Meet the Fockers (2004)

Það er loksins komið framhaldið af Meet the parents sem var líka mjög góð myndin skartar góðu úrvali leikara t.d. Ben Stiller Robert De Niro, Dustin Hoffman, Barbra Streisand, Blythe Danner, Teri Polo, Tim Blake Nelson, og Owen Wilson kemur góður inn með skemmtilegt hlutverk prests. Myndin fjallar um Gaylord Focker sem er voða misheppnaður og konu hans sem ætla í frý með tengdar foreldrum Gaylords til að hitta foreldra hans með sonar syni teingdarforeldra hans sem er algjör snillingur búið að kenna honum skemmtilegt táknmál sem er snild en þegar þau hittast þá fer allt í rugl myndin er mjög góð og ég skora á alla að bara skella sér í bíó og sjá hana

Ólíkt mörgum var ég ekkert sérstaklega hrifin af Meet the parents þrátt fyrir að vera mikill aðdáandi Bens Stiller. Mér þóttu sumir brandararnir óttalega slappir og fæ alltaf í taugarnar á að horfa á atriði þar sem allt fer endalaust úrskeiðis (samt sniðug hugmynd). Mér fannst Meet the fockers mun skemmtilegri og þá einna helst vegna þess að Streisand og Hoffmann eru yndisleg í henni. Verð að segja að Gaylord og frú eru svo miklar lufsur að maður hefur litla samkennd með þeim og því eru skemmtilegir aukaleikarar nauðsynlegir. Litla barnið kom líka sterkt inn og vakti mikla lukku og fliss hjá mér. Mjög góð skemmtun og mæli með henni

Þessi mynd fær tvímælalaust fjórar stjörnur frá mér.mér finnst leiðinlegt að lesa nokkrar af þessum greinum fyrir ofan nefni enginn nöfn.þið eruð alveg dauð á húmor,já myndinn endurtekur nokkra brandara aftur og aftur og það er líka það sem er mjög fyndið við þessa mynd.Klassaleikarar sem standa sig öll vel.fyndinn söguþráður sem gengur vel út myndina og þetta er líka sjálfstætt framhald af meet the parents autvitað er hún eithvað lík henni og hún er það á jákvæðan hátt,Ég fór á þessa mynd fyrir svolitlu síðan í bíó og fannst myndin betri en ég bjóst við hún yrði, þótt ég hafði búist við miklu.Salurinn var hlæjandi út í gegn og sumir virtust gleyma því að anda.þessi Argandi snilld er ein af þeim bestu í sínum flokki enn sker sig þó vel út,mæli með því að allir fari að sjá hana.þetta er mynd sem enginn má missa af:)

Mjög fín mynd.. góðir leikarar.. sérstaklega fannst mér Barbara streisand standa sig vel.. var reyndar með meiri væntingar.. og mér fannst hún ekki nærri því eins góð og fyrr myndin Meet the parents.. hún var þó allnokkuð fyndin en frekar fyrirsjáanleg (eins og flestar gamanmyndir)..

Meet the Fockers, þú færð það sem þú borgaðir fyrir. Rómantísk-fjölskyldu gamanmynd, Hoffman og DeNiro eru stórir plúsar. Það er nóg af gamani til þess að halda þér vakandi og nóg af einhverju fáranlegu til þess að láta mann hlægja en hún er mjög fyrirsjáanleg. Mér finnst hún ekki vera 800 króna virði, en hún er ágæt svosem.

Þá er hún loksins komin, Meet the Fockers, framhaldið að hinni vinsælu Meet the parents. Nú eru Greg(öðru nafni Gaylord) og Pam að fara að gifta sig. Foreldrar Pam, Pam og Gaylord ákveða í því skyni að hitta foreldra Gaylords. Pabbi Gaylords er lögfræðingur og móðir hans er læknir. Þegar að þau eru sameinuð þá veit maður að maður á von á einhverju svakalegu. Þessi mynd er mjög svipuð fyrstu myndinni, þ.e.a.s. hún er mjög fyndin, góður leikur hjá leikurum og hin fínasta skemmtun. En nær samt ekki að toppa fyrstu myndina hvað varðar gæði. Besta aukningin á þessari mynd er samt leikur Dustin Hoffmans og Barböru Streisand sem foreldrar Gaylords. Þau eru alveg í þvílíku stuði í þessari mynd. Gaman að fá að sjá Barböru Streisand í mynd eftir svona langt hlé. Og þvílík endurkoma. Hún leikur móður Gaylords af einstakri snilld. Einnig er Dustin Hoffman magnaður sem faðir Gaylords. Ef að þið eruð að leita að góðri skemmtun, þá mæli ég vel með þessari mynd. Hún á ekki eftir að bregðast. Hún fær ekki 4 hjá mér, en er mjög nálægt því. Þannig að ég læt 3 og hálfa stjörnur duga.

