Hitch (2005)

Þetta er mjög skemmtig mynd algör æði þegar hún kemur á leigurnar þá er gaman að poppa, hafa smá nammi líka kanski teppi og ekkert ljós maður hlær og hefur það gaman ég trú ekki að einhverjum finst hún leiðinleg :O..... jæja endilega tjekkiði á hana og þig lengjuð lifið (með því að hlæga)þessi mynd fær 4 tjörnur af 4 mögulegum

Hitch er bara með leiðinlegri myndum sem ég hef horft á hrein kvöl og pína að sitja þarna með augun á skjánum. Ég hef örugglega aldrei eitt peningum í jafn mikinn hégóma. 0 stjörnur

Frábærlega skemmtileg grínmynd. Will Smith gerir hana stórkostlega fyndna og Eva Mendes gerir hana flotta. Ég er búin að sjá hana tvisvar, hér og í Hollandi og hún varð bara betri. Vel skrifað handrit, smá í anda hellisbúan sem allir elskuðu. Þetta er must see mynd, og vertu tilbúin að hlæja. Endilega taka stelpu með á myndina samt ekki sem þú ert að reyna vingast við.! Gæti komið upp um þig...

Ég fékk boðsmiða á Hitch og á meðan ég horfði á hana hugsaði ég með mér:'Guð minn almáttugur!'Ekki það að hún sé leiðinleg beint, hún er það alls ekki heldur er hún bara svo mikil klisja, maður sér eitthvað svona alltof oft. Og þá er ég aðallega að meina söguþráðinn sem er alls ekki af nýrri nálinni og ég þarf víst ekki að skilgreina hann nánar. Ágætis húmor reyndar en myndin missir alveg flugið undir lokin. Eiginlega fannst mér myndin bara skemmtileg þegar Kevin James var að leika, hann á alla myndina. Will Smith stendur Kevin örlítið að baki en er þolanlegur samt. Hitch er að mínu mati tveggja stjarna virði og alveg áhorfsins verð en á hún eftir að eldast vel? Óneeeeiii.

Já þessi rómantísku gamanmynd er öðruvísi en aðrar myndir af þessu tagi. Í fyrsta lagi er alvöru grín. Í öðru lagi er ekki allt lagt í að sýnda fram á að karlmenn séu ónærgætin svín. Will Smith og Kevin James fara vel með sín hlutverk og Amber Valleta er fín. Aðrir leikarar er svona la-la. Þrátt fyrir góðan leik hjá þremur leikurur og fínt grín vantar eitthvað uppá þessa mynd.

Mér fannst þessi mynd mjög fyndin og áægtis skemmtun. 'eg hef ekki verið mikið fyrir Will Smith sem leikara en þarna fannst mér hann mjög fínn. Kevin James er hins vegar mjög fínn í sinu hlutverki og gerir það vel. Hinir leikaranir eru sæmilegir en það var gaman að sja Amber Valletta sem er lika fyrirsæta að leika í þessari mynd. Sýnir að það er ekki allt útlit sem vinnur ástir fólks sbr...persónu K James og persónu hennarþ

Fyrir hverja rómantíska gamanmynd sem er eitthvað góð fylgja henni a.m.k. 5 slæmar. Hitch er ein af þessum góðu, ekki bara vegna þess að hún smeygir sér undan því að detta út í óþarfa melódramatík eða þreyttar klisjur, heldur er hún líka með ágætis húmor í þokkabót og það er meira en hægt er að segja um margar aðrar myndir af þessari gerð. Leikstjórinn Andy Tennant kann svo sannarlega sitt fag, og þegar að það kemur að rómantík gerast varla reynslumeiri menn en hann. Þessi maður stóð einmitt á bakvið myndir eins og Ever After, Fools Rush In og Sweet Home Alabama. Með Hitch hefur hann ekki fyllilega náð að hrista af sér dæmigerðu formúlurnar og klisjurnar, en hann hefur þó bætt á sig þann kost að í þetta sinn geta karlmenn skemmt sér álíka vel og konurnar. Will Smith hækkar stöðugt í mínu áliti. Af hverju? Því hann hefur sannað að hann hefur nærveruna og útgeislunina í það að halda á floti drama (Ali), spennu (I, Robot) og gamanmynd að þessu sinni (ákvað að telja ekki Shark Tale með). Smith og Eva Mendes ná ágætlega saman en bestu augnablikin í myndinni eru þegar Kevin James (sem hefur verið að gera fína hluti í hinum heldur bragðdaufu gamanþáttum King of Queens) er á skjánum. Hann stelur öllum sínum atriðum og einhvern veginn er ég í vafa um að myndin héldist eins vel á floti ef hann væri ekki viðstaddur. Það er annars eitthvað svo ótrúlega saklaust við þessa mynd, og ég hugsa að það þýði ekkert að setja of mikið út á hana fyrir að vera bæði fyrirsjáanleg og klisjukennd því það hefði örugglega ekki verið hægt að gera þetta einhvern veginn öðruvísi. Ég er bara feginn að hún hélt jafnvæginu á gríninu og rómantíkinni, og það er svolítið sem leikstjórar þurfa að gæta meira að þegar þeir gera svona myndir. Hitch er prýðileg gamanmynd og ég get ekki ímyndað mér annað en að flestir komi til með að ganga sáttir út af henni.7/10