Söngvakeppnin í 30 ár (2015)

Eftirvæntingin var mikil þegar Íslendingar tóku í fyrsta sinn þátt í Söngvakeppni evrópskra sjónvarpsstöðva árið 1986. Spennan ætlaði allt um koll að keyra enda þótti ljóst að Gleðibankinn ætti sigurinn vísan. Nú eru liðin þrjátíu ár og enn lætur sigurinn á sér standa. Sagan er hér rakin á fjórum diskum. Áhugaverðustu lögunum og augnablikunum í sögu Söngvakeppninnar eru gerð skil á þremur diskum og á þeim fjórða eru myndbönd sem tryggja stuð og meira stuð. Hér eru sem sagt öll íslensku framlögin í Eurovision og líka lögin sem áttu alveg eins skilið að vinna. Þetta er safn sem allir Eurovision-aðdáendur verða að eiga!