Air Bud (1997)

Ungur drengur og hundur með ótrúlega hæfileika í körfuknattleik, verða miklir vinir. Drengurinn, hinn 12 ára Josh Framm, er að jafna sig á fráfalli föður síns og flytur með fjölskyldunni til smábæjarins Fernfield í Washington fylki í Bandaríkjunum. Josh er nýr í bænum og á enga vini og er of feiminn til að reyna að komast í körfuboltaliðið í skólanum. Í staðinn æfir hann sig á afviknum körfuboltavelli og vingast við flækingshund af Golden Reetriever kyni, sem heitir Buddy. Það kemur Josh á óvart þegar hann kemst að því að Buddy elskar körfubolta. Að lokum kemst Josh í skólaliðið og Buddy verður lukkudýr liðsins. Þeir félagarnir verða aðalstjörnurnar í hálfleik þar sem þeir leika listir sínar, og allt þetta vekur athygli fjölmiðla. Til allrar óhamingju sér fyrri eigandi Buddy, Norm Snively, hundinn í sjónvarpinu og sér núna leið til að græða peninga á honum. Nú er spurning hvort að Buddy og Josh þurfi að skiljast að.