Eitt af eftirminnilegustu atriðunum í stórmyndinni frá því síðasta sumar, The Dark Knight Rises, var þegar Bane sprengdi upp fótboltavöllinn.
Í myndbandinu hér fyrir neðan er skoðað hvernig atriðið var búið til, en um er að ræða blöndu af undirbúningi á fótboltavellinum, holur, sprengingar og læti, og svo margra mánaða vinnu í kjölfarið við tæknibrellur í myndveri.
Atriðið er á meðal aukaefnis sem verður á The Dark Knight Rises DVD og Blu-ray diskinum sem kemur á markaðinn í Bandaríkjunum 3. desember nk.
Á Íslandi kemur The Dark Knight Rises út á DVD og Blu-ray síðar í þessari viku, eða nánar tiltekið á fimmtudaginn næsta, þann 29. nóvember.
