Endurgerð hinnar frægu RoboCop myndar frá árinu 1987 verður væntanlega R-Rated að sögn framleiðenda myndarinnar. Fyrir þá sem ekki vita þá þýðir R-Rated ,,bönnuð börnum“ í Bandaríkjunum og gefur í skyn meiri blóðsúthellingar, nekt, blótsyrði og ofbeldi en ella.
Einnig hefur verið gert opinbert að Darren Aronofsky mun leikstýra Robocop endurgerðinni og David Self mun skrifa handritið. Darren Aronofsky er í miklum metum hjá kvikmyndaáhugamönnum, en hann er með ótrúlega sérstakan stíl sem t.d. má sjá í Requiem for a Dream, The Fountain og π.
Útgáfudagsetning hefur ekki verið ákveðin