The Descent (2005)

Þssi mynd ætti að flokkast undir grínmynd ,hún hreyfði ekkert við mér né kærustu minni sem er vanalega skíthrædd á hryllingsmyndum.Hræðilegur söguþráður ,ömurlegir leikarar.Ég gef þessari leiðinlegri mynd hálfa stjörnu bara fyrir fólkið sem nennti virkilega að búa til þessa mynd.

Mér fannst þetta hreint ömurleg mynd og fremur óspennandi mer bra ekker eg var ekki neitt hrædd og hun var of fyrirsjanleg eg horfi eiginlega bara a hryllingsmyndir þannig eg veit hvað eg er að meina þegar eg se ogjeðlslegar myndir og þessi var bara leiðinleg og óspennandi og eg mæli svo ekji með henni horfði a hana i afmæli hja vinkonu minni og þetta bara skemmdi afmælið og siðan var bara alltaf það sama að gera, sömu gaurarnir komu og gerðu það sama að bara étaþær og siðan tengist dauði stelpuna hennar þessu ekki neitt veit nu ekki allveg hvað folk er að spa:/

Ég er einn af þeim sem trúi því að ef einhver segir þér að þessi mynd sé hræðileg þá búistu við of miklu af henni og verðir fyrir vonbrigðum, sama gildir um grínmyndir og annað slíkt, ef þér er sagt að mynd sé svo eða svo slæm eða góð á neikvæðan eða jákvæðna hátt gerir þú þér miklar vonir eða litlar vonir eftir því hvað við á. Með þetta sagt þá vil ég segja að þetta er í eina sinn (hingað til) sem ég hef farið á mynd sem Ansi margir hafa sagt mér hversu hræðilega skelfileg hún sé og maður sé hreinlega í mínus þegar myndin er búin og samt gengið útúr bíó með Vonda tilfinningu í maganum og liðið eins og ég væri nýbúin að láta taka úr mér blóð!!! Þessi mynd er ekki spooky á þennan stúdíó ameríska hátt(vondi kallinn bakvið skáp,, bóó) og ekki draugaleg eða þannig........... það er ansi erfitt að segja nákvæmlega hvað það er við þessa mynd sem Nær til manns án þess að segja frá myndinni of mikið.

Prófiði bara og sjáiði hvaða áhrif hún hefur á ykkur!?!?!

Vá!!! Maður er ennþá í sjokki eftir þessa snilldarmynd Neils Marshall. Sagan: Sarah lendir í þeim hræðilega atburði að missa dóttur sína í bílslysi. Einu ári síðar ákveða þær vinkonur Rebecca, Jona, Beth, Sam og Holly að taka Söru með í klettaskoðun. En það sem þær eiga eftir að lenda í er hrein martröð. Maður sér það strax þegar maður fer að horfa á þessa, að það er stór munur á þessari mynd og Dog Soldiers. Meðan Dog Soldiers var meira fyrir húmor, spennu og sprengingar, þá leggur þessi meiri áherslu á að hræða áhorfandann upp úr skónum, þ.e. mun meira drungalegri og ógeðslegri og, stundum á tímum, virkilega óþægilegt að horfa á hana. Hún nær allavega algjöru taki á manni allan tímann. Hvað varðar innilokunarkenndina, hún er rosaleg. Manni finnst eins og maður sé þarna í hellinum og er það á tímum óhugnanlegt. Blóð og bregðuatriði, nóg af því(allavega blóðinu). Mér brá allavega mjög mikið yfir nokkrum þeirra. Allavega, ein besta hrollvekju myndin sem ég er búinn að sjá á þessu ári. Aðvörun: ER EKKI FYRIR VIÐKVÆMA.

