Dark Water (2005)

Dark Water segir frá Dahlia(Jennifer Connelly) sem flytur í íbúð í New York borg ásamt dóttur sinni. Einkennilegur leki byrjar að myndast í svefnherbergisloftinu og dóttirin eignast vin sem reynist síðan vera draugur. Dark Water er verulega hæg og róleg og vantar allan neista. Það er ekki mikið að gerast í henni og hugmyndirnar eru ekki fullnýttar. Það er að sumu leyti bætt upp þannig að myndin verður ágætis afþreying, myndatakan er þunglynd og flott og leikurinn er ekki sem verstur. Jennifer Connelly túlkar hina örvæntingarfullu móður bærilega og þeir Tim Roth, Pete Postelhwaite og John C. Reilly gleðja augað. Þó að Dark Water sé ekkert sérstaklega hrollvekjandi þá verður að fyrirgefa það því hún er ekki mikil hrollvekja þannig séð heldur frekar spennumynd með dularfullu ívafi. Dark Water er ekkert sérstök en hún hefur sér nógu margt til ágætis til að ég splæsi á hana tveimur og hálfri stjörnu. Sem er einmitt það sem ég geri.

 Einhver ömurlegasta edurgerð asískar kvikmyndar sem ég hef séð.Myndin er endurgerð á kvikmynd sem kom út árið 2001, í Japan.Dark Water kom út í Japan árið 2001 og var það snillingurinn Hideo Nakata,sem leikstýrði henni. Japanska útgáfan var frábær í alla staði og ein bestschock horror mynd síðari ára, alveg sama hvað allir segja  um hana.

Mér finnst alltaf jafn sárt þegar fólk er að skrifa illa um Dark water.Dark water er endurgerð samnefndar myndar frá 2002 eftir Hideo Nikata(Japönsku Ringu og Ringu 2,Chaos)og er byggð á sögu Koji Suzuki(Ringu). Walter Salles(Motorcycle diaries)leikstýrir og gerir það ólýsanlega frábærlega og Rafael Yglesias(from hell) skrifar gott handrit myndarinnar.Þessi kvikmynd er meistaraverk en því miður gáfu smekklausir og óþroskaðir áhorfendur henni lélega dóma og einkunn. Dahlia Williams(Jennifer Connelly)er að skilja við manninn sinn Kyle(Dougray Scott) og er að berjast um forræðið yfir fimm ára gamalli dóttur þeirra Ceci(Ariel Gade). Dahlia og Ceci flytja í hrörlega og skuggalega blokk í úthverfi í New York. Brátt fer að leka niður af efri hæðinni sem enginn býr í. Ceci eignist ósýnilega vinkona sem heitir Natasha en stelpan sem bjó efri hæðinni hét það líka. Brátt fara hræðilegir hlutir að gerast.

Alls ekki búast við óhugnanlegri Hollywood hryllingsmynd því þá verður þú(eins og áðurnefndir óþroskaðir og smekklausir áhorfendur)fyrir vonbrigðum.Hinsvegar er Dark water sorglegt og þunglyndislegt drama og ekki má gleyma orðinu listræmt meistaraverk sem lýsir myndinni best. Jennifer Connelly hefur verið rænd Óskarstilnefningu sem hún átti meira en skilið. Frammistaða hennar sem Dahlia er sú besta sem sést hefur í kvikmynd í langan tíma. Hún er ekki aðeins frábær í texta heldur líka í túlkun. Nýliðinn Ariel Gade er alveg frábær sem dóttirin og þetta var mjög erfitt hlutverk sem og öll í myndinni. Ariel er ofmetin og er betri en Dakota Fanning og þá er mikið sagt. John C. Reilly fer á kostum sem fasteignasalinn og skíthællinn Murray. Tim Roth og Dougray Scott eru einnig mjög góðir sem lögfræðingurinn Jeff Platzer og Kyle. Leikarinn góðkunni Pete Postlehwaite er líka góður sem húsvörðurinn Veeck. Camryn Manheim er líka mjög fín í aukahlutverki sem kennari Ceci. Walter Salles hefur sannað að hann er einn af bestu kvikmyndagerðar mönnum nútímans og eins og ég sagði áður þá býr hann til frábæra og rosalega velgerða kvikmynd. Handritið er líka gott. Klipping og hljóð er gott og myndatakan er alveg frábær.Tónlistin er líka alveg yndisleg. Hræðilega vanmetin er algjörlega brilliant,falleg og listræn kvikmynd sem sannur kvikmyndaáhugamaður má alls ekki missa af og Dark water er mín uppáhaldsmynd og ein af 5 bestu sem ég hef séð.