérust góðar teiknimyndir um það að mata ofan í þig góða sögu, þar sem að sköpunargleði og sjarmi skipti öllu. Núorðið snýst þetta oftast um það hvaða stjórstarna talar fyrir hvaða persónu og svokallaðar pop-culture tilvísanir. Pixar hefur þó haldið sínu striki frá upphafi, enda merki um gæði að mínu mati. Burtséð frá A Bug's Life og Cars hafa þeir einungis gert mjög góðar myndir, jafnvel frábærar myndir. Persónulega átti ég ekki von á því að aðstandendur myndu toppa The Incredibles einhvern tímann á næstunni, en fjandinn hafi það... þeim tókst það með Wall-E!Þessi mynd er fyrst og fremst mjög einkennileg, og miðað við fjölskyldumynd er hún heldur þunglynd í tón. Það er náttúrulega ekkert grín að láta sögusviðið vera jörðin, þar sem að plánetan hefur tætt sig í sundur með hjálp frá mengun og lélegri umgengni (fattar einhver boðskapinn? Já, ég er að tala við þig, Al Gore!). Mannfólkið er flutt í geiminn og er greyið titilpersónan ein eftir á jörðinni, með það eina hlutverk að "hreinsa til." Frumlegustu hliðar myndarinnar eru m.a. þær að myndin er næstum því þögul allan tímann. Samtöl eru í algjöru lágmarki, sem er gott að mínu mati, því þetta leyfir myndinni að fókusa á krefjandi frásagnarhátt þar sem að uppbygging, grafík og tjáningar ráða ríkjum. Aðal stjarnan í myndinni er þó ekki grafíkin, eins brilliant og hún er, heldur hljóðblöndunin. Meistarinn hann Ben Burtt býr til alveg gríðarlega heillandi hljóð sem eru bæði grípandi og falleg og blæs hann öllu lífi í róbotana. Hvernig er hægt að búast við öðru?! Burtt er nokkurn veginn faðir R2-D2, og var vinna hans að Star Wars ekki síður mikilvægari heldur en hjá Lucas eða John Williams. Gæji sem að getur gengið um göturnar og sagst hafa fundið upp hljóðið fyrir geislasverðin hlýtur að vera helvíti sáttur með sjálfan sig...En þrátt fyrir afbragðs tæknilegar hliðar, þá er það handritið og bara frásögnin almennt sem heillaði mig. Persónurnar helstu eru líka strax orðnar íkonískar. Þú þarft ekki nema að sjá bara traileranna til að sjá hvað Wall-E er elskulegur karakter. Hann er fyndinn, skemmtilegur og - það sem er eflaust mikilvægast - algjört krútt! Kannski er það bara ég en útlitslega minnir hann mig heldur mikið á Johnny Five úr Short Circuit-myndunum (hvaða fleiri 80s börn muna eftir þeim??). Ef ekki, þá gæti hann verið ættingi hans. En Wall-E er strax orðinn einhver besta persóna sem ég hef séð í teiknimynd! Samband hans við EVE-vélmennið er svo fjandi öflugt að manni hlýnar í hjartað. Ég heillast ekki það auðveldlega yfir bíómynd, en þessi mynd bræddi mig alveg.Ekki misskilja þó... Myndin er nefnilega ALDREI væmin! Nánast allt við þessa mynd er eitthvað svo mikil andstæða við Disney-reglurnar. Kannski það sé ástæðan af hverju framleiðendur vildu ekki gera myndina upphaflega. En Wall-E er að öllu leyti sjónrænt meistaraverk, og innihaldið er yndislegt. Jú ókei, boðskapurinn er áberandi, en hann gengur vel upp og virkar aldrei píndur. Stíll myndarinnar er skemmtilega óhefðbundinn og glöggir kvikmyndagúrúar taka eftir tilvísunum í sci-fi myndir á borð við 2001: A Space Odyssey (sem er þó ofmetin mynd að mínu mati. Sorrý Stanley...), en ótrúlegt en satt, þá eiga þær tvær myndir fjölmargt sameiginlegt. Kannski þið takið eftir því.Ég grínast ekki með það að hér sé um að ræða einhverja gáfuðustu, frumlegustu og ferskustu teiknimynd sem hefur komið í bíó í mörg, mörg ár. Hún er líka fullkomlega við hæfi allra. Börn eiga eftir að fíla titilkarkterinn í klessu. Hann er skemmtilega klaufskur og litardýrðin, ásamt hasarnum, á skjánum tryggir athygli þeirra. Fullorðnir aftur á móti eiga eflaust eftir að kunna betur að meta söguna og alla þessa undirtóna sem skjóta á alvöru heiminn. Myndin er líka svo bilaðslega ljóðræn að hún gjörsamlega dáleiðir þessar 90 mínútur, sama hversu gamall þú ert.Wall-E skákar Kung Fu Panda sem besta teiknimynd sumarsins/ársins. Ég neita samt að stoppa þar, því ásamt The Incredibles er þetta besta Pixar myndin frá upphafi. Og ef það er ekki nóg, þá er þetta einhver besta teiknimynd sem ég hef séð. Punktur!9/10 (millimeter frá tíunni)