Batman (1989)

Batman er mjög hrá mynd og ólík myndasögunum en andskoti góð samt. Á meðan maður horfir á hana skiptast á skin og skúrir. Á köflum er hún snilld og á köflum er hún ekki eins mikil snilld. Jack Nicholson er án alls vafa senuþjófurinn og öll atriði með honum í myndinni eru góð. Samt hefur maður það á tilfinningunni að hann hefði getað gert Jókerinn ennþá klikkaðri. Michael Keaton er skemmtilegur sem Batman en ekkert mjög heillandi samt. Michael Gough fer á kostum sem Alfred og Kim Basinger gerir Vicki Vale nokkuð sæta og kærkomna. Afbragðsgóð tónlist frá Danny Elfman og flott myndataka gefa góðu parta myndarinnar réttu stemninguna. Málið er bara að einstaka atriði í myndinni eru að mínu mati þreytandi og setja vissan blett á myndina. Þetta eru slæmu partar handritsins sem Tim Burton virðist ekki hafa náð almennilega að hylma yfir. Aftur á móti er það bætt upp með gífurlegu skemmtanagildi sem gerir þessa mynd áhorfsins verða og vel það. Þrjár stjörnur er einkunnin frá mér, ótrú myndasögunum en fín engu að síður.

Batman er virkilega góð ofurhetjumynd,myrk og í mikilum myndasögustíl og er auðvitað Tim Burton mynd. Snillingurinn Tim Burton leikstýrir og gerir það mjög vel, handritið er einnig mjög ágætt. Jack Nicholson er mjög góður í hlutverki Jokersins og Michael Keaton er ágætur sem titilpersónan. Mér fannst Kim Basinger alls ekki vera góð og Robert Wuhl,hvers sem það er þá lék hann mjög,mjög illa. Michael Cough er líka góður sem brytinn Alfred.

Theme lag Danny Elfmans var gott en hin tónlistin frekar síðri en ekki slæm.

Sum atriðin voru frekar asnaleg og illa gerð en myndin er auðvitað frekar gömul miðað við að vera ofurhetjumynd, flestar komu eftir 2000.

Myndin er mjög myrk og umhverfið og sviðsmyndin er svo flott,eitthvað það flottasta sem sést hefur í myndasögukvikmynd á eftir Sin City,auðvitað.Myndatakan er líka mjög góð. Illmenni myndarinnar,Jokerinn er mitt uppáhalds illmenni í sögu myndasögukvikmynd með Yellow bastard. Báðir teiknimyndpersónur sem ég er/var frekar hræddur við.

Batman fjallar um Mafíósann Jack Napier(Nicholson)sem er svikinn af því að hann hefur verið að sofa hjá fallegri eiginkona yfirmannsins Grissom(Jack Palance),(Jerry Hall).Þegar hann á að stela skýrslum í Axis efnaverksmiðjunni og Batman(Keaton) mætir á svæðið og lendir Jack í eiturúrgang sem eyðileggur taugakerfið í andlitinu. Og auðvitað þá ætlar Jack en er orðinn að Jokernum(the Joker)og ætlar að hefna sín á þeim sem sviku hann á meðan hann verður að aðalglæpamanni og glæpaforingja Gothamsborgar og er virkilega geðsjúkur og stórhættulegur. Á sama tíma er blaðaljósmyndarinn Vicki Vale(Kim Basinger)að rannsaka Batman. Batman/Bruce Wayne(Michael Keaton) þarf að bjarga borginni frá Jokernum því hann hefur viðbjóðslegt ráðabrugg. Flott og frábær ofurhetjumynd sem er svolítið öðruvísi en þær sem eru byggðar á Marvel myndsögunum,það á líka við um Batman Returns(að hún er frábær og er öðruvísi) og ég mæli með að sem flestir sjá þær báðar en forðist rusl asnans Shumacher.

