The Italian Job (2003)

The Italian Job fer ekki í felur með ástæðu tilvistar sinnar: Hún er sumarskemmtun og ekkert annað. Það er myndinni til hróss, og ekki skemmir fyrir að skemmtanagildið er mikið og maður gengur út úr salnum með bros á vör. Leikstjórinn F. Gary Gray (A Man Apart) byggir myndina á samnefndri mynd frá 1969 þar sem Michael Caine fór með aðahlutverkið, en hér er það Mark Wahlberg sem fer fremstur í flokki. Hann leikur krimma að nafni Charlie Croker, sem leiðir hóp hátækniþjófa í gullráni í Feneyjum. Það kemur í ljós að einn úr hópnum svíkur lit og myndin segir frá því þegar hinir sviknu reyna að hefna sín á fyrrum félaga sínum. The Italian Job er full af flottum spennuatriðum, til dæmis bátaeltingaleik á Ítalíu og bílaeltingaleik í Los Angeles. Maður getur ekki annað en haft gaman að öllum hasarnum, og í þokkabót er myndin full af góðum húmor. Wahlberg er ágætur, og Charlize Theron og Edward Norton (sem skuldaði Paramount mynd undir gömlum samningi og er greinilega ekkert að reyna of mikið á sig) eru skítsæmileg. Það eru aukaleikararnir sem gefa myndinni mestan lit, og þeir fá oft bestu línurnar og fyndnustu atriðin. Jason Statham (The Transporter) sannar það enn og aftur að enginn leikur svala breska krimma betur. Fyrrum rapparinn Mos Def leikur sprengjusérfræðing hópsins, og síðast en ekki síst fer Seth Green á kostum sem tölvunörd með góða ástæðu til að vera fúll á móti. Tónlistarvalið er fyrsta flokks, og hasarinn er engu slakari en í stærri og dýrari myndum. Ekta sumarskemmtun.

Frekar góð endurgerð af Italian Job. Eitthvað sem maður bíst ekki við er endurgerð af klassískri mynd sem verður næstum jafngóð og upprunalega myndin. Þetta leikaralið var mjög gott saman. Jason Statham var nú langskemmtilegastur og líka Seth Green. Allir léku vel. Það er mikið um góðan húmor í myndinni. Þetta er svona mynd sem selur mikið poppkorn og er vinsæl í bíóhúsum. Bara þrjár stjörnur fyrir mjög góða mynd.

Jæja, þá er maður búin að sjá The Italian Job, ég bjóst við mjög góðri mynd því formúlan hittir í mark, hún gengur út á það sama og t.d. Oceans Eleven nema henni tekst einhvernvegin að klúðra því beint út sagt ... Hún er mjög fljótgleymanleg og skilar ekki sýni, söguþráðurinn er blaðþunnur og maður veit hvernig hún endar áður enn hún byrjar. Allt sem er athyglisvert í myndinni er sýnt í trailernum. Þessi mynd sendir þig út þó nokkuð vonsvikin og undrandi afhverju þessi formúla stóðst ekki undir væntingum. Þessi mynd er svona nokkurs konar copy cat af Oceans Eleven sem reynir að ná því sama og Oceans var með enn nær því ekki, myndi bara halda mig við að sjá hana á spólu ef þú verður að sjá hana. Semsagt ekkert spes og fellur langt frá væntingum.

Þessi mynd telst með þeim betri sem ég hef séð núna á þessu ári (fyrir utan nátturulega LOTR:TTT og The Pirates of the Caribbean.)þessi mynd kom á óvart að því leiti að hún var mikklu skemmtilegri en ég bjóst við t.d. snilldar rán í byrjun og elltingarleikur í L.A. skemmtilegur söguþráður og fínar persónur. Sem sagt fjórar stjörnur.