Melanie Carmichael er ungur og upprennandi fatahönnuður í New York, og hefur öðlast nánast allt sem hana dreymdi um frá því að hún var ung stúlka. Hún á frábæran starfsferil og unnustinn hennar er bráðmyndarlegur New York maður. En þegar hann biður hennar, þá gleymir hún ekki fjölskyldu sinni í suðurríkjunum. Það sem skiptir kannski meira máli, þá er hún enn gift manni þar suður frá, og hann hefur neitað að skilja við hana allt síðan hún sendi honum skilnaðarpappírana fyrir sjö árum síðan. Til að koma hlutunum í lag þá ákveður hún að fara í skyndi suðureftir og láta hann skrifa undir pappírana. Þegar hlutirnir fara á annan veg en hún áætlaði, þá áttar hún sig á því að það sem hún átti í heimahögunum var mun fullkomnara og betra en lífið sem hún lifir í New York.
Alveg ágæt mynd sem er ágætlega leikin og bara allt ágætt!. Hún leikur tískuhönnuð sem kærasti hennar er sonur borgarstjórans og hún fer til heimabæs síns og hittir gamlan kærasta og e…
Alveg ágæt mynd sem er ágætlega leikin og bara allt ágætt!. Hún leikur tískuhönnuð sem kærasti hennar er sonur borgarstjórans og hún fer til heimabæs síns og hittir gamlan kærasta og eitthvað annað rugl. Josh Lucas leikur illa og hann er örugglega búinn að missa leikkraftinn sinn síðan hann lék í Hulk sem er lélegasta mynd sem ég hef séð.
Þegar ég tók þessa á spólu, var ég nú ekki að búast við öðru en sætri rómantískri mynd. Það var líka það sem ég fékk. Hér er í stuttu máli um að ræða hina dæmigerðu ást…
Þegar ég tók þessa á spólu, var ég nú ekki að búast við öðru en sætri rómantískri mynd. Það var líka það sem ég fékk. Hér er í stuttu máli um að ræða hina dæmigerðu ástarsögu um stúlkuna sem þarf að velja milli tveggja góðra manna, þess fyrrverandi í uppeldissveitinni og hins ríka borgarmanns. Reese Witherspoon er fín í hlutverki sínu og ekki er yfir hinum leikurunum að kvarta. Myndin er fín afþreying en skilur lítið eftir sig. Endirinn þótti mér full fyrirsjáanlegur, en það dregur hana ekki niður því hún er jafn hugljúf fyrir vikið.
Reese witherspoon er tískuhönnuður í þessari mynd sem er í þann mund að giftast einum flottasta manninum í bænum en þarf að ljúka skilnaði sínum við gamlan kærasta í alabama og neyð…
Reese witherspoon er tískuhönnuður í þessari mynd sem er í þann mund að giftast einum flottasta manninum í bænum en þarf að ljúka skilnaði sínum við gamlan kærasta í alabama og neyðist að fara aftur heim. Þar lendir hún í ýmsum ævintýrum.
Allt frá fjölskylduvandræðum, hitta gamla vini aftur og upp í að finna sjálfan sig. Týpisk rómantísk gamanmynd en þó fín afþreying :)
Þetta mundi ég kalla mjög fína og góða stelpu mynd. Það var nú bara fyrir tilviljun að ég sá þessa mynd og ég varð hrifin af henni. Mjög vel leikinn mynd og vil segja það sama og Ás…
Þetta mundi ég kalla mjög fína og góða stelpu mynd. Það var nú bara fyrir tilviljun að ég sá þessa mynd og ég varð hrifin af henni. Mjög vel leikinn mynd og vil segja það sama og Ásgeir Sigfússon Reese Witherspoon stefnir ótrauð á að verða næsta Julia Roberts. Þetta er ekki mynd fyrir stráka, aðallega stelpur. Cr4cKeD
Reese Witherspoon leikur hér unga dömu sem trúlofar sig en áður en að brúðkaupinu kemur þarf hún að sækja um endanlegan skilnað við fyrrverandi eiginmann sinn. Kauði býr í Alabama og …
Reese Witherspoon leikur hér unga dömu sem trúlofar sig en áður en að brúðkaupinu kemur þarf hún að sækja um endanlegan skilnað við fyrrverandi eiginmann sinn. Kauði býr í Alabama og þegar vinkona okkar kemur þangað rifjast upp ýmsar minningar um lífið sem hún sagði skilið við í den. Myndin er ekkert sérstök svosem, gengur aðallega út á kostulegar uppákomur og tengslin á milli sögupersónanna, er afskaplega þunn(hvorki fugl né fiskur eins og þeir segja)en á sér sín augnablik. Undirritaður gefur Sweet home Alabama tvær stjörnur út af því að Resse Witherspoon er svo sæt og hún bjargar alveg myndinni.
