Það kemur fáum á óvart hvaða mynd hreppti efsta sætið í bíó um helgina en Algjör Sveppi og töfraskápurinn er ótvíræður sigurvegari og tók inn rúmlega 10 þúsund manna aðsókn allt í allt. Fimm aðrar myndir voru frumsýndar um helgina og voru þær Columbiana (sem lenti 3. sæti) og Fright Night (fjórða) nokkuð jafnar í aðsóknartölum. Síðan fór gamanmyndin Our Idiot Brother beint í níunda sætið, Melancholia eftir Lars von Trier tók tólfta og heimildarmyndin Knuckle fauk beinustu leið í tuttugasta.
Vinsælasta myndin í bandaríkjunum í dag er spennutryllirinn Contagion, þar sem gífurlegur fjöldi þekktra leikara prýðir skjáinn. Helgin olli samt miklum vonbrigðum fyrir höfuðpauranna í Hollywood þar sem hún er opinberlega talin aðsóknarminnsta bíóhelgi ársins hingað til.

Contagion, sem er nýjasta mynd Stevens Soderbergh, segir frá lækna- og vísindasamfélagi sem vaknar upp við þann vonda draum að ný tegund af banvænni veiru fer eins og eldur í sinu um heiminn og deyðir flesta þá sem af henni sýkjast á aðeins nokkrum klukkustundum. Áður en læknar og rannsóknarfólk hefur tíma til að klæða sig í sloppana er talið að meira en milljón manns hafi veikst og þeim fjölgar hratt. Í helstu hlutverkum eru Matt Damon, Laurence Fishburne, Gwyneth Paltrow, Kate Winslet, Marion Cotillard og Jude Law.

Þrátt fyrir frægu andlitin og toppsætið þótti 23 milljón dala opnunartalan vera tiltölulega lítil miðað við væntingar. Slagsmáladramað Warrior opnaði í þriðja sæti og tók rétt svo $5,6 milljónir. Sú mynd hefur fengið mikið lof frá gagnrýnendum og eru þegar Óskarsumræður farnar að fljúga í kringum hana. Aðstandendur telja líklegt að umtalið hjálpi henni á næstu vikum. The Help féll annars í annað sætið eftir þrjár vikur á toppnum og þykir enn rúlla bara þokkalega.

Svo opnaði ein önnur mynd um helgina vestanhafs, Bucky Larson að nafni, en hún fékk vægast sagt glataða dóma og situr í kjölfarið með 0% á Rotten Tomatoes. Áhuginn endurspeglaði umtalið greinilega því sú mynd stökk beint í 15. sætið.

Sást þú annars eitthvað sniðugt í bíó um helgina?

Það kemur fáum á óvart hvaða mynd hreppti efsta sætið í bíó um helgina en Algjör Sveppi og töfraskápurinn er ótvíræður sigurvegari og tók inn rúmlega 10 þúsund manna aðsókn allt í allt. Fimm aðrar myndir voru frumsýndar um helgina og voru þær Columbiana (sem lenti 3. sæti) og Fright Night (fjórða) nokkuð jafnar í aðsóknartölum. Síðan fór gamanmyndin Our Idiot Brother beint í níunda sætið, Melancholia eftir Lars von Trier tók tólfta og heimildarmyndin Knuckle fauk beinustu leið í tuttugasta.
Vinsælasta myndin í bandaríkjunum í dag er spennutryllirinn Contagion, þar sem gífurlegur fjöldi þekktra leikara prýðir skjáinn. Helgin olli samt miklum vonbrigðum fyrir höfuðpauranna í Hollywood þar sem hún er opinberlega talin aðsóknarminnsta bíóhelgi ársins hingað til.

Contagion, sem er nýjasta mynd Stevens Soderbergh, segir frá lækna- og vísindasamfélagi sem vaknar upp við þann vonda draum að ný tegund af banvænni veiru fer eins og eldur í sinu um heiminn og deyðir flesta þá sem af henni sýkjast á aðeins nokkrum klukkustundum. Áður en læknar og rannsóknarfólk hefur tíma til að klæða sig í sloppana er talið að meira en milljón manns hafi veikst og þeim fjölgar hratt. Í helstu hlutverkum eru Matt Damon, Laurence Fishburne, Gwyneth Paltrow, Kate Winslet, Marion Cotillard og Jude Law.

Þrátt fyrir frægu andlitin og toppsætið þótti 23 milljón dala opnunartalan vera tiltölulega lítil miðað við væntingar. Slagsmáladramað Warrior opnaði í þriðja sæti og tók rétt svo $5,6 milljónir. Sú mynd hefur fengið mikið lof frá gagnrýnendum og eru þegar Óskarsumræður farnar að fljúga í kringum hana. Aðstandendur telja líklegt að umtalið hjálpi henni á næstu vikum. The Help féll annars í annað sætið eftir þrjár vikur á toppnum og þykir enn rúlla bara þokkalega.

Svo opnaði ein önnur mynd um helgina vestanhafs, Bucky Larson að nafni, en hún fékk vægast sagt glataða dóma og situr í kjölfarið með 0% á Rotten Tomatoes. Áhuginn endurspeglaði umtalið greinilega því sú mynd stökk beint í 15. sætið.

Sást þú annars eitthvað sniðugt í bíó um helgina?