Batman er að mínu mati einhver besta ofurhetjumynd sem ég hef séð. Gothamborg (hönnuð af Anton Furst), tónlistin eftir Danny Elfman, snilldarleikur Jack Nicholsons, og síðast en ekki síst leikstjórn Tim Burtons er allt sem þarf til að gera frábæra mynd. Jack Nicholson stendur uppúr leikarahópnum sem Jókerinn og það er eins og hlutverkið hafi verið skrifað fyrir hann. Ég skellti uppúr, í hvert einasta sinn þegar hann skaut upp kollinum, og stal hann algjörlega senunni af Michael Keaton (Batman). Hann var líka mun meira á skjánum heldur en Keaton, og er með mun stærra hlutverk. Michael Keaton er líka mjög góður sem Bruce Wayne, og Kim Basinger fín sem Vicki Vale. Michael Gough er líka frábær sem Alfred, en hann hefur verið í öllum Batman myndunum nema Batman Begins. Myndin fjallar um Jack Napier (sem er leikinn af “Jack” Nicholson), glæpamann sem er plataður til að stela skýrslum í efnaverksmiðjunni Axis vegna þess að hún ógnar mafíunni í Gothamborg. Batman, sem er verndarvættur Gotham, reynir að afstýra ráninu, og endar það þannig að Jack lendir í hættulegu efni. Efnið veldur því að allur litur fer úr andliti hans og taugakerfið eyðileggst, sem veldur óstöðvandi brosi. Jack fer síðan að skemmta sér með því að drepa aðra og taka yfir glæpastarfsemina í Gotham undir nafninu Joker, og Batman þarf að stöðva hann. Einfaldur og skemmtilegur söguþráður. Myndin er mjög myrk og drungaleg, sérstaklega Gothamborg sjálf, og tónlist Danny Elfmans passar mjög vel við drungann í myndinni. Batman theme lagið er eitt besta og drungalegasta theme lag sem hann hefur samið, og ég get ekki lýst því hvað tónlistin í þessari mynd er frábær. Þetta er þriðja mynd Tim Burtons í fullri lengd, en áður en hann gerði þessa var hann búinn að gera Beetlejuice og Pee Wee’s Big Adventure. Þetta er líka í annað sinn sem Burton vinnur með Michael Keaton, en hann lék sjálfan Beetlejuice í Beetlejuice. Tim Burton er einn besti leikstjóri sem til er, og mér finnst þetta vera 4 besta myndin hans. Samt eru margir litlir gallar í henni, aðallega við tæknibrellurnar og sviðsmyndina (enda er myndin frá árinu 1989). Þessi mynd og Batman Returns eru einfaldlega langbestu myndirnar í seríunni, og fær þessi mynd þrjár og hálfa stjörnu!!!

Batman er virkilega góð ofurhetjumynd,myrk og í mikilum myndasögustíl,leikarahópurinn er fínn auðvitað stendur Jack Nicholson uppúr og Michael keaton er fínn sem Batman en hinir leikararnir eru mikið síðri.

Snillingurinn Tim Burton leikstýrir og gerir það FRÁBÆRLEGA handritið er einnig gott.

En framhaldið Batman returns er líka FRÁBÆRT og jafnvel betra heldur en Þessi.

Spoilerviðvörun.

Myndin fjallar um Mafíósann Jack Napier(Nicholson)sem er svikinn af því að hann hefur verið að sofa hjá fallegri eiginkona yfirmannsins þegar hann á að stela skýrslum í einhverri verksmiðju og Batman(Keaton) mætir á svæðið og lendir Jack í eiturúrgang og afmyndast.

Og auðvitað þá ætlar Jack að hefna sín en eftir misheppnaða skurðaðgerð verður hann að Jokernum(the Joker)og ætlar að hefna sín á þeim sem sviku hann á meðan hann verður að aðalglæpamanni og glæpaforingja Gothamsborgar.

Á sama tíma er blaðaljósmyndarinn Vicki Vale(Kim Basinger)að rannsaka Batman og hefur einnig áhuga á fortíð Bruce Waynes(sem er Batman).

Batman/Bruce Wayne þarf að bjarga borginni frá Jokernum því hann hefur viðbjóðslegt ráðabrugg.

Flott og frábær mynd þetta á líka við um Batman Returns og ég mæli með að sem flestir sjá þær báðar en Forðist Batman and Robin.

Fyrsta Batman myndin af tveim sem var leikstýrt af Tim Burton og Micheal Keaton sem leðurblakan. Burton hefur hér skapað Gotham borg sem drungalega borg og þjófa á hverrju götuhorni. Micheal leikur batman mjög vel en Jack Nicholson fer á kostum sem erkióvinur hans, Jókerinn. þrjár og hálf stjarna.

Allir ætti að kannast,heyrt,eða séð batman einhvernstaðar.

Hér er snilldar mynd á þar sem tim burton leikstýrir. Eftir að Tim leikstýrti myndina Beetlejuice árið áður sem var líka með michael Keaton þar sem hann lék sjálfan Beetle juice og fór nátturulega á kostum þar. Með þessari mynd er Tim búin að sanna með því að leikstýra algjöru meistaraverki sem sýnir að gotham city lítur dimmleg falleg. Michael Keaton (BATMAN)leikur nú bara ágætlega en Jack nicholson(Jóker) á þessa mynd. Myndin er um Mann að nafni Bruce Wayne, sem missti foreldra sína venga morðs. Hann hefur lifað hjá leðurblökum og ákveður að hefna sín á Jack. Hann hendir Jack(Jack nichols) í sýru og svo breytist hann Jóker. allir í borginni viti ekki hvor er vondi karlinn og spurninginn er... er Batman vondi kallin eða Jóker vondi kallin? Hann jóker drepur allt fólk vegna gas á safni og drepur gamla stjóran sinn. Jóker og gengi hans reyna að drepa batman en tekst það? Hann Jóker er líka skotinn í Vicky(kærastu Bruce) og reynir hann að fá hana til að elska sig. Allir standa sig vel í myndinni og þar að meðal Kim Basenger(vicky) sem leikur kærastu Bruce Wayne's. Sá sem fíla Batman ætti að mynd númer eitt og tvö. en þrjú og fjögur(2005 kemur númer 5) er hörmung sem Joel Schumacer leikstýrir og ég vona að leikstjórinn sem ætlar að leikstýra númer fimm(Hann leiksýrði Memento og Imnsomnia t.d.) geri myndinna góða en allavega þá er þessi mynd alveg brilliant og enginn ætti þetta fara framhjá sér fara og er án efa langbesta mynd í seríunni.takk fyrir