Sweet home Alabama er mynd sem fjallar um stúlku (Reese Witherspoon) sem kemur úr sveitinni en meikar það í New York sem fatahönnuður, þar trúlofast hún syni borgarstjórans, sem er leikinn …
Sweet home Alabama er mynd sem fjallar um stúlku (Reese Witherspoon) sem kemur úr sveitinni en meikar það í New York sem fatahönnuður, þar trúlofast hún syni borgarstjórans, sem er leikinn af Patrick Dempsey. Eina litla vandamálið er að hún er enn gift æskuástinni (Josh Lucas) í Alabama og neiðist því til að drífa sig þangað og ganga frá skilnaðarmálunum. Ekki fer allt eftir óskum því eiginmaður hennar, neitar að skrifa undir skilnaðarpappírana. Myndin er ansi fyrirsjáanleg svona eins og flestar rómantískar gamanmyndir, Reese Witherspoon er góð leikkona og passar mjög vel í sitt hlutverk og þess vegna er myndin bara fín, vel leikinn, fyndin og rómantísk, kennir manni að grasið sé ekki endilega grænna á öðrum stöðum. Einnig var gaman að sjá Patrick Dempsey bregða á leik á ný á hvíta tjaldinu eftir nokkra ára fráveru. Candice Bergen sem leikur móður hans, borgarstjórann er sannfærandi í sínum leik sem svolítið stíf og snobbuð og vill nú syni sínum eitthvað betra en einhverja lágstétta sveitastúlku frá Alabama. Ég get alveg mælt með þessari mynd sem ágætis afþreyingu ef fólk hefur það í huga að þetta er bara einföld, týpísk rómantísk gamanmynd, hvorki meira né minna, með plús fyrir góðan leik! LBB
Sweet Home Alabama, rómantísk gamanmynd en verð að segja að ég er svolítið ósammála ykkur hinum. Fyrri hlutinn á myndinni er hreint út sagt LEIÐINLEGUR!! það gerist ekki neitt.. eða þ…
Sweet Home Alabama, rómantísk gamanmynd en verð að segja að ég er svolítið ósammála ykkur hinum. Fyrri hlutinn á myndinni er hreint út sagt LEIÐINLEGUR!! það gerist ekki neitt.. eða það fannst mér ekki. En seinni hlutinn bætti hana margfalt upp, ég mæli eindregið með því að fólk (sérstaklega pör) sjái hana því seinni hlutinn er frekar krúttlegur. Reese Witherspoon er góð í þessu hlutverki og ég sé hana alveg fyrir mér fá eins og eitt stykki óskar í framtíðinni!! (ef hún er ekki nú þegar búin að fá einn). En ég er mest fegin yfir því að hafa fengið boðsmiða á myndina, ég hefði séð eftir 800 krónum. Betra að taka hana bara á leigu og kúra upp í rúmi, góða skemmtun.
Vel heppnuð rómantísk gamanmynd með Reese Witherspoon í aðalhlutverki. Ég held að það sé hægt að fullirða það að þetta sé ein af hennar bestu myndum, næst á eftir Cruel Intentions…
Vel heppnuð rómantísk gamanmynd með Reese Witherspoon í aðalhlutverki. Ég held að það sé hægt að fullirða það að þetta sé ein af hennar bestu myndum, næst á eftir Cruel Intentions, og á hún mikið frekar heima í svona hlutverki heldur en í klígjukennda ljóskuhlutverkinu sem getur loðað svo fast við margar leikkonur sem fara út á þá braut.
Sweet Home Alabama er mynd sem óhætt er að mæla með og fólk ætti ekki að verða fyrir vonbrigðum með, þó svo að Hollywood bragurinn fylgi henni eins og öðrum rómantískum gamanmyndum.