Meet the Fockers er ein af þeim framhaldsmyndum sem voru gerðar eingöngu vegna þess að forverinn stórgræddi. Hún er líka ein af þeim framhaldsmyndum sem virkar eins og slöpp eftirlíking þar sem hún tekur alla góðu brandaranna, allt góða efnið og mestallt annað sem einkenndi fyrri myndina og endurtekur það með frekar ójöfnum árangri. Þessi mynd gerir næstum ekkert nýtt, en þetta eina nýja er annars vegar einn besti kosturinn við hana, og það eru Dustin Hoffman og Barbra Streisand. Meet the Parents hafði sína galla líka og lenti í því að endurtaka sömu brandaranna, en hún var engu að síður fyndin og vel heppnuð að flestu leyti. Meet the Fockers tekur þessa sömu brandara sem voru löngu orðnir þreyttir í lok fyrri myndarinnar og teygir úr þeim í tæplega tvo klukkutíma. Það getur verið fyndið að heyra Ben Stiller vera kallaðan Gay Focker, ásamt öðrum minniháttar bröndurum með nafnið, en þetta deyr strax út. En það er aðeins ein af MÖRGUM endurtekningum sem hér eru að finna. Hér fáum við t.d. (aftur) að fylgjast með hæfileikum kisunnar og (aftur) kemur eitthvað uppá þeirra vegna. Svo má ekki gleyma vandræðalega kvöldverðinum (aftur) eða misheppnaða íþróttaleiknum (aftur...), lygaskynjaraaðferðum De Niros (AFTUR), sífellt ofnotuðum skotum á hjúkrunarstarfi Gregs ásamt fjölda öðru. Þarna var ég bara rétt að byrja. Maður horfir á þessa mynd og veltir fyrir sér af hverju handritshöfundarnir reyndu ekki að beygja formúluna ÖRLÍTIÐ. Það besta við Fockers eru eflaust Hoffman og Streisand, en ég hef aldrei áður kunnað vel við síðarnefnda aðilann. Hér fær hún loks eitthvað skemmtilegt að gera. Stiller og De Niro eru ágætir, en ég held að það sé tímabært að Robert kallinn fari að snúa sér að dramahlutverkum aftur. Núna er hann orðinn eins og grafalvarlegur grínleikari sem ávallt hefur sama súra svipinn. Ég hafði samt sem áður mjög gaman af þróun hans í þessari mynd. Það er einn lítill punktur af því nýja sem þessi mynd gerir. Annars fer það voðalega í taugarnar á mér hversu vannýtt hin bráðfallega Teri Polo er. Hún gerir ekkert annað en að standa og sýna svipi. Yfir heildina segi ég að myndin olli mér miklum vonbrigðum. Það er hægt að hlæja að henni, en það er óvenju sjaldgæft, og því miður þreytist húmorinn miklu fyrr. PS. Það er ljóst að myndin hefur verið að mala gull í miðasölunni vestanhafs. Vona bara að framleiðendur hafi betra vit í kollinum en að gera annað framhald. Bæði tilgangslaust og.... tja... tilgangslaust!5/10

