Patch Adams (1998)

Mér fannst Patch Adams frábær, einstaklega mannleg og hugljúf mynd. Hér leikur Robin Williams Patch Adams og skilar frábærri frammistöðu. Svo kemur Philip Seymour Hoffman með fína takta sem aðstoðarmaður Patch. Hún er verulega fyndin, sorgleg, róleg og afburðagóð bíómynd sem er vel þess virði að sjá.

Ég var ekki mjög spenntur fyrir þessari mynd áður en ég sá hana en hún kom mér á óvart. Hún segir frá manni einum (Robin Williams) sem á í andlegum erfiðleikum og lætur leggja sig inn í geðsjúkrahús. Þar kemst hann að því að köllun sín er að hjálpa öðrum. Skömmu síðar fer hann í læknisnám en þar lendir hann í deilum við kennara sína þar sem honum finnst samskipti sjúklinga og lækna of ópersónuleg. Myndin er töluvert væmin eins og svo margar aðrar myndir Robin Williams og tónlistin getur stundum orðið aðeins of dramatísk. Söguþráðurinn er að vissu leiti útreiknanlegur en það voru þó atriði sem komu á óvart. Það eru nokkur bráðfyndin atriði í myndinni og húmorinn gengur ansi vel upp. Ég gef þessari þrjár stjörnur - einfaldlega vegna þess að ég mér fannst hún mjög skemmtileg.