Eitt erfiðasta verkefni sem mætti Warner Bros með útgáfu nýjustu Batman myndarinnar, The Dark Knight var að sporna gegn ólöglegri útgáfu myndarinnar, sem hefði þá mjög líklega lekið á netið. Þeir gerðu hluti sem hafa aldrei verið gerðir áður í kvikmyndaheiminum og voru óhræddir við að láta hart mæta hörðu.
Warner Bros hafa sjálfir sagt að þessi herferð sín hafi haft gríðarleg áhrif á heildarútkomu fyrstu útgáfuhelginni vestanhafs, en þeir náðu að halda afturaf útgáfu myndarinnar í 36 klukkustundir, en árangur svona herferða er mældur í klukkustundum. Þetta virðist ekki vera langur tími, en þið trúið varla hlutunum sem þeir hafa gert frá upphafi dreifingarinnar til að koma í veg fyrir ólöglega útgáfu hennar.
Útsendarar frá MPAA samtökunum í Bandaríkjunum mættu í kvikmyndahús og klófestu einn aðila sem hélt á myndavél undir jakkanum sínum og var að taka The Dark Knight upp. Maðurinn var handtekinn og húsleit gerð á heimili hans og þar komu í ljós mörg þúsund ólöglegar útgáfur mynda og því var málinu framvísað til FBI, og á þessi maður alls ekki von á góðu.
Starfslið var á vegum Warner Bros sem gerði það eitt allan daginn að kanna vefsíður og athuga hvort ólöglegar útgáfur af henni væru lekandi á netið. Warner Bros bjó til svokallaða þjónustukeðju sem sýndi svart á hvítu hver hafði aðgang að myndinni hverju sinni. Þeir breyttu sendingum þannig að filma myndarinnar mætti í kvikmyndahús í bútum, til þess eins að koma í veg fyrir að myndin gæti öll týnst eða lekið út á einu bretti. Það athugaði mörg hundruðir kvikmyndahúsa í Bandaríkjunum sem og úti um allan heim til þess að athuga hvort ólöglegar upptökur á myndinni ættu sér stað. Þar sem myndin opnaði 2 dögum fyrr í Ástralíu en annarsstaðar þá fengu þar aðilar nætursjónargleraugu sem gátu séð innrauða ljósið frá myndavélum sem áhorfendur í salnum gátu verið með.
MPAA hafa greint frá að stærstu kvikmyndaverin í Hollywood hafi tapað samtals 6,1 milljörðum dollara á ólöglegum útgáfum mynda á síðasta ári. „Við lítum á ólöglegt niðurhal sem samkeppni, og við neitum að láta undan. Við litum til útgáfu Hulk frá árinu 2003, en sú mynd lak á internetið 2 vikum fyrir útgáfuna. Það bjó til slæmt umtal og að okkar mati kom það verulega niður á gróða myndarinnar fyrstu útgáfuhelgina. Þetta er ekki eitthvað sem við vildum sjá gerast með The Dark Knight.“ sagði talsmaður Warner Bros í viðtali fyrir stuttu.