Skemmtileg mynd. Það er eiginlega einfaldasta og besta lýsingin á henni. Í myndinni eru engin leiðinleg eða langdregin augnablik, hún er ekki yfirfull af kjánalegum fíflalátum og endar ekki í væmni og mærð, þetta er einfaldlega gamanmynd eins og þær eiga að vera, skemmtileg og skapbætandi. Leikstjóranum hefur tekist að ná því besta út úr flestum stórleikaranna, hlutverk hinnar vanmetnu gæðaleikkonu Blythe Danner mætti reyndar vera bitastæðara og Dustin Hoffman fær kannski fullmikið frjálsræði á köflum til að fíflast, en Barbra Streisand og Robert DeNiro koma einstaklega vel út. Sú fyrrnefnda hreinlega geislar og rulla DeNiros er dásamlega vel skrifuð. Ben Stiller verður að fara að gæta sín að festast ekki endanlega í aulahlutverkum. Senuþjófarnir eru þó lítið barn og hundur, ekki orð um það meir. Á sýningunni var fólk á öllum aldri og virtist skemmta sér hið besta. Mæli með Meet the Fockers fyrir alla aldurshópa, hún svínvirkar í skammdeginu.

Ég fór ásamt tveimur vinkonum mínum á forsýningu myndarinnar í kvöld.

Þar sem lýsingin fyrir ofan gefur svo greinargóða lýsingu á söguþræðinum þá ákvað ég að sleppa því að segja frá honum.

En þessi mynd er tvímælalaust mynd sem er þess virði til að fara á í bíó. Það er sjaldgæft að framhaldsmyndir séu betri en þær fyrri, en þessi mynd er mun betri en sú fyrri, samt var sú mynd (Meet the parents) mjög góð.

Fyrri hluti myndarinnar er þó ekki jafn fyndinn og sá seinni. Ég hef nokkrum sinnum labbað út í hlénu á bíómyndum og í leikhúsum, en þetta er mynd sem maður MÁ ALLS EKKI labba frá í hlénu, því eftir hléið er maður að springa úr hlátri bókstaflega allan tímann.

Þetta er mynd sem þið verðið að sjá.


Ps. fyrsta umfjöllunin mín.. kannski ekki vel gert, en ég fékk þó að segja mitt;)

Það er ekki af ástæðulausu að Meet the Fockers hélt efsta sætinu á bandaríska kvikmyndalistanum allan þennan tíma, myndin er einfaldlega hreinasta snilld.

Það er alveg óhætt að fullirða það að hún slær út forvera sínum á öllum sviðum, meira grín meira gaman.

Í Meet the Fockers fáum við að kynnast foreldrum Gaylords Focker sem eru hreint út sagt ekki með öllum mjalla en það er ekki nóg heldur eru þeir einnig alger andstæða tengdaforeldra hans. Myndin gengur síðan út á það að Gaylord og tilvonandi fröken Focker reyna að fá foreldra sína til þess að líka við hvort annað og það kallar á ansi miklar þrekraunir.

Auðvita fara leikarar fyrri myndarinnar á kostum enda ekki við öðru að búast af mönnum eins og Ben Stiller og Robert De Niro en við fáum einnig ný andlit í þessari mynd sem algerlega fara af kostum. Dustin Hoffman leikur pabban mr. Focker og gersamlega smellpassar í hlutverkið, hæfilega aulalegur og nokkuð trúverðuglegur, Barbra Streisand leikur síðan mömmuna mrs. Focker en hún stendur sig einna best í þessari mynd sem frekar kinki miðaldra kynlífsráðgjafi sem elskar ekkert heitara en að skipta sér af “STÍFUM” ellismellum.

Þetta er mynd sem engin ætti að láta fram hjá sér fara því hún er einfaldlega allt of góð til þess.

Snilld,snilld og aftur snilld. Þessi mynd er hreint útsagt með þeim betri grín myndum sem framleiddar hafa verið. Að mínu mati er hún galla laus og enginn ástæða til að vera að lítillækka þessa mynd. Þessi mynd er eins og sú fyrri (meet the perents) um seinheppnina í honum Ben Stilleri og ekki hefur hann lagast. Svo við komum okkur að myndinni sjálfri þá fjallar hún um það að nú er komið að því að hitta foreldra fockers og eru þau ekki beint eðlilegt fólk sem á sér eðlileg á áhugamál heldur þvert á móti og þið verðið að komast að framhaldinu með því að skreppa á næstu videoleigu taka þessa mæali með því,4 stjörnur af 4 mögulegum.