The Forgotten (2004)

Þessi mynd byrjaði allveg mjög vel og maður var orðinn vel spenntur hvað væri í gangi. Svo kemur blessaður endirinn og vá myndin missir allan tilgang allt það sem var búið að byggja upp hrinur í endan vegna mjög mjög lélegs endirs, vá en ágæt mind less skemmtun, þegar þú hefur ekkert að gera mydnin er rétt um 80 mín svo að ef ekkert er inni á video leiguni taktu þessa og góða gamla:o)

Aum mynd. Ég veit ekki hvað menn löggðu upp með þegar þeir settust niður og skrifuðu þetta. Spennutrylli, geimverumynd eða er þetta misheppnaðasta grínmynd allra tíma? Ég veit það ekki og örugglega ekki aðstandendur myndarinnar heldur. Leikurinn er ekki góður, Julianne Moore (sú ágæta leikkona) er hreint út sagt hrikaleg og maður skilur ekki af hverju hinir karakterarnir hlusta yfirhöfuð á hennar persónu, bullið sem veltur úr henni yfir ofleiknum. Dominc West og Anthony Edwards eiga að halda sig við sjónvarp og hvað var Gary Sinise að spá? Þetta er rugl mynd sem veit ekkert hvað hún ætlar sér og biður um allt of mikið frá áhorfendum.

Ég ráðlegg öllum sem eru að íhuga að horfa á The Forgotten að hætta strax við, nema þeir sem hafa gaman að mjög slæmum myndum, þá ættuð þið að taka þessa. Myndin er full af ótrúlega gervilegum og illa leiknum atriðum og leikararnir standa sig allir hræðilega. Handritið sjálft er einnig mjög lélegt og er illa unnið úr þessari samt ágætu hugmynd sem myndin byggist á. Hún er í raun skemmd með klígjukenndri væmni og klisjumst og það er alls ekki komið nægilega vel inn á yfirnáttúrulega hlutann. Endirinn skilur einnig eftir marga lausa enda og festir myndina vel í sessi sem ein af þeim lélegustu sem ég allavega hef séð. Það eina jákvæða sem hægt er að segja um myndina eru tæknibrellurnar en þær eru á köflum mjög flottar og frumlegar (þó svo að sumir séu ekki sammála mér í því). Ég gef því myndinni eina stjörnu vegna kúl tæknibrellna punktur

The forgotten er ein af bestu myndim sem ég hef séð af árinu . Söguþráðurinn er magnaður og heldur manni við efnið . Myndinn er í anda x-files og godsend og er dularfullur spennutryllir . Myndinn endar á þann hátt að það vakna upp margar pælingar að myndinni loknu , semsagt um hverjir voru þeir ? Ég get ekki annað en gefið myndinni 3 og halfa stjörnu fyrir þetta stórverk.

Mér finnst alltaf gaman að horfa á góðar ráðgátumyndir, þar sem maður sekkur inn í mysteríuna og lætur sífellt koma sér á óvart með hverri senu. The Forgotten er því miður ekki þannig mynd. Hún spilast mun meira út eins og annars flokks útgáfa af X-Files eða Twilight Zone-þætti. Fyrstu 30 mínúturnar eða svo ná reyndar nokkuð góðu flugi. Myndin varpar fram dularfulla atburðarás með gífurlega hraðri frásögn. Annað gott element varðar Julianne Moore. Hún hefur reyndar ekki sýnt lélegan leik hingað til, svo ég viti, en miðað við hvers konar mynd þetta er nær hún að vera afskaplega sterk og áhrifamikil í frammistöðu sinni. En það nægir ekki að vera einungis bara dularfull og vel leikin, því um leið og svörin fara að koma í ljós tekur myndin þreytta stefnu, dulúðin hverfur og úrlausn sögunnar varð bara óspennandi. Í smástund var ég farinn að halda að aðstandendur hefðu skipt um handritshöfund, því sagan breytist úr áhugaverðri yfir í plain heimskulega. Svo fannst mér ýmislegt í henni vera bara fáránlega fyndið, og þá greinilega óviljandi, en leikstjórinn getur sjálfum sér kennt um það fyrir að láta myndina taka sig svona grafalvarlega. Endirinn fór líka rosalega í taugarnar á mér. Mér fannst eins og hann væri að spila með áhorfandann einum of mikið. Ég bjóst við öllu öðru en þessum 'anticlimax' og einfaldleikinn í honum gerir það að verkum að maður fer að spyrja sjálfan sig: Var þetta allt og sumt?? Svona yfir heildina má hrósa myndinni fyrir að bregða manni og vera vel leikin, en innihaldið nær ekki sömu hæðum. Titillinn ætti í rauninni að geta lýst myndinni betur en ég, enda gleymist hún fljótt.4/10

Það var hálf einkennileg tilfinning að ganga út af The Forgotten. Sem X-files þáttur væri The Forgotten bara mjög fínn þáttur en sem full budget bíómynd með alvöru leikurum well... eiginlega ekki alveg nógu góð því miður. Hugmyndin af þessu handriti er fín... ekkert svakalega grand og mikil en fín samt. Úrvinnslan er bara frekar döpur. Maður er aldrei hræddur eða mjög spenntur..samt eru nokkur tæknilega vel útfærð BÖÖH-atriði sem virka vel útfrá mynd og hljóði frekar en hryllingi. Leikararnir standa sig vel..Julian Moore er eins og Gene Hackman: kann ekki að leika illa og hinn aðalleikarinn englendingurinn Dominic West er príðilegur og bara skemmtilegur leikari yfir höfuð að mínu mati. Myndin er allt í lagi svo sem.. ég hef séð menn lýsa henni sem margslunginni og flókinni !? þeir hinir sömu hafa þá dottið út úr Matrix á fyrsta korterinu. Hún er eins og X-files þáttur lítið gott og einfalt plott sem gengur upp en skilur eftir óvissu um the bigger picture. - góða skemmtun ! SW.

The Forgotten er vægast sagt óvenjuleg mynd. Myndin fjallar um konu að nafni Telly Parada (Julianne Moore) sem er enn í djúpri sorg eftir son sinn sem hafði farist 14 mánuðum áður. Einn daginn fara hins vegar skrítnir hlutir að gerast; öll sönnunargögn um tilvist sonar hennar virðast hverfa sporlaust. Svo er Telly sagt að sonur hennar hafi aldrei verið til; að hún hafi búið sér til minningar um líf hans. Telly er hins vegar sannfærð um annað og brátt fara dularfullir hlutir að gerast sem staðfesta grun hennar um að hér sé eitthvað virkilega óvenjulegt á seyði.... The Forgotten er virkilega heillandi og veluppbyggð mynd með öðruvísi og mjög dularfullu plotti. Sterk frammistaða leikaranna og þá sérstaklega Julianne Moore og afbragðshandrit gera þetta að einni af eftirminnilegustu myndum þessa árs.

Þessi mynd er ein af bestu myndum sem ég hef séð þetta árið, í þessari mynd er skrítinn söguþráður en maður verður að fylgjast vel með allri myndinni svo þetta smelli allt saman í lokin:)