Statham í Fast 6 & 7?

Orðrómur gengur nú um veraldarvefinn þess efnis að hörkutólið sköllótta Jason Statham sé í viðræðum um að ganga til liðs við næstu Fast & The Furious myndir. Já, myndir, því samkvæmt orðróminum verða Fast Six, og Fast Seven, eins og þær kallast, teknar upp í einu lagi á næsta ári. Statham myndi þá bætast í „Bestof“ hópinn úr Fast Five sem safnaði saman leikurum fyrri mynda, ásamt því að bæta við Dwayne „The Rock“ Johnson. Justin Lin snýr aftur í leikstjórasætið, en hann hefur gert síðustu þrjár myndir seríunnar.

Eins og alltaf þegar orðrómar sem þessi ganga, er best að taka þeim með fyrirvara… En væri það ekki frekar svalt að fá eins og einn Breta inn í hópinn? Statham hefur svosem leikið í nóg af bílamyndum. Þá væri Statham einnig orðinn hluti af tveimur ofur hasarseríum sem reiða sig á fullt af frægum leikurum í litlum hlutverkum, en það sem nýjustu Fast – myndirnar eru að gera er ekki ósvipað því sem Sylvester Stallone gerði með The Expendables.

Vinnan við Fast Six er þega hafin, og Justin Lin segist vera búinn að taka upp lokahasaratriði myndarinnar, en hann gerði það þegar Fast Five var við tökur í Atlanta. Planið er að myndin verði tekin í Evrópu, sem gæti stutt fullyrðingarnar um að Statham sláist í hópinn.

Statham í Fast 6 & 7?

Orðrómur gengur nú um veraldarvefinn þess efnis að hörkutólið sköllótta Jason Statham sé í viðræðum um að ganga til liðs við næstu Fast & The Furious myndir. Já, myndir, því samkvæmt orðróminum verða Fast Six, og Fast Seven, eins og þær kallast, teknar upp í einu lagi á næsta ári. Statham myndi þá bætast í „Bestof“ hópinn úr Fast Five sem safnaði saman leikurum fyrri mynda, ásamt því að bæta við Dwayne „The Rock“ Johnson. Justin Lin snýr aftur í leikstjórasætið, en hann hefur gert síðustu þrjár myndir seríunnar.

Eins og alltaf þegar orðrómar sem þessi ganga, er best að taka þeim með fyrirvara… En væri það ekki frekar svalt að fá eins og einn Breta inn í hópinn? Statham hefur svosem leikið í nóg af bílamyndum. Þá væri Statham einnig orðinn hluti af tveimur ofur hasarseríum sem reiða sig á fullt af frægum leikurum í litlum hlutverkum, en það sem nýjustu Fast – myndirnar eru að gera er ekki ósvipað því sem Sylvester Stallone gerði með The Expendables.

Vinnan við Fast Six er þega hafin, og Justin Lin segist vera búinn að taka upp lokahasaratriði myndarinnar, en hann gerði það þegar Fast Five var við tökur í Atlanta. Planið er að myndin verði tekin í Evrópu, sem gæti stutt fullyrðingarnar um að Statham sláist í hópinn.