28 Days (2000)

Ég tek undir það sem hann Ásgeir segir hérna. Þetta er góð mynd, sem greinilega alltof fáir hafa tekið eftir. Sandra Bullock er hérna stórgóð í hlutverki Gwen sem hefur að velja á milli þess að fara í fangelsi eða í meðferð eftir að hún hafði ekið blindfull inn í hús hjá einhverju fólki. Henni hundleiðist meðferðin og fólkið sem er þar en þegar hún loksins gerir sér grein fyrir því að ef hún klárar ekki 28 daga meðferðina þá lendir hún í fangelsi (en fær ekki að fara heim eins og hún vonaði). Fyrst reynir hún allt til þess að komast hjá meðferðinni en að lokum skilur hún alvöru málsins og horfist í augu við staðreyndir. Þetta er önnur myndin þar sem Sandra Bullock er ekki að leika litlu sætu stelpuna heldur einhverja vandamálatýpu. Og henni ferst það bara vel úr hendi. Hún ætlar sér greinilega ekki að festast í formúlúhlutverki litlu sætu stelpunnar eins og lengi leit út fyrir að yrði. Bravó Sandra!

Kom mér skemmtilega á óvart þar sem ég bjóst við frekar vellulegri grátmynd um afvötnun og endurfæðingu og eitthvað svoleiðis bull. Myndin er i raun mjög sterk grínmynd með góðum leik. Sandra Bullock sýnir hér sína bestu takta síðan í Speed í hlutverki byttunnar Gwen, sem er send í afvötnun eftir að hafa keyrt draugfull inn í stofu hj einhverju vesalings fólki. Á stofnuninni kynnist hún alls kyns furðufiskum, til dæmis þýska hommanum Gerhardt (Alan Tudyk, frábær), heróínneytandanum Andreu (Azura Skye) og kynlífsfíklinum Bobby (Viggo Mortensen). Aðrir karakterar eru jafn óborganlegir. Sem betur fer tekst Söndru, leikstjoranum Betty Thomas og handritshöfundinum Susönnu Grant (Erin Brockovich) að forðast klisjur; hverjum hefði t.d. dottið í hug að láta Steve Buscemi leika einn ráðgjafann en ekki einn dópistann a hælinu? Í heildina séð skemmtileg og létt mynd sem kemur svo sannarlega á óvart.