Ég fór á þessa mynd þar sem ég hafði heyrt að hún væri ógeðslega hræðileg. Ég komst að þvi að það væri satt þar sem þetta er ein ógeðslegasta hryllingsmynd sem ég hef farið á í bíó. Mjög spennandi og endar ekki eins og maður býst við. Mæli með henni

Jæja, við vinkonur fórum í bíó í kvöld og ALDREI á ævinni hef ég verið eins hrædd á nokkurri mynd sem ég hef séð. Hún gerist aðallega neðanjarðar, og eins og flestir þá er manni ekki vel við þröngt umhverfi og mikið myrkur. Hún sýnir á hrikalegan hátt hvernig verur verða ef þær búa of lengi í eilífðar myrkri. Ég er hrollvekju sjúklingur og segji enn og aftur að það er ekki til eins hrikalega spennandi og hræðandi mynd eins og þessi. Alveg 100% 800 króna virði og gott betur en það. Þeir sem eru með veikt hjarta eiga sko alls ekki að fara á þessa mynd. Bretar eru MJÖG góðir í hryllings-bransanum eins og þessi mynd sannar. Má eiginlega ekki segja meira um hana sjálfa, nema það að hún er GEÐVEIK!!!!!

Fór í bíó í gær. Fór að sjá mynd sem lítið hefur heyrst af og tók ég eftir henni á veggspjaldi utan á auglýsingaskilti fyrir utan Laugarásbíó. The Descent heitir hún. Ég kynnti mér aðeins söguþráðinn á netinu og fjallar þetta um sex vinkonur, sem eiga sögu saman, sem fara saman í hellaferð. Hellaferðin fer aldeilis úrskeiðis og er gífurlega spennandi að fylgjast með tilraunum þeirra til að finna leiðina út. Eins og þetta hafi ekki verið nægilega skelfilegt þá uppgötva þær verur sem hafast við í hellunum. Þær eru síður en svo vinsamlegar. Vill ég ekki gefa of mikið upp af myndinni annað en ég var svo hissa hversu góð hún var. Hún var svo skelfileg að bíógestir heyrðu eina stelpuna kjökra af hræðslu. Moodbraker því allir fóru að hlæja af henni. Leikurinn var frábær og mæli ég hiklaust með þessari mynd fyrir þá sem hafa taugar í svona ræmur. Fær fullt hús stiga frá mér. Skelfileg!

Þrátt fyrir áberandi galla með persónusköpun og smá vott af sífelldum endurtekningum þá verð ég persónulega að játa að ég hef ekki í mörg ár orðið svona hræddur í bíó. The Descent grípur áhorfandann strax og neitar að sleppa fyrr en að lokum líður, og þegar jafnvel sá punktur er kominn, þá líður manni ekkert betur. Ef þú ert myrkfælin(n), lofthrædd(ur), með innilokunarkennd eða skrímslafóbíu þá er öruggt að þessi ræma taki á þínar taugar. Allur pakkinn nánast!Neil Marshall er augljóslega maður sem orðinn er þreyttur á amerískum stúktúrsformúlum, standard bregðum og klisjum. Allavega, þá stendur maðurinn sig mjög vel í því að skapa óhugnanlegan blæ sem helst út alla myndina. Hann nær líka mjög vel að skapa ákveðna tilfinningu af innilokunarkennd sem gjörsamlega hamrar á áhorfandanum. Bregðusenur eru einnig notaðar oft en engu að síður sparlega og oft á frumlegri máta en kanarnir eru vanir að gera. Myndin byrjar mjög hægt og skríður rólega með því hugarfari að kynna haug af kvenkyns persónum, staðfesta sambönd þeirra og byggja upp spennu. Eitt af þessum markmiðum tekst með glæsibrag. En um leið og hún er farin að rúlla af stað er hvergi gefið undan viðbjóði eða nokkru öðru sem hlífir manni. Endirinn er líka frábær, og skemmtilega raunsær.Eins og áður sagði þá er persónusköpunin fremur takmörkuð og þunn, jafnvel er stundum erfitt að sjá hver er hver. Engu að síður á þessi mynd skilið grjóthörð meðmæli. Hún er það besta sem ég hef séð í hryllingsmyndageiranum í langan tíma og ætti alveg að virka á gelgjur sem og bíónörda sem þora ekki að öskra upphátt. Sjáðu hana á stórum skjá með slökkt ljósin í öflugu heimabíókerfi.7/10 - Há sjöa. Ekki spurning.