Ísaksskóli í 90 ár (2016)

Árið 2016 fagnar Ísaksskóli 90 ára afmæli. Af því tilefni var lagst í gerð heimildamyndar um farsæla sögu skólans. Rætt er við fjölmarga sem komið hafa að uppbyggingu, þróun og framgöngu skólans og reynt að varpa ljósi á sérstöðu hans innan Íslensks menntakerfis. Ísak Jónsson var frumkvöðull í menntamálum og átti hann stóran þátt í mótun kennsluhátta fyrir bæði kennara og nemendur. Eftir hann liggja fjölmörg rit og greinar og ekki síst hljóðaaðferðin sem hann kynnti til sögunnar og olli tímamótum í lestrarkennslu á Íslandi. Ísak Jónsson og skólinn hans skipa stóran sess í hugum fjölmargra Íslendinga.