Batman


Batman 1 er að mínu mati besta myndin í seríunni. Myndinni leikstýrir snillingurinn Tim Burton og held ég að enginn

leikstjóri hefði getað gert betur. Honum tekst að gera sögusvið myndarinnar Gotham-City drungalega, dimma og ótrúlega flotta.

Það er það sem er flott við borgina og er sviðsmyndin mögnuð.

Glæpastarfsemin er sýnd mikið og það er mikið um glæpi.


Það er einn maður sem er óvinur glæpamannana en það er Batman eða eins og hann heitir á íslensku Leðurblökumaðurinn. Eins og kanski flestir vita er Batman í svörtum búning sem

a að líkjast leðurblöku. Að mínu mati er búningurinn flottur öfugt við til dæmis Green Goblin í Spiderman myndinni en sá búningur er virkilega illa gerður.

Erkióvinur Batmans er Jókerinn, en hann er helsti glæpamaðurinn í borginni. Jokerinn er orðinn þreyttur á því að Batman fái alla athygli borgarbúa í stað þess að hann vekji athygli.

Jokerinn vill því Batman feigann og snúst myndin hálfpartinn um einvígi þeirra.


Með aðalhlutverkin í myndinni fara þeir Michael Keton og listamaðurinn Jack Nicholson. Sá fyrrnefndi fer með hlutverk Batmans og sá síðarnefndi Jokersins.

Michael Keaton hefur alltaf farið svolítið í taugarnar á mér en stendur sig þó vel í hlutverki Batmans.

Jack Nicholson fer með þvílíkan leiksigur i myndinni eins og oft áður. Hann leikur Jokerinn með stakri snilld og enginn annar gæti leikið hann eins vel.

Svo má ekki gleyma Kim Basinger en hæun leikur blaðakonu sem fjallar um Batman.


Þessi mynd er hin besta skemmtun og er skemmtanagildi hennar gríðalegat.

Myndinn gef ég þrjár og hálfa stjörnu.

Batman er fyrsta myndin eftir hinum sívinsælu teiknimyndasögum. Það var Tim Burton sem fékk þá snilldarhugmynd að gera kvikmynd um þessa hetju. Og útkoman er ein besta ofurhetjumynd ever. Eins og einhver sem gagnrýndi þessa mynd sagði, Michael Keaton er hinn raunverulegi Batman. Jack Nickolson er alveg brilliant í hlutverki sínu sem hin óborganlegi Jóker. Batman fær fullt hús hjá mér.

Stórglæsilegt, myrkt og ógnandi útlit Gotham-borgar eftir leikmyndahönnuðinn Anton Furst, einkar góð tónlist Danny Elfman, kröftug leikstjórn Tim Burton og síðast en ekki síst stórkostlegur ofleikur Jack Nicholson í hlutverki Spaugarans breiða að mestu yfir yfir vankanta handritsins svo eftir stendur voldug, einkar frumleg, og á tíðum glæsileg kvikmynd. Jack Nicholson tekst að stela gersamlega senunni frá titilpersónu myndarinnar, sem er skiljanlega frekar dauflega leikinn af Michael Keaton, og útmálar á einstaklega broslegan hátt geðsýki illskunnar. Ég gef Batman tvímælalaust þrjár og hálfa stjörnu, mest fyrir stórleik Nicholsons og fyrir stórgóðar leikmynd og tónlist. Þessi mynd er sú eina af Batman-myndunum sem gerðar hafa verið undanfarinn áratug sem stendur undir nafni sem stórkostleg og hnarreist stórmynd. Ég mæli eindregið með þessari kvikmynd, hún er einfaldlega stórgóð.

Batman 1 er fyrsta myndin sem ég sá í bíó og það er gott að eiga góðar minningar frá fyrstu bíóferð sinni. Michael Keaton er bestur sem Bruce Wayne (Batman) og Jack Nickholson leikur svo eftirminnilega The Joker svo skemmdi ekki að hafa Kim Basinger þarna líka inn á milli. Tvímænalaust besta Batman myndin!

Keaton sem Batman er fullkominn, Nicholsson sem Jokerinn er líka fullkominn, því miður eru aukapersónurnar ekki alltaf alveg jafn vel leiknar, Kim Basinger sker sig þar sérstaklega úr hópnum með ósannfærandi leik. En í heild þá er þetta frábær sýn á persónuna Batman og Gothamborg.