Alvöru rómantísk gamanmynd, um það sem berst um í okkur nútímakonunum eru það ræturnar og það að halda tengslunum við vini og fjölskyldu eða á að keyra stíft á framann? Hvort er …
Alvöru rómantísk gamanmynd, um það sem berst um í okkur nútímakonunum eru það ræturnar og það að halda tengslunum við vini og fjölskyldu eða á að keyra stíft á framann? Hvort er meira spennandi samband æskuástin eða ljúfi og nær gallalausi milljónamæringurinn (sem virðist samt svolítð vera að reyna að velja það sem pirra myndi móður hans mest). Ein af þessum sem má alveg horfa á aftur og væri gott að eiga á DVD.
Þetta er svona rómantísk gamanmynd eins og maður segir og er um stelpu sem er vinsæll fatahönnuður og er að fara verða vinsælli. Hún á kærasta sem er sonur bæjarstjóra New York og svo b…
Þetta er svona rómantísk gamanmynd eins og maður segir og er um stelpu sem er vinsæll fatahönnuður og er að fara verða vinsælli. Hún á kærasta sem er sonur bæjarstjóra New York og svo biður hann hana um að giftast sér. Jú, það er meira, hún er ennþá gift einhverjum lúða í heimabænum sínum Alabama! Já, hún fer og ætlar að ljúka þessum skilnaði af en verður eiginlega aftur ástfangin af honum! Svo er þetta svona skreytt og svona, virkilega skemmtileg mynd og ég mun örugglega kaupa mér hana á DVD. Reese Witherspoon, sem leikur aðalhlutverkið fer alveg á kostum og sér maður eiginlega aðra hlið á henni í þessari mynd. Reese er góð leikkona að mínu mati og kann að vera alvarleg sem drepfyndin. Ljósa hárið hefur alltaf í myndum hennar verið áberandi en í þessari mynd þá tekur maður ekki eftir ljóskunni! Hún er mjög sterk og er alveg já, að fella í fótspor Juliu Roberts. Vona að þessi umfjöllun hafi gagnast einhverjum ;)
Reese Witherspoon stefnir ótrauð á að verða næsta Julia Roberts, og Sweet Home Alabama er stórt stökk í þá áttina. Þetta er meinlaus rómantísk gamanmynd sem er hægt að hlæja talsvert…
Reese Witherspoon stefnir ótrauð á að verða næsta Julia Roberts, og Sweet Home Alabama er stórt stökk í þá áttina. Þetta er meinlaus rómantísk gamanmynd sem er hægt að hlæja talsvert mikið að, og er það ekki það eina sem maður getur krafist þegar um svona mynd er að ræða? Reese leikur tískuhönnuð sem er að meika það í New York og er u.þ.b. að fara að giftast syni borgarstjórans. Eitt vandamál: Hún er enn gift æskuástinni úr heimabænum í Alabama (Josh Lucas). Auðvitað verður hún að fara sjálf til að ganga frá skilnaðinum (hefði hún notað lögmenn eins og flestir hefði myndin ekki verið sérlega spennandi) og sveitalubbarnir í Suðurríkjunum reynast vera besta fólk. Myndin er full af frekar leiðigjörnum stereótýpum - borgarbúarnir eru illa innrættir og spilltir, sveitalubbarnir eru saklausir en indælir, og hommar vinna bara í tískuiðnaðinum. Maður sættir sig við svona bull og talsvert marga handritshnökra í viðbót af einni ástæðu: Reese Witherspoon. Ég skora á fólk að nöldra yfir myndinni eftir að þessi litla ljóshærða dama er búin að brosa einu sinni á stóra tjaldinu. Hún heillar mann upp úr skónum, og þess vegna er Sweet Home Alabama jafn ánægjuleg og raun ber vitni. Lucas kemur á óvart í sínu fyrsta stóra hlutverki, og gamlir kunningjar á borð við Candace Bergen, Patrick Dempsey, og Fred Ward standa fyrir sínu. Fullkomin stefnumótamynd fyrir alla, og fjandi fyndin í þokkabót.
Öllum leyfð
Kynlíf
Blótsyrði
