Allt síðan Jaws skráði sig á spjöld sögunnar sem fyrsti sumarstórsmellurinn í bíó árið 1975 hafa hákarlamyndir átt sérstakan stað í huga bíógesta og ástæðan er einföld: Hvort sem sögð er saga af trylltum manndrápshákörlum eða verið er að segja sannar sögur af skepnunum, þá eru myndirnar æsispennandi og fara langt með að hræða líftóruna úr fólki.
Nú er enn ein hákarlamyndin komin í bíó Meg 2: The Trench. Hún er framhald The Meg sem sló í gegn árið 2018, Warner Bros. framleiðslufyrirtækinu til mikillar gleði.
Meg 2: The Trench 2023
Neðansjávarrannsóknarteymið fer ofaní myrkustu hyldýpi sjávar og berst þar við skelfilegar forsögulegar sjávarskepnur. Allt breytist þegar námuverkefni setur ferðina í uppnám. Nú þurfa þau á öllu sínu að halda til að…
SÝNThe Meg var gerð eftir samnefndri bók Steve Alten, The Meg: A Novel of Deep Terror (1997), og tekst ofurtöffarinn Jason Statham þar á við neðansjávarskrímsli sem menn höfðu fyrirfram haldið að væri útdauður risahákarl.
Tekjur myndarinnar í bíó á alþjóðavísu námu 530 milljónum bandaríkjadala.
Einum faraldri síðar
Núna, fimm árum og einum faraldri síðar, er Statham mættur til leiks á ný í framhaldinu Meg 2: The Trench og vonast framleiðendur til þess að endurtaka leikinn og myndin slái í gegn með sama hætti, en The Meg fór á toppinn á frumsýningarhelgi sinni með 45,4 milljónir dala í tekjur snemma í ágúst 2018.
Leikstjóri er Ben Wheatley en hann hefur áður gert myndir eins og Free Fire og Kill List.
Dean Georgaris (The Meg) og Jon Hoeber & Erich Hoeber (Transformers: Rise of the Beasts) skrifa handritið.
Helstu leikarar auk Statham eru Sophia Cai og Page Kennedy, ásamt Wu Jing (Wolf Warrior), Sergio Peris-Mencheta (Rambo: Last Blood), Skyler Samuels (The Gifted) og Cliff Curtis (Avatar).
Sjáðu samantekt Fandango kvikmyndavefsíðunnar yfir 12 bestu hákarlamyndir allra tíma byggt á einkunnagjöf Rotten Tomatoes:
12. Jaws 2 (1978)
Jaws 2 1978
Litla sumarleyfiseyjan Amity reynir nú að lokka ferðamenn aftur á staðinn, eftir að hafa orðið fyrir miklu fjárhagslegu tjóni eftir skelfilegar hákarlaárásir fjórum árum fyrr. Bæjarstjórinn Larry Vaughn er afar ánægður…
11. The Reef: Stalked (2022)
The Reef: Stalked 2022
Eftir að hafa orðið vitni að morði systur sinnar fara Nic, systir hennar Annie og tveir nánir vinir í frí á Kyrrahafseyju til að sigla á kajak og kafa í sjónum. Stuttu eftir komuna á eyna ræðst stór hvítur hákarl á…
10. Open Water (2003)
Open Water 2003
Par í fríi í karabíska hafinu ákveður að fara í köfun. En var það röng ákvörðun? Þegar talið er vitlaust í bátnum, þá verða þau Susan og Daniel ein eftir úti á miðju hafi, og báturinn er löngu farinn. Nú er eina von…
9. Sharknado (2013)
Sharknado 2013
Myndin fjallar um kraftmikinn hvirfilbyl sem sýgur hákarla úr sjónum og lætur þeim svo rigna á stórborg. Furðulegt veðurfyrirbæri sem orsakast af hnattrænni hlýnun, verður til og úr verður geigvænlegur skýstrókur sem…
8. Sharks (2004)
7. The Reef (2010)
6. Sharkwater Extinction (2018)
5. The Shallows (2016)
The Shallows 2016
Nancy Adams er í sorgarferli eftir dauða móður sinnar. Til að takast á við sorgina einsetti Nancy sér m.a að komast á nafnlausa, afskekkta strönd sem hafði verið í miklu uppáhaldi móður hennar þegar hún var á sama aldri…
Síminn4. Sharkwater (2006)
3. Kon-Tiki (2012)
Kon-Tiki 2012
Myndin fjallar um norska náttúruvísindamanninn og landkönnuðinn Thor Heyerdahl. Hann ásetti sér að sanna að menn hefðu siglt frá Perú til Pólynesíu og numið þar land fyrir 1500 árum. Í myndinni er sagt frá undirbúningi…
2. Playing With Sharks (2021)
1. Jaws (1975)
