Reykjavík Guesthouse (2002)

Jóhann (Hilmar Snær Guðnason) er þrítugur gistihússeigandi í miðborg Reykjavíkur, sem hefur einangrað sig frá umheiminum í kjölfar fráfalls föður síns. Hann heldur til á gistihúsinu án þess að taka við gestum og hefur skapað sér sína eigin veröld þar sem hann þarf sem minnst að kljást við samfélagið og samborgarana. Inn í hans litlu veröld fléttast Finnur (Stefán Eiríksson), níu ára gamall nágranni hans, sem á undir högg að sækja frá jafnöldrum sínum og er búsettur hjá rótlausri ömmu sinni (Kristbjörg Kjeld). Á milli þeirra myndast sérstakt samband, þar sem þessar tvær einmana sálir tengjast vináttuböndum sem fátt virðist fá rofið. En á meðan Jóhann lætur sem umheimurinn sé ekki til, hallar undan fæti í rekstri gistihússins og brátt fer að bresta í stoðum þeirra tilveru sem hann hefur kostið sér.