Cross of Iron (1977)

Myndin gerist á rússnesku víglínunni. Hinn orðum skreytti leiðtogi Rolf Steiner, er hækkaður í tign og gerður að liðþjálfa eftir vel heppnaða hernaðaraðgerð. Á sama tíma er yfirstéttarmaðurinn, hinn hrokafulli prússneski höfuðsmaður, Hauptmann Stransky, gerður að yfirmanni sinnar herdeildar. Eftir blóðugan bardaga sveitar Steiner gegn rússneskum hersveitum, undir stjórn hins hugaða liðsforningja Meyer, sem lætur lífið í bardaganum, segir bleyðan Stransky, að hann hafi verið leiðtoginn í bardaganum gegn Rússunum, og krefst þess að fá Járnkrossinn í heiðursskyni, bæði til að svala eigin metnaðargirni, en einnig til að ganga í augun á aðals-fjölskyldu sinni. Stransky nefnir Steiner og hinn samkynhneigða liðsforingja Triebig sem vitni, en Steiner, sem er ekki á eitt sáttur við tignarröðina í hernum og hrokann í Stransky, neitar að taka þátt í blekkingunni. Þegar Brandt ofursti gefur skipun um að hörfa frá víglínunni, þá lætur Stransky undir höfuð leggjast að láta sveit Steiner fá skilaboðin. Þeir verða því einir eftir, umkringdir óvininum, og þurfa að berjast fyrir lífi sínu.