Höggið (2014)

Heimildarmyndin Höggið fjallar um það hörmulega sjóslys, þegar flutningaskipið MS Suðurland, sem var á leið með saltsíldarfarm til Rússlands, fórst um 290 sjómílur austnorðaustur af Langanesi á jólanótt árið 1986, hrakningar þeirra sem lifðu af og stórkostlega björgun. Klukkan 23:17 á aðfangadagskvöld árið 1986 barst neyðarkall frá MS Suðurlandi og hafði skipið þá fengið á sig alvarlega slagsíðu. Hálftíma síðar barst svo tilkynning frá skipstjóranum um að skipið væri að sökkva og að skipverjar væru að fara í björgunarbátana.